TITUS
Atharva-Veda-Samhita (Saunaka)
Part No. 97
Previous part

Hymn: 26 
Verse: 1 
Halfverse: a    yè3 'syā́ṃ stʰá prā́cyāṃ diśí hetáyo nā́ma devā́s téṣāṃ vo agnír iṣavaḥ /
Halfverse: c    té no mr̥ḍata té nó 'dʰi brūta tébʰyo vo námas tébʰyo vaḥ svā́hā //1//

Verse: 2 
Halfverse: a    yè3 'syā́ṃ stʰá dákṣiṇāyāṃ diśy àviṣyávo nā́ma devā́s téṣāṃ vaḥ kā́ma íṣavaḥ /
Halfverse: c    té no mr̥ḍata té nó 'dʰi brūta tébʰyo vo námas tébʰyo vaḥ svā́hā //2//

Verse: 3 
Halfverse: a    yè3 'syā́ṃ stʰá pratī́cyāṃ diśí vairājā́ nā́ma devā́s téṣāṃ va ā́pa íṣavaḥ /
Halfverse: c    té no mr̥ḍata té nó 'dʰi brūta tébʰyo vo námas tébʰyo vaḥ svā́hā //3//

Verse: 4 
Halfverse: a    yè3 'syā́ṃ stʰódīcyāṃ diśí pravídʰyanto nā́ma devā́s téṣāṃ vo vā́ta íṣavaḥ /
Halfverse: c    té no mr̥ḍata té nó 'dʰi brūta tébʰyo vo námas tébʰyo vaḥ svā́hā //4//

Verse: 5 
Halfverse: a    yè3 'syā́ṃ stʰá dʰruvā́yāṃ diśí nilimpā́ nā́ma devā́s téṣāṃ va óṣadʰīr íṣavaḥ /
Halfverse: c    té no mr̥ḍata té nó 'dʰi brūta tébʰyo vo námas tébʰyo vaḥ svā́hā //5//

Verse: 6 
Halfverse: a    yè3 'syā́ṃ stʰórdʰvā́yāṃ diśy ávasvanto nā́ma devā́s téṣāṃ vo bŕ̥haspátir íṣavaḥ /
Halfverse: c    té no mr̥ḍata té nó 'dʰi brūta tébʰyo vo námas tébʰyo vaḥ svā́hā //6//

Next part


This text is part of the TITUS edition of Atharva-Veda-Samhita (Saunaka).

Copyright TITUS Project, Frankfurt a/M, 4.3.2015. No parts of this document may be republished in any form without prior permission by the copyright holder.