TITUS
Atharva-Veda-Samhita (Saunaka)
Part No. 449
Previous part

Hymn: 6 

Verse: 1_{1} 
Halfverse: a    yó vidyā́d bráhma pratyákṣaṃ párūṃṣi yásya saṃbʰārā́ ŕ̥co yásyānūkyàm //1//

Verse: 2 
Halfverse: a    sā́māni yásya lómāni yájur hŕ̥dayam ucyáte paristáraṇam íd dʰavíḥ //2//

Verse: 3 
Halfverse: a    yád vā́ átitʰipatir átitʰīn pratipáśyati devayájanaṃ prékṣate //3//

Verse: 4 
Halfverse: a    yád abʰivádati dīkṣā́m úpaiti yád udakáṃ yā́caty apáḥ prá ṇayati //4//

Verse: 5 
Halfverse: a    yā́ evá yajñá ā́paḥ praṇīyánte tā́ evá tā́ḥ //5//

Verse: 6 
Halfverse: a    yát tárpaṇam āháranti yá evā́gnīṣomī́yaḥ paśúr badʰyáte sá evá sáḥ //6//

Verse: 7 
Halfverse: a    yád āvasatʰā́n kalpáyanti sadohavirdʰānā́ny evá tát kalpayanti //7//

Verse: 8 
Halfverse: a    yád upastr̥ṇánti barhír evá tát //8//

Verse: 9 
Halfverse: a    yád upariśayanám āháranti svargám evá téna lokám áva runddʰe //9//

Verse: 10 
Halfverse: a    yát kaśipūpabarhaṇám āháranti paridʰáya evá té //10//

Verse: 11 
Halfverse: a    yád āñjanābʰyañjanám āháranty ā́jyam evá tát //11//

Verse: 12 
Halfverse: a    yát purā́ pariveṣā́t svādám āháranti purodā́śāv evá taú //12//

Verse: 13 
Halfverse: a    yád aśanakŕ̥taṃ hváyanti haviṣkŕ̥tam evá tád dʰvayanti //13//

Verse: 14 
Halfverse: a    yé vrīháyo yávā nirupyánte 'ṃśáva evá té //14//

Verse: 15 
Halfverse: a    yā́ny ulūkʰalamusalā́ni grā́vāṇa evá té //15//

Verse: 16 
Halfverse: a    śū́rpaṃ pavítraṃ túṣā r̥jīṣā́bʰiṣávaṇīr ā́paḥ //16//

Verse: 17 
Halfverse: a    srúg dárvir nékṣaṇam āyávanaṃ droṇakalaśā́ḥ kumbʰyò vāyavyā̀ni pā́trāṇīyám evá kr̥ṣṇājinám //17// {15}


Verse: 18_{2} 
Halfverse: a    yajamānabrāhmaṇáṃ vā́ etád átitʰipatiḥ kurute yád āhāryā̀ṇi prékṣata idáṃ bʰū́yā3 idā́3m íti //18//

Verse: 19 
Halfverse: a    yád ā́ha bʰū́ya úd dʰaréti prāṇám evá téna várṣīyāṃsaṃ kurute //19//

Verse: 20 
Halfverse: a    úpa harati havī́ṃṣy ā́ sādayati //20//

Verse: 21 
Halfverse: a    téṣām ā́sannānām átitʰir ātmán juhoti //21//

Verse: 22 
Halfverse: a    srucā́ hástena prāṇé yū́pe srukkāréṇa vaṣaṭkāréṇa //22//

Verse: 23 
Halfverse: a    eté vaí priyā́ś cā́priyāś ca rtvíjaḥ svargáṃ lokáṃ gamayanti yád átitʰayaḥ //23//

Verse: 24 
Halfverse: a    sá yá eváṃ vidvā́n ná dviṣánn aśnīyān ná dviṣató 'nnam aśnīyān ná mīmāṃsitásya ná mīmāṃsámānasya //24//

Verse: 25 
Halfverse: a    sárvo vā́ eṣá jagdʰápāpmā yásyā́nnam aśnánti //25//

Verse: 26 
Halfverse: a    sárvo vā́ esó 'jagdʰápāpmā yásyā́nnam nā́śnánti //26//

Verse: 27 
Halfverse: a    sarvadā́ vā́ eṣá yuktágrāvārdrápavitro vítatādʰvara ā́hr̥tayajñakratur yá upahárati //27//

Verse: 28 
Halfverse: a    prājāpatyó vā́ etásya yajñó vítato yá upahárati //28//

Verse: 29 
Halfverse: a    prajā́pater vā́ eṣá vikramā́n anuvíkramate yá upahárati //29//

Verse: 30 
Halfverse: a    yó 'titʰīnāṃ sá āhavanī́yo yó véśmani sá gā́rhapatyo yásmin pácanti sá dakṣiṇāgníḥ //30// {16}


Verse: 31_{3} 
Halfverse: a    iṣṭáṃ ca vā́ eṣá pūrtáṃ ca gr̥hā́ṇām aśnāti yáḥ pū́rvó 'titʰer aśnā́ti //31//

Verse: 32 
Halfverse: a    páyaś ca vā́ eṣá rásaṃ ca gr̥hā́ṇām aśnāti yáḥ pū́rvó 'titʰer aśnā́ti //32//

Verse: 33 
Halfverse: a    ūrjā́ṃ ca vā́ eṣá spʰātíṃ ca gr̥hā́ṇām aśnāti yáḥ pū́rvó 'titʰer aśnā́ti //33//

Verse: 34 
Halfverse: a    prajā́ṃ vā́ eṣá paśū́ṃś ca gr̥hā́ṇām aśnāti yáḥ pū́rvó 'titʰer aśnā́ti //34//

Verse: 35 
Halfverse: a    kīrtíṃ vā́ eṣá yáśaś ca gr̥hā́ṇām aśnāti yáḥ pū́rvó 'titʰer aśnā́ti //35//

Verse: 36 
Halfverse: a    śríyaṃ vā́ eṣá saṃvídaṃ ca gr̥hā́ṇām aśnāti yáḥ pū́rvó 'titʰer aśnā́ti //36//

Verse: 37 
Halfverse: a    eṣá vā́ átitʰir yác cʰrótriyas tásmāt pū́rvo nā́śnīyāt //37//

Verse: 38 
Halfverse: a    aśitā́vaty átitʰāv aśnīyād yajñásya sātmatvā́ya yajñásyā́vicʰedāya tád vratám //38//

Verse: 39 
Halfverse: a    etád vā́ u svā́dīyo yád adʰigaváṃ kṣīráṃ vā́ māṃsáṃ vā́ tád evá nā́śnīyāt //39// {17}


Verse: 40_{4} 
Halfverse: a    sá yá eváṃ vidvā́n kṣīrám upasícyopahárati /
Halfverse: c    yā́vad agniṣṭoméneṣṭvā́ súsamr̥ddʰenāvarunddʰé tā́vad enenā́va runddʰe //40//

Verse: 41 
Halfverse: a    sá yá eváṃ vidvā́nt sarpír upasícyopahárati /
Halfverse: c    yā́vad atirātréṇeṣṭvā́ súsamr̥ddʰenāvarunddʰé tā́vad enenā́va runddʰe //41//

Verse: 42 
Halfverse: a    sá yá eváṃ vidvā́n mádʰūpasícyopahárati /
Halfverse: c    yā́vad sattrasádyeneṣṭvā́ súsamr̥ddʰenāvarunddʰé tā́vad enenā́va runddʰe //42//

Verse: 43 
Halfverse: a    sá yá eváṃ vidvā́n māṃsám upasícyopahárati /
Halfverse: c    yā́vad dvādaśāhéneṣṭvā́ súsamr̥ddʰenāvarunddʰé tā́vad enenā́va runddʰe //43//

Verse: 44 
Halfverse: a    sá yá eváṃ vidvā́n udakám upasícyopahárati /
Halfverse: c    prajā́nāṃ prajánanāya gacʰati pratiṣṭʰā́ṃ priyáḥ prajā́nāṃ bʰavati yá eváṃ vidvā́n upasícyopahárati //44// {18}


Verse: 45 
Halfverse: a    {5}   tásmā uṣā́ híṅ kr̥ṇoti savitā́ prá stauti /
Halfverse: c    bŕ̥haspátir ūrjáyód gāyati tváṣṭā púṣṭyā práti harati víśve devā́ nidʰánam //2//
Halfverse: e    nidʰánaṃ bʰū́tyāḥ prajā́yāḥ paśūnā́ṃ bʰavati yá eváṃ véda //45//

Verse: 46 
Halfverse: a    tásmā udyánt sū́ryo híṅ kr̥ṇoti saṃgaváḥ prá stauti /
Halfverse: c    madʰyándina úd gāyaty aparāhṇáḥ práti haraty astaṃyán nidʰánam /
Halfverse: e    nidʰánaṃ bʰū́tyāḥ prajā́yāḥ paśūnā́ṃ bʰavati yá eváṃ véda //46//

Verse: 47 
Halfverse: a    tásmā abʰró bʰávan híṅ kr̥ṇoti stanáyan prá stauti /
Halfverse: c    vidyótamānaḥ práti harati várṣann úd gāyaty udgr̥hṇán nidʰánam /
Halfverse: e    nidʰánaṃ bʰū́tyāḥ prajā́yāḥ paśūnā́ṃ bʰavati yá eváṃ véda //47//

Verse: 48 
Halfverse: a    átitʰīn práti paśyati hiṅ kr̥ṇoty abʰí vadati prá staúty udakám yācaty úd gāyati /
Halfverse: c    úpa harati práti haraty úccʰiṣṭaṃ nidʰánam /
Halfverse: e    nidʰánaṃ bʰū́tyāḥ prajā́yāḥ paśūnā́ṃ bʰavati yá evám véda //48// {19}


Verse: 49_{6} 
Halfverse: a    yát kṣattā́raṃ hváyaty ā́ śrāvayaty evá tát //49//

Verse: 50 
Halfverse: a    yát pratiśr̥ṇóti pratyā́śrāvayaty evá tát //50//

Verse: 51 
Halfverse: a    yát pariveṣṭā́raḥ pā́trahastāḥ pū́rve cā́pare ca prapádyante camasā́dʰvaryava evá té //51//

Verse: 52 
Halfverse: a    téṣāṃ ná káś canā́hotā //52//

Verse: 53 
Halfverse: a    yád vā́ átitʰipatir átitʰīn parivíṣya gr̥hā́n upodaíty avabʰŕ̥tʰam evá tád upā́vaiti //53//

Verse: 54 
Halfverse: a    yát sabʰāgáyati dákṣiṇāḥ sabʰāgayati yád anutíṣṭʰata udávasyaty evá tát //54//

Verse: 55 
Halfverse: a    sá úpahūtaḥ pr̥tʰivyā́ṃ bʰakṣayaty úpahūtas tásmin yát pr̥tʰivyā́ṃ viśvárūpam //55//

Verse: 56 
Halfverse: a    sá úpahūto 'ntárikṣe bʰakṣayaty úpahūtas tásmin yád diví viśvárūpam //56//

Verse: 57 
Halfverse: a    sá úpahūto diví bʰakṣayaty úpahūtas tásmin yád diví viśvárūpam //57//

Verse: 58 
Halfverse: a    sá úpahūto devéṣu bʰakṣayaty úpahūtas tásmin yád diví viśvárūpam //58//

Verse: 59 
Halfverse: a    sá úpahūto lokéṣu bʰakṣayaty úpahūtas tásmin yád diví víśvárūpam //59//

Verse: 60 
Halfverse: a    sá úpahūta úpahūtaḥ //60//

Verse: 61 
Halfverse: a    āpnótīmáṃ lokám āpnóty amúm //61//

Verse: 62 
Halfverse: a    jyótiṣmato lokā́n jayati yá eváṃ véda //62// {20}

Next part


This text is part of the TITUS edition of Atharva-Veda-Samhita (Saunaka).

Copyright TITUS Project, Frankfurt a/M, 4.3.2015. No parts of this document may be republished in any form without prior permission by the copyright holder.