TITUS
Ramayana
Part No. 67
Previous part

Chapter: 67 
Adhyāya 67


Verse: 1 
Halfverse: a    janakena samādiṣṭā   dūtās te klāntavāhanāḥ
   janakena samādiṣṭā   dūtās te klānta-vāhanāḥ /
Halfverse: c    trirātram uṣitvā mārge   te 'yodʰyāṃ prāviśan purīm
   trirātram uṣitvā mārge   te_ayodʰyāṃ prāviśan purīm /1/

Verse: 2 
Halfverse: a    te rājavacanād dūtā   rājaveśmapraveśitāḥ
   te rāja-vacanād dūtā   rāja-veśma-praveśitāḥ /
Halfverse: c    dadr̥śur devasaṃkāśaṃ   vr̥ddʰaṃ daśaratʰaṃ nr̥pam
   dadr̥śur deva-saṃkāśaṃ   vr̥ddʰaṃ daśaratʰaṃ nr̥pam /2/

Verse: 3 
Halfverse: a    baddʰāñjalipuṭāḥ sarve   dūtā vigatasādʰvasāḥ
   baddʰa_añjali-puṭāḥ sarve   dūtā vigata-sādʰvasāḥ /
Halfverse: c    rājānaṃ prayatā vākyam   abruvan madʰurākṣaram
   rājānaṃ prayatā vākyam   abruvan madʰura_akṣaram /3/

Verse: 4 
Halfverse: a    maitʰilo janako rājā   sāgnihotrapuraskr̥taḥ
   maitʰilo janako rājā   sāgni-hotra-puras-kr̥taḥ /
Halfverse: c    kuśalaṃ cāvyayaṃ caiva   sopādʰyāyapurohitam
   kuśalaṃ ca_avyayaṃ caiva   sa_upādʰyāya-purohitam /4/

Verse: 5 
Halfverse: a    muhur muhur madʰurayā   snehasaṃyuktayā girā
   muhur muhur madʰurayā   sneha-saṃyuktayā girā /
Halfverse: c    janakas tvāṃ mahārāja   pr̥ccʰate sapuraḥsaram
   janakas tvāṃ mahā-rāja   pr̥ccʰate sapuraḥ-saram /5/

Verse: 6 
Halfverse: a    pr̥ṣṭvā kuśalam avyagraṃ   vaideho mitʰilādʰipaḥ
   pr̥ṣṭvā kuśalam avyagraṃ   vaideho mitʰilā_adʰipaḥ /
Halfverse: c    kauśikānumate vākyaṃ   bʰavantam idam abravīt
   kauśika_anumate vākyaṃ   bʰavantam idam abravīt /6/

Verse: 7 
Halfverse: a    pūrvaṃ pratijñā viditā   vīryaśulkā mamātmajā
   pūrvaṃ pratijñā viditā   vīrya-śulkā mama_ātmajā /
Halfverse: c    rājānaś ca kr̥tāmarṣā   nirvīryā vimukʰīkr̥tāḥ
   rājānaś ca kr̥ta_amarṣā   nirvīryā vimukʰī-kr̥tāḥ /7/

Verse: 8 
Halfverse: a    seyaṃ mama sutā rājan   viśvāmitra puraḥsaraiḥ
   sā_iyaṃ mama sutā rājan   viśvāmitra puraḥsaraiḥ /
Halfverse: c    yadr̥ccʰayāgatair vīrair   nirjitā tava putrakaiḥ
   yadr̥ccʰayā_āgatair vīrair   nirjitā tava putrakaiḥ /8/

Verse: 9 
Halfverse: a    tac ca rājan dʰanur divyaṃ   madʰye bʰagnaṃ mahātmanā
   tac ca rājan dʰanur divyaṃ   madʰye bʰagnaṃ mahātmanā /
Halfverse: c    rāmeṇa hi mahārāja   mahatyāṃ janasaṃsadi
   rāmeṇa hi mahā-rāja   mahatyāṃ jana-saṃsadi /9/

Verse: 10 
Halfverse: a    asmai deyā mayā sītā   vīryaśulkā mahātmane
   asmai deyā mayā sītā   vīrya-śulkā mahātmane /
Halfverse: c    pratijñāṃ tartum iccʰāmi   tad anujñātum arhasi
   pratijñāṃ tartum iccʰāmi   tad anujñātum arhasi /10/

Verse: 11 
Halfverse: a    sopādʰyāyo mahārāja   purohitapuraskr̥taḥ
   sa_upādʰyāyo mahā-rāja   purohita-puraskr̥taḥ /
Halfverse: c    śīgʰram āgaccʰa bʰadraṃ te   draṣṭum arhasi rāgʰavau
   śīgʰram āgaccʰa bʰadraṃ te   draṣṭum arhasi rāgʰavau /11/

Verse: 12 
Halfverse: a    prītiṃ ca mama rājendra   nirvartayitum arhasi
   prītiṃ ca mama rāja_indra   nirvartayitum arhasi /
Halfverse: c    putrayor ubʰayor eva   prītiṃ tvam api lapsyase
   putrayor ubʰayor eva   prītiṃ tvam api lapsyase /12/

Verse: 13 
Halfverse: a    evaṃ videhādʰipatir   madʰuraṃ vākyam abravīt
   evaṃ videha_adʰipatir   madʰuraṃ vākyam abravīt /
Halfverse: c    viśvāmitrābʰyanujñātaḥ   śatānandamate stʰitaḥ
   viśvāmitra_abʰyanujñātaḥ   śata_ānanda-mate stʰitaḥ /13/

Verse: 14 
Halfverse: a    dūtavākyaṃ tu tac cʰrutvā   rājā paramaharṣitaḥ
   dūta-vākyaṃ tu tat śrutvā   rājā parama-harṣitaḥ /
Halfverse: c    vasiṣṭʰaṃ vāmadevaṃ ca   mantriṇo 'nyāṃś ca so 'bravīt
   vasiṣṭʰaṃ vāma-devaṃ ca   mantriṇo_anyāṃś ca so_abravīt /14/

Verse: 15 
Halfverse: a    guptaḥ kuśikaputreṇa   kausalyānandavardʰanaḥ
   guptaḥ kuśika-putreṇa   kausalya_ānanda-vardʰanaḥ /
Halfverse: c    lakṣmaṇena saha bʰrātrā   videheṣu vasaty asau
   lakṣmaṇena saha bʰrātrā   videheṣu vasaty asau /15/

Verse: 16 
Halfverse: a    dr̥ṣṭavīryas tu kākutstʰo   janakena mahātmanā
   dr̥ṣṭa-vīryas tu kākutstʰo   janakena mahātmanā /
Halfverse: c    saṃpradānaṃ sutāyās tu   rāgʰave kartum iccʰati
   saṃpradānaṃ sutāyās tu   rāgʰave kartum iccʰati /16/

Verse: 17 
Halfverse: a    yadi vo rocate vr̥ttaṃ   janakasya mahātmanaḥ
   yadi vo rocate vr̥ttaṃ   janakasya mahātmanaḥ /
Halfverse: c    purīṃ gaccʰāmahe śīgʰraṃ   mā bʰūt kālasya paryayaḥ
   purīṃ gaccʰāmahe śīgʰraṃ   mā bʰūt kālasya paryayaḥ /17/

Verse: 18 
Halfverse: a    mantriṇo bāḍʰam ity āhuḥ   saha sarvair maharṣibʰiḥ
   mantriṇo bāḍʰam ity āhuḥ   saha sarvair maharṣibʰiḥ /
Halfverse: c    suprītaś cābravīd rājā   śvo yātreti sa mantriṇaḥ
   suprītaś ca_abravīd rājā   śvo yātrā_iti sa mantriṇaḥ /18/

Verse: 19 
Halfverse: a    mantriṇas tu narendrasya   rātriṃ paramasatkr̥tāḥ
   mantriṇas tu nara_indrasya   rātriṃ parama-satkr̥tāḥ /
Halfverse: c    ūṣuḥ pramuditāḥ sarve   guṇaiḥ sarvaiḥ samanvitāḥ
   ūṣuḥ pramuditāḥ sarve   guṇaiḥ sarvaiḥ samanvitāḥ /19/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.