TITUS
Rg-Veda: Aitareya-Brahmana
Part No. 8
Previous part

Paragraph: 8 


Sentence: 1    yas tejo brahmavarcasam icʰet prayājāhutibʰiḥ prāṅ sa iyāt,
   tejo vai brahmavarcasam prācī dik
Sentence: 2    tejasvī brahmavarcasī bʰavati ya evaṃ vidvān prāṅ eti
Sentence: 3    yo 'nnādyam icʰet prayājāhutibʰir dakṣiṇā sa iyād,
   annādo vā eṣo 'nnapatir yad Agnir
Sentence: 4    annādo 'nnapatir bʰavaty, aśnute prajayānnādyaṃ
   ya evaṃ vidvān dakṣiṇaiti
Sentence: 5    yaḥ paśūn icʰet prayājāhutibʰiḥ pratyaṅ sa iyāt,
   paśavo vā ete yad āpaḥ
Sentence: 6    paśumān bʰavati ya evaṃ vidvān pratyaṅṅ eti
Sentence: 7    yaḥ somapītʰam icʰet prayājāhutibʰir udaṅ sa iyād,
   uttarā ha vai somo rājā
Sentence: 8    pra somapītʰam āpnoti ya evaṃ vidvān udaṅṅ eti
Sentence: 9    svargyaivordʰvā dik, sarvāsu dikṣu rādʰnoti
Sentence: 10    samyañco vā ime lokāḥ,
   samyañco 'smā ime lokāḥ śriyai dīdyati ya evaṃ veda
Sentence: 11    Patʰyāṃ yajati.
   yat Patʰyāṃ yajati, vācam eva tad yajñamukʰe sambʰarati
Sentence: 12    prāṇāpānāv Agnīṣomau, prasavāya Savitā, pratiṣṭhityā Aditiḥ
Sentence: 13    Patʰyām eva yajati.
   yat Patʰyām eva yajati, vācaiva tad yajñam pantʰām apinayati
Sentence: 14    cakṣuṣī evāgnīṣomau, prasavāya Savitā, pratiṣṭhityā Aditiś
Sentence: 15    cakṣuṣā vai devā yajñam prājānaṃś,
   cakṣuṣā vā etat prajñāyate yad aprajñeyaṃ; tasmād api mugdʰaś caritva
   yadaivānuṣṭhyā cakṣuṣā prajānāty atʰa prajānāti
Sentence: 16    yad vai tad devā yajñam prājānann asyāṃ vāva tat prājānann,
   asyāṃ samabʰarann;
   asyai vai yajñas tāyate, 'syai kriyate, 'syai sambʰriyata,
   iyaṃ hy Aditiś tad uttamām Aditiṃ yajati.
   yad uttamām Aditiṃ yajati, yajñasya prajñātyai svargasya lokasyānukʰyātyai



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.