TITUS
Rg-Veda: Aitareya-Brahmana
Part No. 125
Previous part

Paragraph: 4 


Sentence: 1    mahānāmnīnām upasargān upasr̥jaty
Sentence: 2    ayaṃ vai lokaḥ pratʰamā mahānāmny antarikṣaloko dvitīyāsau lokas tr̥tīyā.
   sarvebʰyo vā eṣa lokebʰyaḥ saṃnirmito yat ṣolaśī.
   tad yan mahānāmnīnām upasargān upāsr̥jati,
   sarvebʰya evainaṃ tal lokebʰyaḥ saṃnirmimīte.
Sentence: 3    sarvebʰyo lokebʰyaḥ saṃnirmitena ṣoḷaśinā rādʰnoti ya evaṃ veda
Sentence: 4    pra-pra vas triṣṭubʰam iṣam, arcata prārcata,
   yo vyatīm̐r apʰāṇayad iti prajñātā anuṣṭubʰaḥ śaṃsati.
   tad yatʰeha ceha cāpatʰena caritvā pantʰānam paryaveyāt,
   tādr̥k tad yat prajñātā anuṣṭubʰaḥ śaṃsati
Sentence: 5    sa yo vyāpto gataśrīr iva manyetāvihr̥taṃ ṣoḷaśinaṃ śaṃsayen:
   nec cʰandasāṃ kr̥cʰrād avapadyā ity.
   atʰa yaḥ pāpmānam apajigʰāṃsuḥ syād, vihr̥taṃ ṣoḷasinaṃ śaṃsayed.
   vyatiṣakta iva vai puruṣaḥ pāpmanā,
   vyatiṣaktam evāsmai tat pāpmānaṃ śamalaṃ hanty
Sentence: 6    apa pāpmānaṃ hate ya evaṃ vedo/d
Sentence: 7    yad bradʰnasya viṣṭapam ity uttamayā paridadʰāti.
   svargo vai loko bradʰnasya viṣṭapam,
   svargam eva tal lokaṃ yajamānaṃ gamayaty
Sentence: 8    apāḥ pūrveṣāṃ harivaḥ sutānām iti yajati
Sentence: 9    sarvebʰyo vā eṣa savanebʰyaḥ saṃnirmito yat ṣoḷaśī.
   tad yad:
   apāḥ pūrveṣāṃ harivaḥ sutānām iti yajati,
   pītavad vai prātaḥsavanam, prātaḥsavanād evainaṃ tat saṃnirmimīte
Sentence: 10    'tʰo idaṃ savanaṃ kevalaṃ ta iti.
   mādʰyaṃdinaṃ vai savanaṃ kevalam,
   mādʰyaṃdinād evainaṃ tat savanāt saṃnirmimīte
Sentence: 11    mamaddʰi somam madʰumantam indreti.
   madvad vai tr̥tīyasavanaṃ, tr̥tīyasavanād evainaṃ tat saṃnirmimīte
Sentence: 12    satrā vr̥ṣañ jaṭhara ā vr̥ṣasveti.
   vr̥ṣaṇvad vai ṣoḷaśino rūpaṃ.
   sarvebʰyo vā eṣa savanebʰyaḥ saṃnirmito yat ṣoḷaśī.
   tad yad:
   apāḥ pūrveṣāṃ harivaḥ sutānām iti yajati,
   sarvebʰya evainaṃ tat savanebʰyaḥ saṃnirmimīte
Sentence: 13    sarvebʰyaḥ savanebʰyaḥ saṃnirmitena ṣoḷaśinā rādʰnoti ya evaṃ veda
Sentence: 14    mahānāmnīnām pañcākṣarān upasargān upasr̥jaty ekādaśākṣareṣu pādeṣu.
   sarvebʰyo vā eṣa cʰandobʰyaḥ saṃnirmito yat ṣoḷaśī.
   tad yan mahānāmnīnām pañcākṣarān upasargān upasr̥jaty ekādaśākṣareṣu pādeṣu,
   sarvebʰya evainaṃ tac cʰandobʰyaḥ saṃnirmimīte
Sentence: 15    sarvebʰyaś cʰandobʰyaḥ saṃnirmitena ṣoḷaśinā rādʰnoti ya evaṃ veda



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.