TITUS
Atharva-Veda-Samhita (Saunaka)
Part No. 152
Previous part

Hymn: 10 
Verse: 1 
Halfverse: a    aśmavarmá me 'si yó mā prā́cyā diśó 'gʰāyúr abʰidā́sāt /
Halfverse: c    etát sá r̥cʰāt //1//

Verse: 2 
Halfverse: a    aśmavarmá me 'si yó mā dákṣiṇāyā diśó 'gʰāyúr abʰidā́sāt /
Halfverse: c    etát sá r̥cʰāt //2//

Verse: 3 
Halfverse: a    aśmavarmá me 'si yó mā pratī́cyā diśó 'gʰāyúr abʰidā́sāt /
Halfverse: c    etát sá r̥cʰāt //3//

Verse: 4 
Halfverse: a    aśmavarmá me 'si yó módīcyā diśó 'gʰāyúr abʰidā́sāt /
Halfverse: c    etát sá r̥cʰāt //4//

Verse: 5 
Halfverse: a    aśmavarmá me 'si yó mā dʰruvā́yā diśó 'gʰāyúr abʰidā́sāt /
Halfverse: c    etát sá r̥cʰāt //5//

Verse: 6 
Halfverse: a    aśmavarmá me 'si yó mordʰvā́yā diśó 'gʰāyúr abʰidā́sāt /
Halfverse: c    etát sá r̥cʰāt //6//

Verse: 7 
Halfverse: a    aśmavarmá me 'si yó mā diśā́m antardeśébʰyo 'gʰāyúr abʰidā́sāt /
Halfverse: c    etát sá r̥cʰāt //7//

Verse: 8 
Halfverse: a    br̥hatā́ mána úpa hvaye mātaríśvanā prāṇāpānaú /
Halfverse: c    sū́ryāc cákṣur antárikṣāc cʰrótraṃ pr̥tʰivyā́ḥ śárīram /
Halfverse: e    sárasvatyā vā́cam úpa hvayāmahe manoyújā //8//

Next part


This text is part of the TITUS edition of Atharva-Veda-Samhita (Saunaka).

Copyright TITUS Project, Frankfurt a/M, 4.3.2015. No parts of this document may be republished in any form without prior permission by the copyright holder.