TITUS
Rg-Veda: Aitareya-Brahmana
Part No. 9
Previous part

Paragraph: 9 


Sentence: 1    devaviśaḥ kalpayitavyā ity āhus, tāḥ kalpamānā anu manuṣyaviśaḥ
   kalpanta iti; sarvā viśaḥ kalpante, kalpate yajño 'pi
Sentence: 2    tasyai janatāyai kalpate yatraivaṃ vidvān hotā bʰavati
Sentence: 3    svasti naḥ patʰyāsu dʰanvasv ity anvāha
Sentence: 4    svasty apsu vr̥jane svarvati \ svasti naḥ putrakr̥tʰeṣu yoniṣu
   svasti rāye maruto dadʰātaneti
Sentence: 5    Maruto vai devānāṃ viśas, tā evaitad yajñamukʰe 'cīkḷpat
Sentence: 6    sarvaiś cʰandobʰir yajed ity āhuḥ.
   sarvair vai cʰandobʰir iṣṭvā devāḥ svargaṃ lokam ajayaṃs,
   tatʰaivaitad yajamānaḥ sarvaiś cʰandobʰir iṣṭvā svargaṃ lokaṃ jayati
Sentence: 7    svasti naḥ patʰyāsu dʰanvasu,
   svastir id dʰi prapatʰe śreṣṭheti patʰyāyāḥ svastes triṣṭubʰāv.
   agne naya supatʰā rāye asmān,
   ā devānām api pantʰām aganmety Agnes triṣṭubʰau.
   tvaṃ soma pra cikito manīṣā,
   yā te dʰāmāni divi yā pr̥tʰivyām iti Somasya triṣṭubʰāv.
   ā viśvadevaṃ satpatiṃ, ya imā viśvā jātānīti Savitur gāyatryau.
   sutrāmāṇam pr̥tʰivīṃ dyām anehasam, mahīm ū ṣu mātaraṃ
   suvratānām ity Aditer jagatyāv
Sentence: 8    etāni vāva sarvāṇi cʰandāṃsi:
   gāyatraṃ traiṣṭubʰaṃ jāgatam, anv anyāny;
   etāni hi yajñe pratamām iva kriyanta
Sentence: 9    etair ha vā asya cʰandobʰir yajataḥ sarvaiś cʰandobʰir iṣṭam bʰavati
   ya evaṃ veda



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.