TITUS
Atharva-Veda-Samhita (Saunaka)
Part No. 571
Previous part

Hymn: 55 
Verse: 1 
Halfverse: a    rā́triṃrātrim áprayātaṃ bʰárantó 'śvāyeva tíṣṭʰate gʰāsám asmaí /
Halfverse: c    rāyás póṣeṇa sám iṣā́ mádanto mā́ te agne prátiveśā riṣāma //1//

Verse: 2 
Halfverse: a    yā́ te vásor vā́ta íṣuḥ sā́ ta eṣā́ táyā no mr̥ḍa /
Halfverse: c    rāyás póṣeṇa sám iṣā́ mádanto mā́ te agne prátiveśā riṣāma //2//

Verse: 3 
Halfverse: a    sāyáṃsāyaṃ gr̥hápatir no agníḥ prātáḥprātaḥ saumanasásya dātā́ /
Halfverse: c    vásorvasor vasudā́na edʰi vayáṃ tvéndʰānās tanvàṃ puṣema //3//

Verse: 4 
Halfverse: a    prātáḥprātar gr̥hápatir no agníḥ sāyáṃsāyaṃ saumanasásya dātā́ /
Halfverse: c    vásorvasor vasudā́na edʰī́ndʰānās tvā śatáṃhimā r̥dʰema //4//

Verse: 5 
Halfverse: a    ápaścā dagdʰā́nnasya bʰūyāsam /
Halfverse: c    annādā́yānnapataye rudrā́ya námo agnáye /
Halfverse: e    sabʰyáḥ sabʰā́ṃ me pāhi yé ca sabʰyā́ḥ sabʰāsádaḥ //5//

Verse: 6 
Halfverse: a    tvām indrā puruhūta víśvam ā́yur vy àśnavan /
Halfverse: c    áharahar balím ít te hárantó 'śvāyeva tíṣṭʰate gʰāsám agne //6//

Next part


This text is part of the TITUS edition of Atharva-Veda-Samhita (Saunaka).

Copyright TITUS Project, Frankfurt a/M, 4.3.2015. No parts of this document may be republished in any form without prior permission by the copyright holder.