TITUS
Rg-Veda: Aitareya-Brahmana
Part No. 22
Previous part

Paragraph: 22 


Sentence: 1    atʰottaram
Sentence: 2    upa hvaye sudugʰāṃ dʰenum etāṃ, hiṅkr̥ṇvatī vasupatnī vasūnām,
   abʰi tvā deva savitaḥ, sam ī vatsaṃ na mātr̥bʰiḥ, saṃ vatsa iva mātr̥bʰir,
   yas te stanaḥ śaśayo yo mayobʰūr, gaur amīmed anu vatsam miṣantaṃ,
   namased upa sīdata, saṃjānānā upa sīdann abʰijñv, ā daśabʰir vivasvato,
   duhanti saptaikāṃ, samiddʰo agnir aśvinā,
   samiddʰo agnir vr̥ṣaṇāratir divas, tad u prayakṣatamam asya karma,
   tmanvan nabʰo duhyate gʰr̥tam paya, ut=tiṣṭha brahmaṇas pate,
   'dʰukṣat pipyuṣīm iṣam, upa drava payasā godʰug oṣam,
   ā sute siñcata śriyam, ā nūnam aśvinor r̥ṣiḥ, sam u tye mahatīr apa ity
   ekaviṃśatir abʰirūpā. yad yajñe 'bʰirūpaṃ tat samr̥ddʰam
Sentence: 3    ud u ṣya devaḥ savitā hiraṇyayety anūtʰiṣṭhati,
   praitu brahmaṇas patir ity anupraiti, gandʰarva ittʰā padam asya
   rakṣatīti kʰaram avekṣate, nāke suparṇam upa yat patantam ity upaviśati,
   tapto vāṃ gʰarmo nakṣati svahoto, bʰā pibatam aśvineti pūrvāhṇe yajaty
Sentence: 4    agne vīhīty anuvaṣaṭkaroti, sviṣṭakr̥dbʰājanaṃ
Sentence: 5    yad usriyāsv āhutaṃ gʰr̥tam payo, sya pibatam aśvinety aparāhṇe yajaty,
   agne vīhīty anuvaṣaṭkaroti, sviṣṭakr̥dbʰājanaṃ
Sentence: 6    trayāṇāṃ ha vai haviṣāṃ sviṣṭakr̥te na samavadyanti:
   somasya gʰarmasya vājinasyeti.
   sa yad anuvaṣaṭkaroty, agner eva sviṣṭakr̥to 'nantarityai
Sentence: 7    viśvā āśā dakṣiṇasād iti brahmā japati
Sentence: 8    svāhākr̥taḥ śucir deveṣu gʰarmaḥ, samudrād ūrmim ud iyarti veno,
   drapsaḥ samudram abʰi yaj jigāti, sakʰe sakʰāyam abʰy ā vavritsvo,
   rdʰva ū ṣu ṇa ūtaya, ūrdʰvo naḥ pāhy aṃhagas,
   taṃ gʰem ittʰā namasvina ity abʰirūpā.
   yad yajñe 'bʰirūpaṃ tat samr̥ddʰam
Sentence: 9    pāvakaśoce tava hi kṣayam parīti bʰakṣam ākāṅkṣate
Sentence: 10    hutaṃ havir madʰu havir indratame 'gnāv aśyāma te deva gʰarma \
   madʰumataḥ pitumato vājavato 'ṅgirasvato namas te astu mā mā hiṃsīr iti
   gʰarmasya bʰakṣayati
Sentence: 11    śyeno na yoniṃ sadanaṃ dʰiyā kr̥tam,
   ā yasmin sapta vāsavā iti saṃsādyamānāyānvāha
Sentence: 12    havir haviṣmo mahi sadma daivyam iti yad ahar utsādayiṣyanto bʰavanti
Sentence: 13    sūyavasād bʰagavatī hi bʰūyā ity uttamayā paridadʰāti
Sentence: 14    tad etad devamitʰunaṃ yad gʰarmaḥ.
   sa yo gʰarmas tac cʰiśnaṃ yau śapʰau tau śapʰau,
   yopayamanī te śroṇikapāle, yat payas tad retas.
   tad idam agnau devayonyām prajanane retaḥ sicyate. 'gnir vai devayoniḥ.
   so 'gner devayonyā āhutibʰyaḥ sambʰavaty
Sentence: 15    r̥ṅmayo yajurmayaḥ sāmamayo vedamayo brahmamayo 'mr̥tamayaḥ
   sambʰūya devatā apyeti ya evaṃ veda,
   yaś caivaṃ vidvān etena yajñakratunā yajate



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.