TITUS
Ramayana
Part No. 389
Previous part

Chapter: 64 
Adhyāya 64


Verse: 1 
Halfverse: a    evam ukto hanumatā   rāmo daśaratʰātmajaḥ
   evam ukto hanumatā   rāmo daśaratʰa_ātmajaḥ /
Halfverse: c    taṃ maṇiṃ hr̥daye kr̥tvā   praruroda salakṣmaṇaḥ
   taṃ maṇiṃ hr̥daye kr̥tvā   praruroda salakṣmaṇaḥ /1/

Verse: 2 
Halfverse: a    taṃ tu dr̥ṣṭvā maṇiśreṣṭʰaṃ   rāgʰavaḥ śokakarśitaḥ
   taṃ tu dr̥ṣṭvā maṇi-śreṣṭʰaṃ   rāgʰavaḥ śoka-karśitaḥ /
Halfverse: c    netrābʰyām aśrupūrṇābʰyāṃ   sugrīvam idam abravīt
   netrābʰyām aśru-pūrṇābʰyāṃ   sugrīvam idam abravīt /2/

Verse: 3 
Halfverse: a    yatʰaiva dʰenuḥ sravati   snehād vatsasya vatsalā
   yatʰaiva dʰenuḥ sravati   snehād vatsasya vatsalā /
Halfverse: c    tatʰā mamāpi hr̥dayaṃ   maṇiratnasya darśanāt
   tatʰā mama_api hr̥dayaṃ   maṇi-ratnasya darśanāt /3/

Verse: 4 
Halfverse: a    maṇiratnam idaṃ dattaṃ   vaidehyāḥ śvaśureṇa me
   maṇi-ratnam idaṃ dattaṃ   vaidehyāḥ śvaśureṇa me /
Halfverse: c    vadʰūkāle yatʰā baddʰam   adʰikaṃ mūrdʰni śobʰate
   vadʰū-kāle yatʰā baddʰam   adʰikaṃ mūrdʰni śobʰate /4/

Verse: 5 
Halfverse: a    ayaṃ hi jalasaṃbʰūto   maṇiḥ pravarapūjitaḥ
   ayaṃ hi jala-saṃbʰūto   maṇiḥ pravara-pūjitaḥ /
Halfverse: c    yajñe paramatuṣṭena   dattaḥ śakreṇa dʰīmatā
   yajñe parama-tuṣṭena   dattaḥ śakreṇa dʰīmatā /5/

Verse: 6 
Halfverse: a    imaṃ dr̥ṣṭvā maṇiśreṣṭʰaṃ   tatʰā tātasya darśanam
   imaṃ dr̥ṣṭvā maṇi-śreṣṭʰaṃ   tatʰā tātasya darśanam /
Halfverse: c    adyāsmy avagataḥ saumya   vaidehasya tatʰā vibʰoḥ
   adya_asmy avagataḥ saumya   vaidehasya tatʰā vibʰoḥ /6/

Verse: 7 
Halfverse: a    ayaṃ hi śobʰate tasyāḥ   priyāyā mūrdʰni me maṇiḥ
   ayaṃ hi śobʰate tasyāḥ   priyāyā mūrdʰni me maṇiḥ /
Halfverse: c    adyāsya darśanenāhaṃ   prāptāṃ tām iva cintaye
   adya_asya darśanena_ahaṃ   prāptāṃ tām iva cintaye /

Verse: 8 
Halfverse: a    kim āha sītā vaidehī   brūhi saumya punaḥ punaḥ
   kim āha sītā vaidehī   brūhi saumya punaḥ punaḥ /
Halfverse: c    parāsum iva toyena   siñcantī vākyavāriṇā
   para_asum iva toyena   siñcantī vākya-vāriṇā /8/

Verse: 9 
Halfverse: a    itas tu kiṃ duḥkʰataraṃ   yad imaṃ vārisaṃbʰavam
   itas tu kiṃ duḥkʰataraṃ   yad imaṃ vāri-saṃbʰavam /
Halfverse: c    maṇiṃ paśyāmi saumitre   vaidehīm āgataṃ vinā
   maṇiṃ paśyāmi saumitre   vaidehīm āgataṃ vinā /9/

Verse: 10 
Halfverse: a    ciraṃ jīvati vaidehī   yadi māsaṃ dʰariṣyati
   ciraṃ jīvati vaidehī   yadi māsaṃ dʰariṣyati /
Halfverse: c    kṣaṇaṃ saumya na jīveyaṃ   vinā tām asitekṣaṇām
   kṣaṇaṃ saumya na jīveyaṃ   vinā tām asita_īkṣaṇām /10/

Verse: 11 
Halfverse: a    naya mām api taṃ deśaṃ   yatra dr̥ṣṭā mama priyā
   naya mām api taṃ deśaṃ   yatra dr̥ṣṭā mama priyā /
Halfverse: c    na tiṣṭʰeyaṃ kṣaṇam api   pravr̥ttim upalabʰya ca
   na tiṣṭʰeyaṃ kṣaṇam api   pravr̥ttim upalabʰya ca /11/

Verse: 12 
Halfverse: a    katʰaṃ sā mama suśroṇi   bʰīru bʰīruḥ satī tadā
   katʰaṃ sā mama suśroṇi   bʰīru bʰīruḥ satī tadā /
Halfverse: c    bʰayāvahānāṃ gʰorāṇāṃ   madʰye tiṣṭʰati rakṣasām
   bʰaya_āvahānāṃ gʰorāṇāṃ   madʰye tiṣṭʰati rakṣasām /12/

Verse: 13 
Halfverse: a    śāradas timironmukʰo   nūnaṃ candra ivāmbudaiḥ
   śāradas timira_unmukʰo   nūnaṃ candra iva_ambudaiḥ /
Halfverse: c    āvr̥taṃ vadanaṃ tasyā   na virājati rākṣasaiḥ
   āvr̥taṃ vadanaṃ tasyā   na virājati rākṣasaiḥ /13/

Verse: 14 
Halfverse: a    kim āha sītā hanumaṃs   tattvataḥ katʰayasva me
   kim āha sītā hanumaṃs   tattvataḥ katʰayasva me /
Halfverse: c    etena kʰalu jīviṣye   bʰeṣajenāturo yatʰā
   etena kʰalu jīviṣye   bʰeṣajena_āturo yatʰā /14/

Verse: 15 
Halfverse: a    madʰurā madʰurālāpā   kim āha mama bʰāminī
   madʰurā madʰura_ālāpā   kim āha mama bʰāminī /
Halfverse: c    madvihīnā varārohā   hanuman katʰayasva me
   mad-vihīnā vara_ārohā   hanuman katʰayasva me /
Halfverse: e    duḥkʰād duḥkʰataraṃ prāpya   katʰaṃ jīvati jānakī
   duḥkʰād duḥkʰataraṃ prāpya   katʰaṃ jīvati jānakī /15/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.