TITUS
Atharva-Veda-Samhita (Saunaka)
Part No. 565
Previous part

Hymn: 49 
Verse: 1 
Halfverse: a    iṣirā́ yóṣā yuvatír dámūnā rā́trī devásya savitúr bʰágasya /
Halfverse: c    aśvakṣabʰā́ suhávā sáṃbʰr̥taśrīr ā́ paprau dyā́vāpr̥tʰivī́ mahitvā́ //1//

Verse: 2 
Halfverse: a    áti víśvāny aruhad gambʰiró várṣiṣṭʰam aruhanta śráviṣṭʰāḥ /
Halfverse: c    uśatī́ rā́try ánu sā́ bʰadrābʰí tiṣṭʰate mitrá iva svadʰā́bʰiḥ //2//

Verse: 3 
Halfverse: a    várye vánde súbʰage sújāta ā́jagan rā́tri sumánā ihá syām /
Halfverse: c    asmā́ṃs trāyasva náryāṇi jatā́ átʰo yā́ni gávyāni puṣṭʰyā́ //3//

Verse: 4 
Halfverse: a    siṃhásya rā́try uśatī́ pīṃṣásya vyāgʰrásya dvīpíno várca ā́ dade /
Halfverse: c    áśvasya bradʰnáṃ púruṣasya māyúṃ purú rūpā́ṇi kr̥ṇuṣe vibʰātī́ //4//

Verse: 5 
Halfverse: a    śivā́ṃ rā́trim anusū́ryaṃ ca himásya mātā́ suhávā no astu /
Halfverse: c    asyá stómasya subʰage ní bodʰa yéna tvā vánde víśvāsu dikṣú //5//

Verse: 6 
Halfverse: a    stómasya no vibʰāvari rā́tri rā́jeva joṣase /
Halfverse: c    ásāma sárvavīrā bʰávāma sárvavedaso vyucʰántīr ánūṣásaḥ //6//

Verse: 7 
Halfverse: a    śámyā ha nā́ma dadʰiṣé máma dípsanti yé dʰánā /
Halfverse: c    rā́trīhí tā́n asutapā́ yá stenó ná vidyáte yát púnar ná vidyáte //7//

Verse: 8 
Halfverse: a    bʰadrā́si rātri camasó ná viṣṭó víṣvaṅ górūpaṃ yuvatír bibʰarṣi /
Halfverse: c    cákṣuṣmatī me uśatī́ vápūmṣi práti tváṃ divyā́ ná kṣām amuktʰāḥ //8//

Verse: 9 
Halfverse: a    yó adyá stená ā́yaty agʰāyúr mártyo ripúḥ /
Halfverse: c    rā́trī tásya pratī́tya prá grīvā́ḥ prá śíro hanat //9//

Verse: 10 
Halfverse: a    prá pādau ná yátʰā́yati prá hástau ná yátʰā́śiṣat /
Halfverse: c    yó malimlúr upā́yati sá sáṃpiṣṭo ápāyati /
Halfverse: e    ápāyati svápāyati śúṣke stʰāṇā́v ápāyati //10//

Next part


This text is part of the TITUS edition of Atharva-Veda-Samhita (Saunaka).

Copyright TITUS Project, Frankfurt a/M, 4.3.2015. No parts of this document may be republished in any form without prior permission by the copyright holder.