TITUS
Atharva-Veda-Samhita (Saunaka)
Part No. 143
Previous part

Book: 5 
5
Hymn: 1 


Verse: 1 
Halfverse: a    ŕ̥dʰaṅmantro yóniṃ yá ābabʰū́vamŕ̥tāsur várdʰamānaḥ sujánmā /
Halfverse: c    ádabdʰāsur bʰrā́jamānó 'heva tritó dʰartā́ dādʰāra trī́ṇi //1//

Verse: 2 
Halfverse: a    ā́ yó dʰármāṇi pratʰamáḥ sasā́da táto vápūṃṣi kr̥ṇuṣe purū́ṇi /
Halfverse: c    dʰāsyúr yóniṃ pratʰamá ā́ viveśā́ yó vā́cam ánuditāṃ cikéta //2//

Verse: 3 
Halfverse: a    yás te śókāya tanvàṃ riréca kṣárad dʰíraṇyaṃ śúcayó 'nu svā́ḥ /
Halfverse: c    átrā dadʰete amŕ̥tāni nā́māsmé vástrāṇi víśa érayantām //3//

Verse: 4 
Halfverse: a    prá yád eté prataráṃ pūrvyáṃ gúḥ sádaḥsada ātíṣṭʰanto ajuryám /
Halfverse: c    kavíḥ śuṣásya mātárā rihāṇé jāmyaí dʰúryaṃ pátim erayetʰām //4//

Verse: 5 
Halfverse: a    tád ū ṣú te mahát pr̥tʰujman námaḥ kavíḥ kā́vyena kr̥ṇomi /
Halfverse: c    yát samyáñcāv abʰiyántāv abʰí kṣā́m átrā mahī́ ródʰacakre vāvr̥dʰéte //5//

Verse: 6 
Halfverse: a    saptá maryā́dāḥ kaváyas tatakṣus tā́sām íd ékām abʰy àṃhuró gāt /
Halfverse: c    āyór ha skambʰá upamásya nīḍé patʰā́ṃ visargé dʰarúṇeṣu tastʰau //6//

Verse: 7 
Halfverse: a    utā́mŕ̥tāsur vráta emi kr̥nvánn ásur ātmā́ tanvà1s tát sumádguḥ /
Halfverse: c    utá vā śakró rátnaṃ dádʰāty ūrjáyā vā yát sácate havirdā́ḥ //7//

Verse: 8 
Halfverse: a    utá putráḥ pitáraṃ kṣatrám īḍe jyeṣṭʰáṃ maryā́dam ahvayant svastáye /
Halfverse: c    dárśan nú tā́ varuṇa yā́s te viṣṭʰā́ āvárvratataḥ kr̥ṇavo vápūṃṣi //8//

Verse: 9 
Halfverse: a    ardʰám ardʰéna páyasā pr̥ṇakṣy ardʰéna śuṣma vardʰase amura /
Halfverse: c    áviṃ vr̥dʰāma śagmíyaṃ sákʰāyaṃ váruṇaṃ putrám ádityā iṣirám /
Halfverse: e    kaviśastā́ny asmai vápūṃṣy avocāma ródasī satyavā́cā //9//

Next part


This text is part of the TITUS edition of Atharva-Veda-Samhita (Saunaka).

Copyright TITUS Project, Frankfurt a/M, 4.3.2015. No parts of this document may be republished in any form without prior permission by the copyright holder.