TITUS
Rg-Veda: Aitareya-Brahmana
Part No. 33
Previous part

Paragraph: 3 


Sentence: 1    tiṣṭhed yūpā+ḥ \ anuprahare+t ity āhus
Sentence: 2    tiṣṭhet paśukāmasya
Sentence: 3    devebʰyo vai paśavo 'nnādyāyālambʰāya nātiṣṭhanta.
   te 'pakramya prativāvadato 'tiṣṭhaṇ:
   nāsmān ālapsyadʰve nāsmān iti.
   tato vai devā etaṃ yūpam vajram apaśyaṃs, tam ebʰya udaśrayaṃs;
   tasmād bibʰyata upāvartanta, tam evādyāpy upāvr̥ittās.
   tato vai devebʰyaḥ paśavo 'nnādyāyālambʰāyatiṣṭhanta
Sentence: 4    tiṣṭhante 'smai paśāvo 'nnadyāyālambʰāya
   ya evaṃ veda yasya caivaṃ viduṣo yūpas tiṣṭhaty
Sentence: 5    anupraharet svargakānasya
Sentence: 6    tam u ha smaitam pūrve 'nv eva praharanti
Sentence: 7    yajamāno vai yūpo yajamānaḥ prastaro, 'gnir vai devayoniḥ;
   so 'gner devayonyā āhutibʰyaḥ sambʰūya hiraṇyaśarīra ūrdʰvaḥ
   svargaṃ lokam eṣyatīty
Sentence: 8    atʰa ye tebʰyo 'vara āsaṃs ta etaṃ svarum apaśyan yūpaśakalaṃ.
   taṃ tasmin kāle 'nupraharet.
   tatra sa kāma upāpto yo 'nupraharaṇe, tatra sa kāma upāpto yaḥ stʰāne
Sentence: 9    sarvābʰyo vā eṣa devatābʰya ātmānam ālabʰate yo dīkṣate.
   'gniḥ sarvā devatāḥ, Somaḥ sarvā devatāḥ.
   sa yad agnīṣomīyam paśum
   ālabʰate, sarvābʰya eva tad devatābʰyo yajamāna ātmānaṃ niṣkrīṇīte
Sentence: 10    tad āhur:
   dvirūpo 'gnīṣomīyaḥ kartavyo, dvidevatyo hīti.
   tat-tan nādr̥tyam. pīva iva kartavyaḥ.
   pīvorūpā vai paśavaḥ, kr̥śita iva kʰalu vai yajamāno bʰavati.
   tad yat pīvā paśur bʰavati, yajamānam eva tat svena medʰena samardʰayati
Sentence: 11    tad āhur:
   nāgnīṣomīyasya pāśor aśnīyāt,
   puruṣasya vā eṣo 'śnāti yo 'gnīṣomīyasya pāśor aśnāti;
   yajamāno hy etenātmānaṃ niṣkrīṇīta iti
Sentence: 12    tat-tan nādr̥tyaṃ.
   vārtragʰnaṃ vā etad dʰavir yad agnīṣomīyo.
   'gnīṣomābʰyāṃ vā īndro vr̥tram ahaṃs, tāv enam abrūtām:
   āvābʰyāṃ vai vr̥tram avadʰīr, varaṃ te vr̥ṇāvāha īti.
   vr̥ṇātʰām iti. tāv etam eva varam avr̥ṇātāṃ: śvaḥsutyāyām paśuṃ.
   sa enayor eṣo 'cyuto, varavr̥to hy enayos.
   tasmāt tasyāśitavyaṃ caiva līpsitavyaṃ ca



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.