TITUS
Mahabharata
Part No. 764
Previous part

Chapter: 101 
Adhyāya 101


Verse: 1  {Nārada uvāca}
Halfverse: a    iyaṃ bʰogavatī nāma   purī vāsukipālitā
   iyaṃ bʰogavatī nāma   purī vāsuki-pālitā /
Halfverse: c    yādr̥śī devarājasya   purī varyāmarāvatī
   yādr̥śī deva-rājasya   purī varyā_amarāvatī /1/

Verse: 2 
Halfverse: a    eṣa śeṣaḥ stʰito nāgo   yeneyaṃ dʰāryate sadā
   eṣa śeṣaḥ stʰito nāgo   yena_iyaṃ dʰāryate sadā /
Halfverse: c    tapasā lokamukʰyena   prabʰāvamahatā mahī
   tapasā loka-mukʰyena   prabʰāva-mahatā mahī /2/

Verse: 3 
Halfverse: a    śvetoccaya nibʰākāro   nānāvidʰa vibʰūṣaṇaḥ
   śveta_uccaya nibʰa_ākāro   nānā-vidʰa vibʰūṣaṇaḥ /
Halfverse: c    sahasraṃ dʰārayan mūrdʰnā   jvālā jihvo mahābalaḥ
   sahasraṃ dʰārayan mūrdʰnā   jvālā jihvo mahā-balaḥ /3/

Verse: 4 
Halfverse: a    iha nānāvidʰākārā   nānāvidʰa vibʰūṣaṇāḥ
   iha nānā-vidʰa_ākārā   nānā-vidʰa vibʰūṣaṇāḥ /
Halfverse: c    surasāyāḥ sutā nāgā   nivasanti gatavyatʰāḥ
   surasāyāḥ sutā nāgā   nivasanti gata-vyatʰāḥ /4/

Verse: 5 
Halfverse: a    maṇisvastika cakrāṅkāḥ   kamaṇḍaluka lakṣaṇāḥ
   maṇi-svastika cakra_aṅkāḥ   kamaṇḍaluka lakṣaṇāḥ /
Halfverse: c    sahasrasaṃkʰyā balinaḥ   sarve raudrāḥ svabʰāvataḥ
   sahasra-saṃkʰyā balinaḥ   sarve raudrāḥ svabʰāvataḥ /5/

Verse: 6 
Halfverse: a    sahasraśirasaḥ ke cit   ke cit pañcaśatānanāḥ
   sahasra-śirasaḥ kecit   kecit pañca-śata_ānanāḥ /
Halfverse: c    śataśīrṣās tatʰā ke cit   ke cit triśiraso 'pi ca
   śata-śīrṣās tatʰā kecit   kecit triśiraso_api ca /6/

Verse: 7 
Halfverse: a    dvipañca śirasaḥ ke cit   ke cit sapta mukʰās tatʰā
   dvi-pañca śirasaḥ kecit   kecit sapta mukʰās tatʰā /
Halfverse: c    mahābʰogā mahākāyāḥ   parvatābʰogabʰoginaḥ
   mahā_ābʰogā mahā-kāyāḥ   parvata_ābʰoga-bʰoginaḥ /7/

Verse: 8 
Halfverse: a    bahūnīha sahasrāṇi   prayutāny arbudāni ca
   bahūni_iha sahasrāṇi   prayutāny arbudāni ca /
Halfverse: c    nāgānām ekavaṃśānāṃ   yatʰā śreṣṭʰāṃs tu me śr̥ṇu
   nāgānām eka-vaṃśānāṃ   yatʰā śreṣṭʰāṃs tu me śr̥ṇu /8/

Verse: 9 
Halfverse: a    vāsukis takṣakaś caiva   karkoṭaka dʰanaṃjayau
   vāsukis takṣakaś caiva   karkoṭaka dʰanaṃjayau /
Halfverse: c    kālīyo nahuṣaś caiva   kambalāśvatarāv ubʰau
   kālīyo nahuṣaś caiva   kambala_aśvatarāv ubʰau /9/

Verse: 10 
Halfverse: a    bāhyakuṇḍo maṇir nāgas   tatʰaivāpūraṇaḥ kʰagaḥ
   bāhya-kuṇḍo maṇir nāgas   tatʰaiva_āpūraṇaḥ kʰagaḥ /
Halfverse: c    vāmanaś caila patraś ca   kukuraḥ kukuṇas tatʰā
   vāmanaś caila patraś ca   kukuraḥ kukuṇas tatʰā /10/ 10

Verse: 11 
Halfverse: a    āryako nandakaś caiva   tatʰā kalaśapotakau
   āryako nandakaś caiva   tatʰā kalaśa-potakau /
Halfverse: c    kailāsakaḥ piñjarako   nāgaś cairāvatas tatʰā
   kailāsakaḥ piñjarako   nāgaś ca_airāvatas tatʰā /11/

Verse: 12 
Halfverse: a    sumanomukʰo dadʰimukʰaḥ   śaṅkʰo nandopanandakau
   sumano-mukʰo dadʰi-mukʰaḥ   śaṅkʰo nanda_upanandakau / q
Halfverse: c    āptaḥ koṭanakaś caiva   śikʰī niṣṭʰūrikas tatʰā
   āptaḥ koṭanakaś caiva   śikʰī niṣṭʰūrikas tatʰā /12/

Verse: 13 
Halfverse: a    tittirir hastibʰadraś ca   kumudo mālyapiṇḍakaḥ
   tittirir hasti-bʰadraś ca   kumudo mālya-piṇḍakaḥ /
Halfverse: c    dvau padmau puṇḍarīkaś ca   puṣpo mudgaraparṇakaḥ
   dvau padmau puṇḍarīkaś ca   puṣpo mudgara-parṇakaḥ /13/

Verse: 14 
Halfverse: a    karavīraḥ pīṭʰarakaḥ   saṃvr̥tto vr̥tta eva ca
   kara-vīraḥ pīṭʰarakaḥ   saṃvr̥tto vr̥tta\ eva ca / ՙ
Halfverse: c    piṇḍāro bilvapatraś ca   mūṣikādaḥ śirīṣakaḥ
   piṇḍāro bilva-patraś ca   mūṣikādaḥ śirīṣakaḥ /14/

Verse: 15 
Halfverse: a    dilīpaḥ śaṅkʰaśīrṣaś ca   jyotiṣko 'tʰāparājitaḥ
   dilīpaḥ śaṅkʰa-śīrṣaś ca   jyotiṣko_atʰa_aparājitaḥ /
Halfverse: c    kauravyo dʰr̥tarāṣṭraś ca   kumāraḥ kuśakas tatʰā
   kauravyo dʰr̥tarāṣṭraś ca   kumāraḥ kuśakas tatʰā /15/

Verse: 16 
Halfverse: a    virajā dʰāraṇaś caiva   subāhur mukʰaro jayaḥ
   virajā dʰāraṇaś caiva   subāhur mukʰaro jayaḥ /
Halfverse: c    badʰirāndʰau vikuṇḍaś ca   virasaḥ surasas tatʰā
   badʰira_andʰau vikuṇḍaś ca   virasaḥ surasas tatʰā /16/

Verse: 17 
Halfverse: a    ete cānye ca bahavaḥ   kaśyapasyātmajāḥ smr̥tāḥ
   ete ca_anye ca bahavaḥ   kaśyapasya_ātmajāḥ smr̥tāḥ /
Halfverse: c    mātale paśya yady atra   kaś cit te rocate varaḥ
   mātale paśya yady atra   kaścit te rocate varaḥ /17/

Verse: 18  {Kaṇva uvāca}
Halfverse: a    mātalis tv ekam avyagraḥ   satataṃ saṃnirīkṣya vai
   mātalis tv ekam avyagraḥ   satataṃ saṃnirīkṣya vai / ՙ
Halfverse: c    papraccʰa nāradaṃ tatra   prītimān iva cābʰavat
   papraccʰa nāradaṃ tatra   prītimān iva ca_abʰavat /18/

Verse: 19 
Halfverse: a    stʰito ya eṣa purataḥ   kauravyasyāryakasya ca
   stʰito ya\ eṣa purataḥ   kauravyasya_āryakasya ca / ՙ
Halfverse: c    dyutimān darśanīyaś ca   kasyaiṣa kulanandanaḥ
   dyutimān darśanīyaś ca   kasya_eṣa kula-nandanaḥ /19/

Verse: 20 
Halfverse: a    kaḥ pitā jananī cāsya   katamasyaiṣa bʰoginaḥ
   kaḥ pitā jananī ca_asya   katamasya_eṣa bʰoginaḥ /
Halfverse: c    vaṃśasya kasyaiṣa mahān   ketubʰūta iva stʰitaḥ
   vaṃśasya kasya_eṣa mahān   ketu-bʰūta\ iva stʰitaḥ /20/ 20ՙ

Verse: 21 
Halfverse: a    praṇidʰānena dʰairyeṇa   rūpeṇa vayasā ca me
   praṇidʰānena dʰairyeṇa   rūpeṇa vayasā ca me /
Halfverse: c    manaḥ praviṣṭo devarṣe   guṇakeśyāḥ patir varaḥ
   manaḥ praviṣṭo devarṣe   guṇa-keśyāḥ patir varaḥ /21/

Verse: 22 
Halfverse: a    mātaliṃ prītimanasaṃ   dr̥ṣṭvā sumukʰa darśanāt
   mātaliṃ prīti-manasaṃ   dr̥ṣṭvā sumukʰa darśanāt /
Halfverse: c    nivedayām āsa tadā   māhātmyaṃ janma karma ca
   nivedayām āsa tadā   māhātmyaṃ janma karma ca /22/

Verse: 23 
Halfverse: a    airāvata kule jātaḥ   sumukʰo nāma nāgarāṭ
   airāvata kule jātaḥ   sumukʰo nāma nāga-rāṭ /
Halfverse: c    āryakasya mataḥ pautro   dauhitro vāmanasya ca
   āryakasya mataḥ pautro   dauhitro vāmanasya ca /23/

Verse: 24 
Halfverse: a    etasya hi pitā nāgaś   cikuro nāma mātale
   etasya hi pitā nāgaś   cikuro nāma mātale /
Halfverse: c    nacirād vainateyena   pañcatvam upapāditaḥ
   nacirād vainateyena   pañcatvam upapāditaḥ /24/

Verse: 25 
Halfverse: a    tato 'bravīt prītamanā   mātalir nāradaṃ vacaḥ
   tato_abravīt prīta-manā   mātalir nāradaṃ vacaḥ /
Halfverse: c    eṣa me rucitas tāta   jāmātā bʰujagottamaḥ
   eṣa me rucitas tāta   jāmātā bʰujaga_uttamaḥ /25/

Verse: 26 
Halfverse: a    kriyatām atra yatno hi   prītimān asmy anena vai
   kriyatām atra yatno hi   prītimān asmy anena vai /
Halfverse: c    asya nāgapater dātuṃ   priyāṃ duhitaraṃ mune
   asya nāga-pater dātuṃ   priyāṃ duhitaraṃ mune /26/ (E)26



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.