TITUS
Atharva-Veda-Samhita (Saunaka)
Part No. 772

Hymn: 142 
Verse: 1 
Halfverse: a    ábʰutsy u prá devyā́ sākáṃ vācā́ham aśvínoh /
Halfverse: c    vy ā̀var devy ā́ matíṃ ví rātíṃ mártyebʰyaḥ //1//

Verse: 2 
Halfverse: a    prá bodʰayoṣo aśvínā prá devi sūnr̥te mahi /
Halfverse: c    prá yajñahotar ānuṣák prá mádāya śrávo br̥hát //2//

Verse: 3 
Halfverse: a    yád uṣo yā́si bʰānúnā sáṃ sū́ryeṇa rocase /
Halfverse: c    ā́ hāyám aśvíno rátʰo vartír yāti nr̥pā́yyam //3//

Verse: 4 
Halfverse: a    yád ā́pītāso aṃśávo gā́vo ná duhrá ū́dʰabʰiḥ /
Halfverse: c    yád vā vā́ṇīr ánuṣata prá devayánto aśvínā //4//

Verse: 5 
Halfverse: a    prá dyumnā́ya prá śávase prá nr̥ṣā́hyāya śármaṇe /
Halfverse: c    prá dákṣāya pracetasā //5//

Verse: 6 
Halfverse: a    yán nūnáṃ dʰībʰír aśvinā pitúr yónā niṣī́datʰaḥ /
Halfverse: c    yád vā sumnébʰir uktʰyā //6//



Copyright TITUS Project, Frankfurt a/M, 1.1.2002. No parts of this document may be republished in any form without prior permission by the copyright holder.