TITUS
Mahabharata
Part No. 765
Previous part

Chapter: 102 
Adhyāya 102


Verse: 1  {Nārada uvāca}
Halfverse: a    sūto 'yaṃ mātalir nāma   śakrasya dayitaḥ suhr̥t
   sūto_ayaṃ mātalir nāma   śakrasya dayitaḥ suhr̥t /
Halfverse: c    śuciḥ śīlaguṇopetas   tejasvī vīryavān balī
   śuciḥ śīla-guṇa_upetas   tejasvī vīryavān balī /1/

Verse: 2 
Halfverse: a    śakrasyāyaṃ sakʰā caiva   mantrī sāratʰir eva ca
   śakrasya_ayaṃ sakʰā caiva   mantrī sāratʰir eva ca /
Halfverse: c    alpāntaraprabʰāvaś ca   vāsavena raṇe raṇe
   alpa_antara-prabʰāvaś ca   vāsavena raṇe raṇe /2/

Verse: 3 
Halfverse: a    ayaṃ harisahasreṇa   yuktaṃ jaitraṃ ratʰottamam
   ayaṃ hari-sahasreṇa   yuktaṃ jaitraṃ ratʰa_uttamam /
Halfverse: c    devāsureṣu yuddʰeṣu   manasaiva niyaccʰati
   deva_asureṣu yuddʰeṣu   manasā_eva niyaccʰati /3/

Verse: 4 
Halfverse: a    anena vijitān aśvair   dorbʰyāṃ jayati vāsavaḥ
   anena vijitān aśvair   dorbʰyāṃ jayati vāsavaḥ /
Halfverse: c    anena prahr̥te pūrvaṃ   balabʰit praharaty uta
   anena prahr̥te pūrvaṃ   balabʰit praharaty uta /4/

Verse: 5 
Halfverse: a    asya kanyā varārohā   rūpeṇāsadr̥śī bʰuvi
   asya kanyā vara_ārohā   rūpeṇa_asadr̥śī bʰuvi /
Halfverse: c    sattvaśīlaguṇopetā   guṇakeśīti viśrutā
   sattva-śīla-guṇa_upetā   guṇa-keśī_iti viśrutā /5/

Verse: 6 
Halfverse: a    tasyāsya yatnāc caratas   trailokyam amara dyute
   tasya_asya yatnāc caratas   trailokyam amara dyute /
Halfverse: c    sumukʰo bʰavataḥ pautro   rocate duhituḥ patiḥ
   sumukʰo bʰavataḥ pautro   rocate duhituḥ patiḥ /6/

Verse: 7 
Halfverse: a    yadi te rocate saumya   bʰujagottama māciram
   yadi te rocate saumya   bʰujaga_uttama māciram /
Halfverse: c    kriyatām āryaka kṣipraṃ   buddʰiḥ kanyā pratigrahe
   kriyatām āryaka kṣipraṃ   buddʰiḥ kanyā pratigrahe /7/

Verse: 8 
Halfverse: a    yatʰā viṣṇukule lakṣmīr   yatʰā svāhā vibʰāvasoḥ
   yatʰā viṣṇu-kule lakṣmīr   yatʰā svāhā vibʰāvasoḥ /
Halfverse: c    kule tava tatʰaivāstu   guṇakeśī pratīccʰatu
   kule tava tatʰaiva_astu   guṇa-keśī pratīccʰatu /

Verse: 9 
Halfverse: a    pautrasyārtʰe bʰavāṃs tasmād   guṇakeśī pratīccʰatu
   pautrasya_artʰe bʰavāṃs tasmād   guṇa-keśī pratīccʰatu /
Halfverse: c    sadr̥śīṃ pratirūpasya   vāsavasya śacīm iva
   sadr̥śīṃ pratirūpasya   vāsavasya śacīm iva /9/

Verse: 10 
Halfverse: a    pitr̥hīnam api hy enaṃ   guṇato varayāmahe
   pitr̥-hīnam api hy enaṃ   guṇato varayāmahe /
Halfverse: c    bahumānāc ca bʰavatas   tatʰaivairāvatasya ca
   bahu-mānāc ca bʰavatas   tatʰaiva_airāvatasya ca /
Halfverse: e    sumukʰasya guṇaiś caiva   śīlaśaucadamādibʰiḥ
   sumukʰasya guṇaiś caiva   śīla-śauca-dama_ādibʰiḥ /10/ 10

Verse: 11 
Halfverse: a    abʰigamya svayaṃ kanyām   ayaṃ dātuṃ samudyataḥ
   abʰigamya svayaṃ kanyām   ayaṃ dātuṃ samudyataḥ /
Halfverse: c    mālates tasya saṃmānaṃ   kartum arho bʰavān api
   mālates tasya saṃmānaṃ   kartum arho bʰavān api /11/

Verse: 12 
Halfverse: a    sa tu dīnaḥ prahr̥ṣṭaś ca   prāha nāradam āryakaḥ
   sa tu dīnaḥ prahr̥ṣṭaś ca   prāha nāradam āryakaḥ / ՙ
Halfverse: c    vriyamāṇe tatʰā pautre   putre ca nidʰanaṃ gate
   vriyamāṇe tatʰā pautre   putre ca nidʰanaṃ gate /12/

Verse: 13 
Halfverse: a    na me naitad bahumataṃ   devarṣe vacanaṃ tava
   na me na_etad bahu-mataṃ   devarṣe vacanaṃ tava /
Halfverse: c    sakʰā śakrasya saṃyuktaḥ   kasyāyaṃ nepsito bʰavet
   sakʰā śakrasya saṃyuktaḥ   kasya_ayaṃ na_īpsito bʰavet /13/

Verse: 14 
Halfverse: a    kāraṇasya tu daurbalyāc   cintayāmi mahāmune
   kāraṇasya tu daurbalyāc   cintayāmi mahā-mune /
Halfverse: c    asya dehakaras tāta   mama putro mahādyute
   asya dehakaras tāta   mama putro mahādyute
Halfverse: e    bʰakṣito vainateyena   duḥkʰārtās tena vai vayam
   bʰakṣito vainateyena   duḥkʰa_artās tena vai vayam /14/

Verse: 15 
Halfverse: a    punar eva ca tenoktaṃ   vainateyena gaccʰatā
   punar eva ca tena_uktaṃ   vainateyena gaccʰatā /
Halfverse: c    māsenānyena sumukʰaṃ   bʰakṣayiṣya iti prabʰo
   māsena_anyena sumukʰaṃ   bʰakṣayiṣya\ iti prabʰo /15/ ՙ

Verse: 16 
Halfverse: a    dʰruvaṃ tatʰā tad bʰavitā   jānīmas tasya niścayam
   dʰruvaṃ tatʰā tad bʰavitā   jānīmas tasya niścayam / ՙ
Halfverse: c    tena harṣaḥ pranaṣṭo me   suparṇavacanena vai
   tena harṣaḥ pranaṣṭo me   suparṇa-vacanena vai /16/

Verse: 17 
Halfverse: a    mātalis tv abravīd enaṃ   buddʰir atra kr̥tā mayā
   mātalis tv abravīd enaṃ   buddʰir atra kr̥tā mayā /
Halfverse: c    jāmātr̥bʰāvena vr̥taḥ   sumukʰas tava putrajaḥ
   jāmātr̥-bʰāvena vr̥taḥ   sumukʰas tava putrajaḥ /17/

Verse: 18 
Halfverse: a    so 'yaṃ mayā ca sahito   nāradena ca pannagaḥ
   so_ayaṃ mayā ca sahito   nāradena ca pannagaḥ /
Halfverse: c    trilokeśaṃ surapatiṃ   gatvā paśyatu vāsavam
   triloka_īśaṃ sura-patiṃ   gatvā paśyatu vāsavam /18/

Verse: 19 
Halfverse: a    śeṣeṇaivāsya kāryeṇa   prajñāsyāmy aham āyuṣaḥ
   śeṣeṇa_eva_asya kāryeṇa   prajñāsyāmy aham āyuṣaḥ /
Halfverse: c    suparṇasya vigʰāte ca   prayatiṣyāmi sattama
   suparṇasya vigʰāte ca   prayatiṣyāmi sattama /19/

Verse: 20 
Halfverse: a    sumukʰaś ca mayā sārdʰaṃ   deveśam abʰigaccʰatu
   sumukʰaś ca mayā sārdʰaṃ   deva_īśam abʰigaccʰatu /
Halfverse: c    kāryasaṃsādʰanārtʰāya   svasti te 'stu bʰujaṃgama
   kārya-saṃsādʰana_artʰāya   svasti te_astu bʰujaṃgama /20/ 20

Verse: 21 
Halfverse: a    tatas te sumukʰaṃ gr̥hya   sarva eva mahaujasaḥ
   tatas te sumukʰaṃ gr̥hya   sarva\ eva mahā_ojasaḥ /
Halfverse: c    dadr̥śuḥ śakram āsīnaṃ   devarājaṃ mahādyutim
   dadr̥śuḥ śakram āsīnaṃ   deva-rājaṃ mahā-dyutim /21/

Verse: 22 
Halfverse: a    saṃgatyā tatra bʰagavān   viṣṇur āsīc caturbʰujaḥ
   saṃgatyā tatra bʰagavān   viṣṇur āsīc catur-bʰujaḥ /
Halfverse: c    tatas tat sarvam ācakʰyau   nārado mātaliṃ prati
   tatas tat sarvam ācakʰyau   nārado mātaliṃ prati /22/

Verse: 23 
Halfverse: a    tataḥ puraṃdaraṃ viṣṇur   uvāca bʰuvaneśvaram
   tataḥ puraṃdaraṃ viṣṇur   uvāca bʰuvana_īśvaram /
Halfverse: c    amr̥taṃ dīyatām asmai   kriyatām amaraiḥ samaḥ
   amr̥taṃ dīyatām asmai   kriyatām amaraiḥ samaḥ /23/

Verse: 24 
Halfverse: a    mātalir nāradaś caiva   sumukʰaś caiva vāsava
   mātalir nāradaś caiva   sumukʰaś caiva vāsava /
Halfverse: c    labʰantāṃ bʰavataḥ kāmāt   kāmam etaṃ yatʰepsitam
   labʰantāṃ bʰavataḥ kāmāt   kāmam etaṃ yatʰā_īpsitam /24/

Verse: 25 
Halfverse: a    puraṃdaro 'tʰa saṃcintya   vainateya parākramam
   puraṃdaro_atʰa saṃcintya   vainateya parākramam /
Halfverse: c    viṣṇum evābravīd enaṃ   bʰavān eva dadātv iti
   viṣṇum eva_abravīd enaṃ   bʰavān eva dadātv iti /25/

Verse: 26 
Halfverse: a    īśas tvam asi lokānāṃ   carāṇām acarāś ca ye
   īśas tvam asi lokānāṃ   carāṇām acarāś ca ye / ՙ
Halfverse: c    tvayā dattam adattaṃ kaḥ   kartum utsahate vibʰo
   tvayā dattam adattaṃ kaḥ   kartum utsahate vibʰo /26/

Verse: 27 
Halfverse: a    prādāc cʰakras tatas tasmai   pannagāyāyur uttamam
   prādāt śakras tatas tasmai   pannagāya_āyur uttamam / ՙ
Halfverse: c    na tv enam amr̥taprāśaṃ   cakāra balavr̥trahā
   na tv enam amr̥ta-prāśaṃ   cakāra bala-vr̥trahā /27/

Verse: 28 
Halfverse: a    labdʰvā varaṃ tu sumukʰaḥ   sumukʰaḥ saṃbabʰūva ha
   labdʰvā varaṃ tu sumukʰaḥ   sumukʰaḥ saṃbabʰūva ha /
Halfverse: c    kr̥tadāro yatʰākāmaṃ   jagāma ca gr̥hān prati
   kr̥ta-dāro yatʰā-kāmaṃ   jagāma ca gr̥hān prati /28/

Verse: 29 
Halfverse: a    nāradas tv āryakaś caiva   kr̥takāryau mudā yutau
   nāradas tv āryakaś caiva   kr̥ta-kāryau mudā yutau /
Halfverse: c    pratijagmatur abʰyarcya   devarājaṃ mahādyutim
   pratijagmatur abʰyarcya   deva-rājaṃ mahā-dyutim /29/ (E)29ՙ



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.