TITUS
Mahabharata
Part No. 207
Previous part

Chapter: 207 
Adhyāya 207


Verse: 1  {Vaiśaṃpāyana uvāca}
Halfverse: a    katʰayitvā tu tat sarvaṃ   brāhmaṇebʰyaḥ sa bʰārata
   katʰayitvā tu tat sarvaṃ   brāhmaṇebʰyaḥ sa bʰārata /
Halfverse: c    prayayau himavatpārśvaṃ   tato vajradʰarātmajaḥ
   prayayau himavat-pārśvaṃ   tato vajra-dʰara_ātmajaḥ /1/

Verse: 2 
Halfverse: a    agastyavaṭam āsādya   vasiṣṭʰasya ca parvatam
   agastya-vaṭam āsādya   vasiṣṭʰasya ca parvatam /
Halfverse: c    bʰr̥gutuṅge ca kaunteyaḥ   kr̥tavāñ śaucam ātmanaḥ
   bʰr̥gu-tuṅge ca kaunteyaḥ   kr̥tavān śaucam ātmanaḥ /2/

Verse: 3 
Halfverse: a    pradadau gosahasrāṇi   tīrtʰeṣv āyataneṣu ca
   pradadau go-sahasrāṇi   tīrtʰeṣv āyataneṣu ca /
Halfverse: c    niveśāṃś ca dvijātibʰyaḥ   so 'dadat kurusattamaḥ
   niveśāṃś ca dvijātibʰyaḥ   so_adadat kuru-sattamaḥ /3/

Verse: 4 
Halfverse: a    hiraṇyabindos tīrtʰe ca   snātvā puruṣasattamaḥ
   hiraṇya-bindos tīrtʰe ca   snātvā puruṣa-sattamaḥ /
Halfverse: c    dr̥ṣṭavān parvataśreṣṭʰaṃ   puṇyāny āyatanāni ca
   dr̥ṣṭavān parvata-śreṣṭʰaṃ   puṇyāny āyatanāni ca /4/

Verse: 5 
Halfverse: a    avatīrya naraśreṣṭʰo   brāhmaṇaiḥ saha bʰārata
   avatīrya nara-śreṣṭʰo   brāhmaṇaiḥ saha bʰārata /
Halfverse: c    prācīṃ diśam abʰiprepsur   jagāma bʰaratarṣabʰaḥ
   prācīṃ diśam abʰiprepsur   jagāma bʰarata-r̥ṣabʰaḥ /5/

Verse: 6 
Halfverse: a    ānupūrvyeṇa tīrtʰāni   dr̥ṣṭavān kurusattamaḥ
   ānupūrvyeṇa tīrtʰāni   dr̥ṣṭavān kuru-sattamaḥ /
Halfverse: c    nadīṃ cotpalinīṃ ramyām   araṇyaṃ naimiṣaṃ prati
   nadīṃ ca_utpalinīṃ ramyām   araṇyaṃ naimiṣaṃ prati /6/

Verse: 7 
Halfverse: a    nandām aparanandāṃ ca   kauśikīṃ ca yaśasvinīm
   nandām apara-nandāṃ ca   kauśikīṃ ca yaśasvinīm /
Halfverse: c    mahānadīṃ gayāṃ caiva   gaṅgām api ca bʰārata
   mahā-nadīṃ gayāṃ caiva   gaṅgām api ca bʰārata /7/

Verse: 8 
Halfverse: a    evaṃ sarvāṇi tīrtʰāni   paśyamānas tatʰāśramān
   evaṃ sarvāṇi tīrtʰāni   paśyamānas tatʰā_āśramān /
Halfverse: c    ātmanaḥ pāvanaṃ kurvan   brāhmaṇebʰyo dadau vasu
   ātmanaḥ pāvanaṃ kurvan   brāhmaṇebʰyo dadau vasu /8/

Verse: 9 
Halfverse: a    aṅgavaṅga kaliṅgeṣu   yāni puṇyāni kāni cit
   aṅga-vaṅga kaliṅgeṣu   yāni puṇyāni kānicit /
Halfverse: c    jagāma tāni sarvāṇi   tīrtʰāny āyatanāni ca
   jagāma tāni sarvāṇi   tīrtʰāny āyatanāni ca /
Halfverse: e    dr̥ṣṭvā ca vidʰivat tāni   dʰanaṃ cāpi dadau tataḥ
   dr̥ṣṭvā ca vidʰivat tāni   dʰanaṃ ca_api dadau tataḥ /9/

Verse: 10 
Halfverse: a    kaliṅga rāṣṭradvāreṣu   brāhmaṇāḥ pāṇḍavānugāḥ
   kaliṅga rāṣṭra-dvāreṣu   brāhmaṇāḥ pāṇḍava_anugāḥ /
Halfverse: c    abʰyanujñāya kaunteyam   upāvartanta bʰārata
   abʰyanujñāya kaunteyam   upāvartanta bʰārata /10/

Verse: 11 
Halfverse: a    sa tu tair abʰyanujñātaḥ   kuntīputro dʰanaṃjayaḥ
   sa tu tair abʰyanujñātaḥ   kuntī-putro dʰanaṃjayaḥ /
Halfverse: c    sahāyair alpakaiḥ śūraḥ   prayayau yena sāgaram
   sahāyair alpakaiḥ śūraḥ   prayayau yena sāgaram /11/

Verse: 12 
Halfverse: a    sa kaliṅgān atikramya   deśān āyatanāni ca
   sa kaliṅgān atikramya   deśān āyatanāni ca /
Halfverse: c    dʰarmyāṇi ramaṇīyāni   prekṣamāṇo yayau prabʰuḥ
   dʰarmyāṇi ramaṇīyāni   prekṣamāṇo yayau prabʰuḥ /12/

Verse: 13 
Halfverse: a    mahendra parvataṃ dr̥ṣṭvā   tāpasair upaśobʰitam
   mahā_indra parvataṃ dr̥ṣṭvā   tāpasair upaśobʰitam /
Halfverse: c    samudratīreṇa śanair   maṇalūraṃ jagāma ha
   samudra-tīreṇa śanair   maṇalūraṃ jagāma ha /13/

Verse: 14 
Halfverse: a    tatra sarvāṇi tīrtʰāni   puṇyāny āyatanāni ca
   tatra sarvāṇi tīrtʰāni   puṇyāny āyatanāni ca /
Halfverse: c    abʰigamya mahābāhur   abʰyagaccʰan mahīpatim
   abʰigamya mahā-bāhur   abʰyagaccʰan mahī-patim /
Halfverse: e    maṇalūreśvaraṃ rājan   dʰarmajñaṃ citravāhanam
   maṇalūra_īśvaraṃ rājan   dʰarmajñaṃ citra-vāhanam /14/

Verse: 15 
Halfverse: a    tasya citrāṅgadā nāma   duhitā cārudarśanā
   tasya citra_aṅgadā nāma   duhitā cāru-darśanā /
Halfverse: c    tāṃ dadarśa pure tasmin   vicarantīṃ yadr̥ccʰayā
   tāṃ dadarśa pure tasmin   vicarantīṃ yadr̥ccʰayā /15/

Verse: 16 
Halfverse: a    dr̥ṣṭvā ca tāṃ varārohāṃ   cakame caitravāhinīm
   dr̥ṣṭvā ca tāṃ vara_ārohāṃ   cakame caitra-vāhinīm /
Halfverse: c    abʰigamya ca rājānaṃ   jñāpayat svaṃ prayojanam
   abʰigamya ca rājānaṃ   jñāpayat svaṃ prayojanam /
Halfverse: e    tam uvācātʰa rājā sa   sāntvapūrvam idaṃ vacaḥ
   tam uvāca_atʰa rājā sa   sāntva-pūrvam idaṃ vacaḥ /16/

Verse: 17 
Halfverse: a    rājā prabʰaṃkaro nāma   kule asmin babʰūva ha
   rājā prabʰaṃkaro nāma   kule\ asmin babʰūva ha / <*asmin>
Halfverse: c    aputraḥ prasavenārtʰī   tapas tepe sa uttamam
   aputraḥ prasavena_artʰī   tapas tepe sa\ uttamam /17/ ՙ

Verse: 18 
Halfverse: a    ugreṇa tapasā tena   praṇipātena śaṃkaraḥ
   ugreṇa tapasā tena   praṇipātena śaṃkaraḥ /
Halfverse: c    īśvaras toṣitas tena   mahādeva umāpatiḥ
   īśvaras toṣitas tena   mahā-deva\ umā-patiḥ /18/ ՙ

Verse: 19 
Halfverse: a    sa tasmai bʰagavān prādād   ekaikaṃ prasavaṃ kule
   sa tasmai bʰagavān prādād   eka_ekaṃ prasavaṃ kule /
Halfverse: c    ekaikaḥ prasavas tasmād   bʰavaty asmin kule sadā
   eka_ekaḥ prasavas tasmād   bʰavaty asmin kule sadā /19/

Verse: 20 
Halfverse: a    teṣāṃ kumārāḥ sarveṣāṃ   pūrveṣāṃ mama jajñire
   teṣāṃ kumārāḥ sarveṣāṃ   pūrveṣāṃ mama jajñire /
Halfverse: c    kanyā tu mama jāteyaṃ   kulasyotpādanī dʰruvam
   kanyā tu mama jātā_iyaṃ   kulasya_utpādanī dʰruvam /20/

Verse: 21 
Halfverse: a    putro mameyam iti me   bʰāvanā puruṣottama
   putro mama_iyam iti me   bʰāvanā puruṣa_uttama /
Halfverse: c    putrikā hetuvidʰinā   saṃjñitā bʰaratarṣabʰa
   putrikā hetu-vidʰinā   saṃjñitā bʰarata-r̥ṣabʰa /21/

Verse: 22 
Halfverse: a    etac cʰulkaṃ bʰavatv asyāḥ   kulakr̥j jāyatām iha
   etat śulkaṃ bʰavatv asyāḥ   kulakr̥j jāyatām iha /
Halfverse: c    etena samayenemāṃ   pratigr̥hṇīṣva pāṇḍava
   etena samayena_imāṃ   pratigr̥hṇīṣva pāṇḍava /22/

Verse: 23 
Halfverse: a    sa tatʰeti pratijñāya   kanyāṃ tāṃ pratigr̥hya ca
   sa tatʰā_iti pratijñāya   kanyāṃ tāṃ pratigr̥hya ca /
Halfverse: c    uvāsa nagare tasmin   kaunteyas trihimāḥ samāḥ
   uvāsa nagare tasmin   kaunteyas tri-himāḥ samāḥ /23/ (E)23



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.