TITUS
Atharva-Veda-Samhita (Saunaka)
Part No. 601
Previous part

Hymn: 13 
Verse: 1 
Halfverse: a    índraś ca sómaṃ pibataṃ br̥haspate 'smín yajñé mandasānā́ vr̥ṣaṇvasū /
Halfverse: c    ā́ vāṃ viśantv índavaḥ svābʰúvo 'smé rayíṃ sárvavīraṃ ní yacʰatam //1//

Verse: 2 
Halfverse: a    ā́ vo vahantu sáptayo ragʰuṣyádo ragʰupátvānaḥ prá jigāta bāhúbʰiḥ /
Halfverse: c    sīdatā barhír urú vaḥ sádas kr̥táṃ mādáyadʰvaṃ maruto mádʰvo ándʰasaḥ //2//

Verse: 3 
Halfverse: a    imáṃ stómam árhate jātávedase rátʰam iva sáṃ mahemā manīṣáyā /
Halfverse: c    bʰadrā́ hí naḥ prámatir asya saṃsády ágne sakʰyé mā́ riṣāmā vayáṃ táva //3//

Verse: 4 
Halfverse: a    aíbʰir agne sarátʰaṃ yāhy arvā́ṅ nānāratʰáṃ vā vibʰávo hy áśvāḥ /
Halfverse: c    pátnīvatas triṃśátaṃ trī́ṃś ca devā́n anuṣvadʰám ā́ vaha mādáyasva //4//

Next part


This text is part of the TITUS edition of Atharva-Veda-Samhita (Saunaka).

Copyright TITUS Project, Frankfurt a/M, 4.3.2015. No parts of this document may be republished in any form without prior permission by the copyright holder.