TITUS
Rg-Veda: Aitareya-Brahmana
Part No. 6
Previous part

Paragraph: 6 


Sentence: 1    atʰo pañcavīryaṃ vā etac cʰando yad virāḍ
Sentence: 2    yat tripadā tenoṣṇihāgāyatryau, yad asyā ekādaśākṣarāṇi padāni
   tena triṣṭub, yat trayastriṃśadakṣarā tenānuṣṭum.
   na vā ekenākṣareṇa cʰandāṃsi viyanti na dvābʰyāṃ.
   yad virāṭ tat pañcamaṃ
Sentence: 3    sarveṣāṃ cʰandasāṃ vīryam avarunddʰe,
   sarveṣāṃ cʰandasāṃ vīryam aśnute,
   sarveṣāṃ cʰandasāṃ sāyujyaṃ sarūpatāṃ salokatām aśnute,
   'nnādo 'nnapatir bʰavaty,
   aśnute prajayānnādyaṃ ya evaṃ vidvān virājau kurute
Sentence: 4    tasmād virājāv eva kartavye
Sentence: 5    preddʰo agna, imo agna ity ete
Sentence: 6    r̥taṃ vāva dīkṣā satyaṃ dīkṣā, tasmād dīkṣitena satyam eva vaditavyam
Sentence: 7    atʰo kʰalv āhuḥ:
   ko 'rhati manuṣyaḥ sarvaṃ satyaṃ vadituṃ;
   satyasaṃhitā vai devā, anr̥tasaṃhitā manuṣyā iti
Sentence: 8    vicakṣaṇavatīṃ vācaṃ vadec
Sentence: 9    cakṣur vai vicakṣaṇaṃ, vi hy enena paśyatīty
Sentence: 10    etad dʰa vai manuṣyeṣu satyaṃ nihitaṃ yac cakṣus
Sentence: 11    tasmād ācakṣāṇam āhur:
   adrāg iti. sa yady adarśam ity āhātʰāsya śrad dadʰati.
   yady u vai svayam paśyati, na bahūnāṃ canānyeṣāṃ śrad dadʰāti
Sentence: 12    tasmād vicakṣaṇavatīm eva vācaṃ vadet, satyottarā haivāsya vāg
   uditā bʰavati bʰavati



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.