TITUS
Atharva-Veda-Samhita (Saunaka)
Part No. 621
Previous part

Hymn: 33 
Verse: 1 
Halfverse: a    apsú dʰūtásya harivaḥ píbehá nŕ̥bʰiḥ sutásya jaṭʰáraṃ pr̥ṇasva /
Halfverse: c    mimikṣúr yám ádraya indra túbʰyaṃ tébʰir vardʰasva mádam uktʰavāhaḥ //1//

Verse: 2 
Halfverse: a    prógrā́ṃ pītíṃ vŕ̥ṣṇa iyarmi satyā́ṃ prayaí sutásya haryaśva túbʰyam /
Halfverse: c    índra dʰénābʰir ihá mādayasva dʰībʰír víśvābʰiḥ śácyā gr̥ṇānáḥ //2//

Verse: 3 
Halfverse: a    ūtī́ śacīvas táva vīryèṇa váyo dádʰānā uśíja r̥tajñā́ḥ /
Halfverse: c    prajā́vad indra máṃso duroṇé tastʰúr gr̥ṇántaḥ sadʰamā́dyāsaḥ //3//

Next part


This text is part of the TITUS edition of Atharva-Veda-Samhita (Saunaka).

Copyright TITUS Project, Frankfurt a/M, 4.3.2015. No parts of this document may be republished in any form without prior permission by the copyright holder.