TITUS
Atharva-Veda-Samhita (Saunaka)
Part No. 142
Previous part

Hymn: 40 
Verse: 1 
Halfverse: a    yé purástāj júhvati jātavedaḥ prā́cyā diśó 'bʰidā́santy asmā́n /
Halfverse: c    agním r̥tvā́ té párāñco vyatʰantāṃ pratyág enān pratisaréṇa hanmi //1//

Verse: 2 
Halfverse: a    yé dakṣiṇató júhvati jātavedo dákṣiṇāyā diśó 'bʰidā́santy asmā́n /
Halfverse: c    yamáṃ r̥tvā́ té párāñco vyatʰantāṃ pratyág enā pratisaréṇa hanmi //2//

Verse: 3 
Halfverse: a    yé paścā́j júhvati jātavedaḥ pratī́cyā diśó 'bʰidā́santy asmā́n /
Halfverse: c    váruṇam r̥tvā́ té párāñco vyatʰantāṃ pratyág enān pratisaréṇa hanmi //3//

Verse: 4 
Halfverse: a    yá uttarató júhvati jātaveda údīcyā diśó 'bʰidā́santy asmā́n /
Halfverse: c    sómam r̥tvā́ té párāñco vyatʰantāṃ pratyág enān pratisaréṇa hanmi //4//

Verse: 5 
Halfverse: a    yé 'dʰástāj júhvati jātaveda údīcyā diśó 'bʰidā́santy asmā́n /
Halfverse: c    bʰū́mim r̥tvā́ té párāñco vyatʰantāṃ pratyág enān pratisaréṇa hanmi //5//

Verse: 6 
Halfverse: a    yè3 'ntárikṣāj júhvati jātavedo vyadʰvā́yā diśó 'bʰidā́santy asmā́n /
Halfverse: c    vāyúm r̥tvā́ té párāñco vyatʰantāṃ pratyág enān pratisaréṇa hanmi //6//

Verse: 7 
Halfverse: a    yá upáriṣṭāj júhvati jātaveda ūrdʰvā́yā diśó 'bʰidā́santy asmā́n /
Halfverse: c    sū́ryam r̥tvā́ té párāñco vyatʰantāṃ pratyág enān pratisaréṇa hanmi //7//

Verse: 8 
Halfverse: a    yé diśā́m antardeśébʰyo júhvati jātavedaḥ sárvābʰyo digbʰyó 'bʰidā́santi asmā́n /
Halfverse: c    bráhma rtvā́ té párāñco vyatʰantāṃ pratyág enān pratisaréṇa hanmi //8//



Next part


This text is part of the TITUS edition of Atharva-Veda-Samhita (Saunaka).

Copyright TITUS Project, Frankfurt a/M, 4.3.2015. No parts of this document may be republished in any form without prior permission by the copyright holder.