TITUS
Atharva-Veda-Samhita (Saunaka)
Part No. 600
Previous part

Hymn: 12 
Verse: 1 
Halfverse: a    úd u bráhmāṇy airata śravasyéndraṃ samaryé mahayā vasiṣṭʰa /
Halfverse: c    ā́ yó víśvāni śávasā tatā́nopaśrotā́ ma ī́vato vácāṃsi //1//

Verse: 2 
Halfverse: a    áyāmi gʰóṣa indra devájāmir irajyánta yác cʰurúdʰo vívāci /
Halfverse: c    nahí svám ā́yuś cikité jáneṣu tā́nī́d áṃhāṃsy áti parṣy asmā́n //2//

Verse: 3 
Halfverse: a    yujé rátʰaṃ gavéṣaṇaṃ háribʰyām úpa bráhmāṇi jujuṣāṇám astʰuḥ /
Halfverse: c    ví bādʰiṣṭa syá ródasī mahitvéndro vr̥trā́ṇy apratī́ jagʰanvā́n //3//

Verse: 4 
Halfverse: a    ā́paś cit pipyu staryò3 ná gā́vo nákṣann r̥táṃ jaritā́ras ta indra /
Halfverse: c    yāhí vāyúr ná niyúto no ácʰā tváṃ hí dʰībʰír dáyase ví vā́jān //4//

Verse: 5 
Halfverse: a    té tvā mádā indra mādayantu śuṣmíṇaṃ tuvirā́dʰasaṃ jaritré /
Halfverse: c    éko devatrā́ dáyase hí mártān asmín cʰūra sávane mādayasva //5//

Verse: 6 
Halfverse: a    evéd índraṃ vŕ̥ṣaṇaṃ vájrabāhuṃ vásiṣṭʰāso abʰy àrcanty arkaíḥ /
Halfverse: c    sá na stutó vīrávad dʰātu gómad yūyáṃ pāta svastíbʰiḥ sádā naḥ //6//

Verse: 7 
Halfverse: a    r̥jīṣī́ vajrī́ vr̥ṣabʰás turāṣā́ṭ cʰuṣmī́ rā́jā vr̥trahā́ somapā́vā /
Halfverse: c    yuktvā́ háribʰyām úpa yāsad arvā́ṅ mā́dʰyaṃdine sávane matsad índraḥ //7//

Next part


This text is part of the TITUS edition of Atharva-Veda-Samhita (Saunaka).

Copyright TITUS Project, Frankfurt a/M, 4.3.2015. No parts of this document may be republished in any form without prior permission by the copyright holder.