TITUS
Atharva-Veda-Samhita (Saunaka)
Part No. 102
Previous part

Hymn: 31 
Verse: 1 
Halfverse: a    ví devā́ jarásāvr̥tan ví tvám agne árātyā /
Halfverse: c    vy à1háṃ sárveṇa pāpmánā ví yákṣmeṇa sám ā́yuṣā //1//

Verse: 2 
Halfverse: a    vy ā́rtyā pávamāno ví śakráḥ pāpakr̥tyáyā /
Halfverse: c    vy à1háṃ sárveṇa pāpmánā ví yákṣmeṇa sám ā́yuṣā //2//

Verse: 3 
Halfverse: a    ví grāmyā́ḥ paśáva āraṇyaír vy ā́pas tŕ̥ṣṇayāsaran /
Halfverse: c    vy à1háṃ sárveṇa pāpmánā ví yákṣmeṇa sám ā́yuṣā //3//

Verse: 4 
Halfverse: a    vī̀3 mé dyā́vāpr̥tʰivī́ itó ví pántʰāno díśaṃdiśam /
Halfverse: c    vy à1háṃ sárveṇa pāpmánā ví yákṣmeṇa sám ā́yuṣā //4//

Verse: 5 
Halfverse: a    tváṣṭā duhitré vahatúṃ yunaktī́tīdáṃ víśvaṃ bʰúvanaṃ ví yāti /
Halfverse: c    vy à1háṃ sárveṇa pāpmánā ví yákṣmeṇa sám ā́yuṣā //5//

Verse: 6 
Halfverse: a    agníḥ prāṇā́nt sáṃ dadʰāti candráḥ prāṇéna sáṃhitaḥ /
Halfverse: c    vy à1háṃ sárveṇa pāpmánā ví yákṣmeṇa sám ā́yuṣā //6//

Verse: 7 
Halfverse: a    prāṇéna viśvátovīryaṃ devā́ḥ sū́ryaṃ sám airayan /
Halfverse: c    vy à1háṃ sárveṇa pāpmánā ví yákṣmeṇa sám ā́yuṣā //7//

Verse: 8 
Halfverse: a    ā́yuṣmatām āyuṣkŕ̥tāṃ prāṇéna jīva mā́ mr̥tʰāḥ /
Halfverse: c    vy à1háṃ sárveṇa pāpmánā ví yákṣmeṇa sám ā́yuṣā //8//

Verse: 9 
Halfverse: a    prāṇéna prāṇatā́ṃ prā́ṇehaívá bʰava mā́ mr̥tʰāḥ /
Halfverse: c    vy à1háṃ sárveṇa pāpmánā ví yákṣmeṇa sám ā́yuṣā //9//

Verse: 10 
Halfverse: a    úd ā́yuṣā sám ā́yuṣód óṣadʰīnāṃ rásena /
Halfverse: c    vy à1háṃ sárveṇa pāpmánā ví yákṣmeṇa sám ā́yuṣā //10//

Verse: 11 
Halfverse: a    ā́ parjányasya vr̥ṣṭyód astʰāmāmŕ̥tā vayám /
Halfverse: c    vy à1háṃ sárveṇa pāpmánā ví yákṣmeṇa sám ā́yuṣā //11//



Next part


This text is part of the TITUS edition of Atharva-Veda-Samhita (Saunaka).

Copyright TITUS Project, Frankfurt a/M, 4.3.2015. No parts of this document may be republished in any form without prior permission by the copyright holder.