TITUS
Rg-Veda: Aitareya-Brahmana
Part No. 7
Previous part

Paragraph: 7 
adʰyāya 2, kʰaṇḍaḥ 1-5


Sentence: 1    svargaṃ vā etena lokam upa prayanti yat prāyaṇīyas,
   tat prāyaṇīyasya prāyaṇīyatvam
Sentence: 2    prāṇo vai prāyaṇīya, udāna udayanīyaḥ, samāno hotā bʰavati,
   samānau hi prāṇodānau, prāṇānāṃ kḷptyai prāṇānām pratiprajñātyai
Sentence: 3    yajño vai devebʰya udakrāmat,
   te devā na kiṃ canāśaknuvan kartuṃ na prājānaṃs.
   te 'bruvann Aditiṃ:
   tvayemaṃ yajñam prajānāmeti.
   sā tatʰety abravīt, sā vai vo varaṃ vr̥ṇā iti.
   vr̥ṇīṣveti. saitam eva varam avr̥ṇīta:
   matprāyaṇā yajñāḥ santu madudayanā iti. tatʰeti.
   tasmād ādityaś caruḥ prāyaṇīyo bʰavaty āditya udayanīyo, varavr̥to hy asyā
Sentence: 4    atʰo etaṃ varam avr̥ṇīta:
   mayaiva prācīṃ diśam prajānātʰāgninā dakṣiṇāṃ,
   Somena pratīcīṃ, Savitrodīcīm iti
Sentence: 5    Patʰyāṃ yajati
Sentence: 6    yat Patʰyāṃ yajati, tasmād asau pura udeti, paścāstam eti;
   Patʰyāṃ hy eṣo 'nusaṃcaraty
Sentence: 7    Agniṃ yajati
Sentence: 8    yad Agniṃ yajati, tasmād dakṣiṇato 'gra oṣadʰayaḥ
   pacyamānā āyanty, āgneyyo hy oṣadʰayaḥ
Sentence: 9    Somaṃ yajati
Sentence: 10    yat Somaṃ yajati, tasmāt pratīcyo 'py āpo bahvyaḥ
   syandante, saumyā hy āpaḥ 11 Savitāram yajati
Sentence: 12    yat Savitāraṃ yajati, tasmād uttarataḥ paścād ayam bʰūyiṣṭham
   pavamānaḥ pavate, savitr̥prasūto hy eṣa etat pavata
Sentence: 13    uttamām Aditiṃ yajati
Sentence: 14    yad uttamām Aditiṃ yajati,
   tasmād asāv imāṃ vr̥ṣṭyābʰyunatty abʰijigʰrati
Sentence: 15    pañca devatā yajati, pāṅkto yajñaḥ.
   sarvā diśaḥ kalpante, kalpate yajño 'pi
Sentence: 16    tasyai janatāyai kalpate yatraivaṃ vidvān hotā bʰavati



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.