TITUS
Atharva-Veda-Samhita (Saunaka)
Part No. 559
Previous part

Hymn: 43 
Verse: 1 
Halfverse: a    yátra brahmavído yā́nti dīkṣáyā tápasā sahá /
Halfverse: c    agnír mā tátra nayatv agnír medʰā́ dadʰātu me /
Halfverse: e    agnáye svā́hā //1//

Verse: 2 
Halfverse: a    yátra brahmavído yā́nti dīkṣáyā tápasā sahá /
Halfverse: c    vāyúr mā tátra nayatu vāyúḥ prāṇā́n dadʰātu me vāyáve svā́hā //2//

Verse: 3 
Halfverse: a    yátra brahmavído yā́nti dīkṣáyā tápasā sahá /
Halfverse: c    sū́ryo mā tátra nayatu cákṣuḥ sū́ryo dadʰātu me /
Halfverse: e    sū́ryāya svā́hā //3//

Verse: 4 
Halfverse: a    yátra brahmavído yā́nti dīkṣáyā tápasā sahá /
Halfverse: c    candró mā tátra nayatu mánaś candró dadʰātu me /
Halfverse: e    candrā́ya svā́hā //4//

Verse: 5 
Halfverse: a    yátra brahmavído yā́nti dīkṣáyā tápasā sahá /
Halfverse: c    sómo mā tátra nayatu páyaḥ sómo dadʰātu me /
Halfverse: e    sómāya svā́hā //5//

Verse: 6 
Halfverse: a    yátra brahmavído yānti dīkṣáyā tápasā sahá /
Halfverse: c    índro mā tátra nayatu bálam índro dadʰātu me /
Halfverse: e    índrāya svā́hā //6//

Verse: 7 
Halfverse: a    yátra brahmavído yā́nti dīkṣáyā tápasā sahá /
Halfverse: c    ā́po mā tátra nayatv amŕ̥tam mópa tiṣṭʰatu /
Halfverse: e    adbʰyáḥ svā́hā //7//

Verse: 8 
Halfverse: a    yátra brahmavído yā́nti dīkṣáyā tápasā sahá /
Halfverse: c    brahmā́ mā tátra nayatu brahmā́ bráhma dadʰātu me /
Halfverse: e    brahmáṇe svā́hā //8//

Next part


This text is part of the TITUS edition of Atharva-Veda-Samhita (Saunaka).

Copyright TITUS Project, Frankfurt a/M, 4.3.2015. No parts of this document may be republished in any form without prior permission by the copyright holder.