TITUS
Atharva-Veda-Samhita (Saunaka)
Part No. 542
Previous part

Hymn: 26 
Verse: 1 
Halfverse: a    agnéḥ prájātaṃ pári yád dʰíraṇyam amŕ̥taṃ dadʰré ádʰi mártyeṣu /
Halfverse: c    yá enad véda sá íd enam arhati jarā́mr̥tyur bʰavati yó bibʰárti //1//

Verse: 2 
Halfverse: a    yád dʰíraṇyaṃ sū́ryeṇa suvárṇam prajā́vanto mánavaḥ pū́rva īṣiré /
Halfverse: c    tát tvā candráṃ várcasā sáṃ sr̥jaty ā́yuṣmān bʰavati yó bibʰárti //2//

Verse: 3 
Halfverse: a    ā́yuṣe tvā várcase tvaújase ca bálāya ca /
Halfverse: c    yátʰā hiraṇyatéjasā vibʰā́sāsi jánām̐ ánu //3//

Verse: 4 
Halfverse: a    yád véda rā́jā váruṇo véda devó bŕ̥haspátiḥ /
Halfverse: c    índro yád vr̥trahā́ véda tát ta āyuṣyàṃ bʰuvat tát te varcasyàṃ bʰuvat //4//

Next part


This text is part of the TITUS edition of Atharva-Veda-Samhita (Saunaka).

Copyright TITUS Project, Frankfurt a/M, 4.3.2015. No parts of this document may be republished in any form without prior permission by the copyright holder.