TITUS
Rg-Veda: Aitareya-Brahmana
Part No. 21
Previous part

Paragraph: 21 


Sentence: 1    gaṇānāṃ tvā gaṇapatiṃ havāmaha iti brāhmaṇaspatyam.
   brahma vai Br̥haspatir, brahmaṇaivainam tad bʰiṣajyati
Sentence: 2    pratʰaś ca yasya sapratʰaś ca nāmeti gʰarmatanvaḥ.
   satanum evainaṃ tat sarūpaṃ karoti
Sentence: 3    ratʰaṃtaram ājabʰārā vasiṣṭhaḥ \| bʰaradvājo br̥had ā cakre agner iti.
   br̥hadratʰaṃtaravantam evainaṃ tat karoty
Sentence: 4    apaśyaṃ tvā manasā cekitānam iti Prajāvān Prājāpatyaḥ.
   prajām evāsmiṃs tad dadʰāti
Sentence: 5    kā rādʰad dʰotrāśvinā vām iti nava vicʰandasas.
   tad etad yajñasyāntastyaṃ.
   vikṣudram iva va antastyam, aṇīya iva ca stʰavīya iva ca.
   tasmād etā vicʰandaso bʰavanty
Sentence: 6    etābʰir hāśvinoḥ Kakṣīvān priyaṃ dʰāmopāgacʰat, sa paramaṃ lokam ajayad
Sentence: 7    upāśvinoḥ priyaṃ dʰāma gacʰati, jayati paramaṃ lokaṃ ya evaṃ vedā/bʰāty
Sentence: 8    agnir uṣasām anīkam iti sūktam
Sentence: 9    pīpivāṃsam aśvinā gʰarmam acʰety abʰirūpaṃ.
   yad yajñe 'bʰirūpaṃ tat samr̥ddʰaṃ
Sentence: 10    tad u traiṣṭubʰaṃ. vīryaṃ vai triṣṭub, vīryam evāsmiṃs tad dadʰāti
Sentence: 11    grāvāṇeva tad id artʰaṃ jaretʰe iti sūktam.
   akṣī iva karṇāv iva nāsevety aṅgasamākʰyāyam evāsmiṃs
   tad indriyāṇi dadʰāti
Sentence: 12    tad u traiṣṭubʰaṃ. vīryaṃ vai triṣṭub, vīryam evāsmiṃs tad dadʰātī/ḷe
Sentence: 13    dyāvāpr̥tʰivī pūrvacittaya iti sūktam
Sentence: 14    agniṃ gʰarmaṃ surucaṃ yāmann iṣṭaya ity abʰirūpaṃ.
   yad yajñe 'bʰirūpaṃ tat samr̥ddʰaṃ
Sentence: 15    tad u jāgataṃ. jāgatā vai paśavaḥ, paśūn evāsmiṃs tad dadʰāti
Sentence: 16    yābʰir amum āvataṃ yābʰir amum āvatam ity.
   etāvato hātrāśviuau kāmān dadr̥śatus, tān evāsmiṃs tad dadʰāti,
   tair evainaṃ tat samardʰayaty
Sentence: 17    arūrucad uṣasaḥ pr̥śnir agriya iti rucitavatī,
   rucam evāsmiṃs tad dadʰāti
Sentence: 18    dyubʰir aktubʰiḥ pari pātam asmān ity uttamayā paridadʰāty
Sentence: 19    ariṣṭebʰir aśvinā saubʰagebʰiḥ \ tan no mitro varuṇo māmahantām
   aditiḥ sindʰuḥ pr̥tʰivī uta dyaur ity
   etair evainaṃ tat kāmaiḥ samardʰayatī/ti
Sentence: 20    nu pūrvam paṭalam



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.