TITUS
Atharva-Veda-Samhita (Saunaka)
Part No. 165
Previous part

Hymn: 23 
Verse: 1 
Halfverse: a    óte me dyā́vāpr̥tʰivī́ ótā devī́ sárasvatī /
Halfverse: c    ótau ma índraś cāgníś ca krímiṃ jambʰayatām íti //1//

Verse: 2 
Halfverse: a    asyéndra kumārásya krímīn dʰanapate jahi /
Halfverse: c    hatā́ víśvā árātaya ugréṇa vácasā máma //2//

Verse: 3 
Halfverse: a    yó akṣyaù parisárpati yó nā́se parisárpati /
Halfverse: c    datā́ṃ yó mádyaṃ gácʰati táṃ krímiṃ jambʰayāmasi //3//

Verse: 4 
Halfverse: a    sárūpau dvaú vírūpau dvaú kr̥ṣṇaú dvaú róhitau dvaú /
Halfverse: c    babʰrúś ca babʰrúkarṇaś ca gŕ̥dʰraḥ kókaś ca té hatā́ḥ //4//

Verse: 5 
Halfverse: a    yé krímayaḥ śitikákṣā yé kr̥ṣṇā́ḥ śitibā́havaḥ /
Halfverse: c    yé ké ca viśvárūpās tā́n krímīn jambʰayāmasi //5//

Verse: 6 
Halfverse: a    út purástāt sū́rya eti viśvádr̥ṣṭo adr̥ṣṭahā́ /
Halfverse: c    dr̥ṣṭā́ṃś ca gʰnánn adŕ̥ṣṭāṃś ca sárvāṃś ca pramr̥ṇán krímīn //6//

Verse: 7 
Halfverse: a    yévāṣāsaḥ káṣkaṣāsa ejatkā́ḥ śipavitnukā́ḥ /
Halfverse: c    dr̥ṣṭā́ṃś ca hanyátāṃ krímir utā́dŕ̥ṣṭaś ca hanyatām //7//

Verse: 8 
Halfverse: a    ható yévāṣaḥ krímīṇāṃ ható nadanimótá /
Halfverse: c    sárvān ní maṣmaṣā́karaṃ dr̥ṣádā kʰálvām̐ iva //8//

Verse: 9 
Halfverse: a    triśīrṣā́ṇaṃ trikakúdaṃ krímiṃ sāráṅgam árjunam /
Halfverse: c    śr̥ṇā́my asya pr̥ṣṭī́r ápi vr̥ścāmi yác cʰíraḥ //9//

Verse: 10 
Halfverse: a    atrivád vaḥ krimayo hanmi kaṇvaváj jamadagnivát /
Halfverse: c    agástyasya bráhmaṇā sáṃ pinaṣmy aháṃ krímīn //10//

Verse: 11 
Halfverse: a    ható rā́jā krímīṇām utaíṣāṃ stʰapátir hatáḥ /
Halfverse: c    ható hatámātā krímir hatábʰrātā hatásvasā //11//

Verse: 12 
Halfverse: a    hatā́so asya veśáso hatā́saḥ páriveśasaḥ /
Halfverse: c    átʰo yé kṣullakā́ iva sárve té krímayo hatā́ḥ //12//

Verse: 13 
Halfverse: a    sárveṣāṃ ca krímīṇāṃ sárvāsāṃ ca krimī́nām /
Halfverse: c    bʰinádmy áśmanā śíra dáhāmy agnínā múkʰam //13//

Next part


This text is part of the TITUS edition of Atharva-Veda-Samhita (Saunaka).

Copyright TITUS Project, Frankfurt a/M, 4.3.2015. No parts of this document may be republished in any form without prior permission by the copyright holder.