TITUS
Ramayana
Part No. 33
Previous part

Chapter: 33 
Adhyāya 33


Verse: 1 
Halfverse: a    kr̥todvāhe gate tasmin   brahmadatte ca rāgʰava
   kr̥ta_udvāhe gate tasmin   brahma-datte ca rāgʰava /
Halfverse: c    aputraḥ putralābʰāya   pautrīm iṣṭim akalpayat
   aputraḥ putra-lābʰāya   pautrīm iṣṭim akalpayat /1/

Verse: 2 
Halfverse: a    iṣṭyāṃ tu vartamānāyāṃ   kuśanābʰaṃ mahīpatim
   iṣṭyāṃ tu vartamānāyāṃ   kuśa-nābʰaṃ mahī-patim /
Halfverse: c    uvāca paramaprītaḥ   kuśo brahmasutas tadā
   uvāca parama-prītaḥ   kuśo brahma-sutas tadā /2/

Verse: 3 
Halfverse: a    putras te sadr̥śaḥ putra   bʰaviṣyati sudʰārmikaḥ
   putras te sadr̥śaḥ putra   bʰaviṣyati sudʰārmikaḥ /
Halfverse: c    gādʰiṃ prāpsyasi tena tvaṃ   kīrtiṃ loke ca śāśvatīm
   gādʰiṃ prāpsyasi tena tvaṃ   kīrtiṃ loke ca śāśvatīm /3/

Verse: 4 
Halfverse: a    evam uktvā kuśo rāma   kuśanābʰaṃ mahīpatim
   evam uktvā kuśo rāma   kuśa-nābʰaṃ mahī-patim /
Halfverse: c    jagāmākāśam āviśya   brahmalokaṃ sanātanam
   jagāma_ākāśam āviśya   brahma-lokaṃ sanātanam /4/

Verse: 5 
Halfverse: a    kasya cit tv atʰa kālasya   kuśanābʰasya dʰīmataḥ
   kasyacit tv atʰa kālasya   kuśa-nābʰasya dʰīmataḥ /
Halfverse: c    jajñe paramadʰarmiṣṭʰo   gādʰir ity eva nāmataḥ
   jajñe parama-dʰarmiṣṭʰo   gādʰir ity eva nāmataḥ /5/

Verse: 6 
Halfverse: a    sa pitā mama kākutstʰa   gādʰiḥ paramadʰārmikaḥ
   sa pitā mama kākutstʰa   gādʰiḥ parama-dʰārmikaḥ /
Halfverse: c    kuśavaṃśaprasūto 'smi   kauśiko ragʰunandana
   kuśa-vaṃśa-prasūto_asmi   kauśiko ragʰu-nandana /6/

Verse: 7 
Halfverse: a    pūrvajā bʰaginī cāpi   mama rāgʰava suvratā
   pūrvajā bʰaginī ca_api   mama rāgʰava suvratā /
Halfverse: c    nāmnā satyavatī nāma   r̥cīke pratipāditā
   nāmnā satyavatī nāma   r̥cīke pratipāditā /7/

Verse: 8 
Halfverse: a    saśarīrā gatā svargaṃ   bʰartāram anuvartinī
   saśarīrā gatā svargaṃ   bʰartāram anuvartinī /
Halfverse: c    kauśikī paramodārā   sā pravr̥ttā mahānadī
   kauśikī parama_udārā   sā pravr̥ttā mahā-nadī /8/

Verse: 9 
Halfverse: a    divyā puṇyodakā ramyā   himavantam upāśritā
   divyā puṇya_udakā ramyā   himavantam upāśritā /
Halfverse: c    lokasya hitakāmārtʰaṃ   pravr̥ttā bʰaginī mama
   lokasya hita-kāma_artʰaṃ   pravr̥ttā bʰaginī mama /9/

Verse: 10 
Halfverse: a    tato 'haṃ himavatpārśve   vasāmi niyataḥ sukʰam
   tato_ahaṃ himavat-pārśve   vasāmi niyataḥ sukʰam /
Halfverse: c    bʰaginyāḥ snehasaṃyuktaḥ   kauśikyā ragʰunandana
   bʰaginyāḥ sneha-saṃyuktaḥ   kauśikyā ragʰu-nandana /10/

Verse: 11 
Halfverse: a    sā tu satyavatī puṇyā   satye dʰarme pratiṣṭʰitā
   sā tu satyavatī puṇyā   satye dʰarme pratiṣṭʰitā /
Halfverse: c    pativratā mahābʰāgā   kauśikī saritāṃ varā
   pati-vratā mahā-bʰāgā   kauśikī saritāṃ varā /11/

Verse: 12 
Halfverse: a    ahaṃ hi niyamād rāma   hitvā tāṃ samupāgataḥ
   ahaṃ hi niyamād rāma   hitvā tāṃ samupāgataḥ /
Halfverse: c    siddʰāśramam anuprāpya   siddʰo 'smi tava tejasā
   siddʰa_āśramam anuprāpya   siddʰo_asmi tava tejasā /12/

Verse: 13 
Halfverse: a    eṣā rāma mamotpattiḥ   svasya vaṃśasya kīrtitā
   eṣā rāma mama_utpattiḥ   svasya vaṃśasya kīrtitā /
Halfverse: c    deśasya ca mahābāho   yan māṃ tvaṃ paripr̥ccʰasi
   deśasya ca mahā-bāho   yan māṃ tvaṃ paripr̥ccʰasi /13/

Verse: 14 
Halfverse: a    gato 'rdʰarātraḥ kākutstʰa   katʰāḥ katʰayato mama
   gato_ardʰa-rātraḥ kākutstʰa   katʰāḥ katʰayato mama /
Halfverse: c    nidrām abʰyehi bʰadraṃ te   mā bʰūd vigʰno 'dʰvanīha naḥ
   nidrām abʰyehi bʰadraṃ te   mā bʰūd vigʰno_adʰvani_iha naḥ /14/

Verse: 15 
Halfverse: a    niṣpandās taravaḥ sarve   nilīnā mr̥gapakṣiṇaḥ
   niṣpandās taravaḥ sarve   nilīnā mr̥ga-pakṣiṇaḥ /
Halfverse: c    naiśena tamasā vyāptā   diśaś ca ragʰunandana
   naiśena tamasā vyāptā   diśaś ca ragʰu-nandana /15/

Verse: 16 
Halfverse: a    śanair viyujyate saṃdʰyā   nabʰo netrair ivāvr̥tam
   śanair viyujyate saṃdʰyā   nabʰo netrair iva_āvr̥tam /
Halfverse: c    nakṣatratārāgahanaṃ   jyotirbʰir avabʰāsate
   nakṣatra-tārā-gahanaṃ   jyotirbʰir avabʰāsate /16/

Verse: 17 
Halfverse: a    uttiṣṭʰati ca śītāṃśuḥ   śaśī lokatamonudaḥ
   uttiṣṭʰati ca śīta_aṃśuḥ   śaśī loka-tamo-nudaḥ /
Halfverse: c    hlādayan prāṇināṃ loke   manāṃsi prabʰayā vibʰo
   hlādayan prāṇināṃ loke   manāṃsi prabʰayā vibʰo /17/

Verse: 18 
Halfverse: a    naiśāni sarvabʰūtāni   pracaranti tatas tataḥ
   naiśāni sarva-bʰūtāni   pracaranti tatas tataḥ /
Halfverse: c    yakṣarākṣasasaṃgʰāś ca   raudrāś ca piśitāśanāḥ
   yakṣa-rākṣasa-saṃgʰāś ca   raudrāś ca piśita_aśanāḥ /18/

Verse: 19 
Halfverse: a    evam uktvā mahātejā   virarāma mahāmuniḥ
   evam uktvā mahā-tejā   virarāma mahā-muniḥ /
Halfverse: c    sādʰu sādʰv iti taṃ sarve   munayo hy abʰyapūjayan
   sādʰu sādʰv iti taṃ sarve   munayo hy abʰyapūjayan /19/

Verse: 20 
Halfverse: a    rāmo 'pi saha saumitriḥ   kiṃ cid āgatavismayaḥ
   rāmo_api saha saumitriḥ   kiṃcid āgata-vismayaḥ /
Halfverse: c    praśasya muniśārdūlaṃ   nidrāṃ samupasevate
   praśasya muni-śārdūlaṃ   nidrāṃ samupasevate /20/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.