TITUS
Atharva-Veda-Samhita (Saunaka)
Part No. 103
Previous part

Book: 4 
4
Hymn: 1 


Verse: 1 
Halfverse: a    bráhma jajñānáṃ pratʰamáṃ purástād ví sīmatáḥ surúco vená āvaḥ /
Halfverse: c    sá budʰnyā̀ upamā́ asya viṣṭʰā́ḥ satáś ca yónim ásataś ca ví vaḥ //1//

Verse: 2 
Halfverse: a    iyáṃ pítryā rā́ṣṭry etv ágre pratʰamā́ya janúṣe bʰuvaneṣṭʰā́ḥ /
Halfverse: c    tásmā etáṃ surúcaṃ hvārám ahyaṃ gʰarmáṃ śrīṇantu pratʰamā́ya dʰāsyáve //2//

Verse: 3 
Halfverse: a    prá yó jajñé vidvā́n asya bándʰur víśvā devā́nāṃ jánimā vivakti /
Halfverse: c    bráhma bráhmaṇa új jabʰāra mádʰyān nicaír uccaíḥ svadʰā́ abʰí prá tastʰau //3//

Verse: 4 
Halfverse: a    sá hí vidáḥ sá pr̥tʰivyā́ r̥tastʰā́ mahī́ kṣémaṃ ródasī askabʰāyat /
Halfverse: c    mahā́n mahī́ áskabʰāyad ví jātó dyā́ṃ sádma pā́rtʰivaṃ ca rájaḥ //4//

Verse: 5 
Halfverse: a    sá bʰudʰnyā́d āṣṭra janúṣo 'bʰy ágram bŕ̥haspátir devátā tásya samrā́ṭ /
Halfverse: c    áhar yác cʰukráṃ jyótiṣo jániṣṭā́tʰa dyumánto ví vasantu víprāḥ //5//

Verse: 6 
Halfverse: a    nūnáṃ tád asya kāvyó hinoti mahó devásya pūrvyásya dʰā́ma /
Halfverse: c    eṣá jajñe bahúbʰiḥ sākám ittʰā́ pū́rve árdʰe víṣite sasán nú //6//

Verse: 7 
Halfverse: a    yó 'tʰarvāṇaṃ pitáraṃ devábandʰuṃ bŕ̥haspátiṃ námasā́va ca gácʰāt /
Halfverse: c    tváṃ víśveṣāṃ janitā́ yátʰā́saḥ kavír devó ná dábʰāyat svadʰā́vān //7//

Next part


This text is part of the TITUS edition of Atharva-Veda-Samhita (Saunaka).

Copyright TITUS Project, Frankfurt a/M, 4.3.2015. No parts of this document may be republished in any form without prior permission by the copyright holder.