TITUS
Rg-Veda: Aitareya-Brahmana
Part No. 284
Previous part

Paragraph: 27 


Sentence: 1    yo na vai trīn purohitāṃs trīn purodʰātr̥̄n veda,
   sa brāhmaṇaḥ purohitaḥ.
   sa vadeta purodʰāyā:
   Agnir vāva purohitaḥ pr̥tʰivī purodʰātā,
   Vāyur vāva purohito 'ntarikṣam purodʰātādityo vāva purohito
   dyauḥ purodʰātai,ṣa ha vai purohito
   ya evaṃ vedātʰa sa tirohito ya evaṃ na veda
Sentence: 2    tasya rājā mitram bʰavati,
   dviṣantam apabādʰate yasyaivaṃ vidvān
   brāhmaṇo rāṣṭragopaḥ purohitaḥ
Sentence: 3    kṣatreṇa kṣatraṃ jayati,
   balena balam aśnute yasyaivaṃ vidvān brāhmaṇo rāṣṭragopaḥ purohitas.
   tasmai viśaḥ saṃjānate sammukʰā ekamanaso
   yasyaivaṃ vidvān brāhmaṇo rāṣṭragopaḥ purohito
Sentence: 4    bʰūr bʰuvaḥ svar om, amo 'ham asmi sa tvaṃ sa tvaṃ asy amo 'haṃ,
   dyaur aham pr̥tʰivī tvaṃ, sāmāham r̥k tvaṃ, tāv eha saṃvahāvahai \
   ՚5 purā ՚5 aṇyasmāt mahābʰayāt \ tanūr asi tanvam me pāhi \
Sentence: 5    yā oṣadʰiḥ somarājñīr bahvīḥ śatavicakṣaṇāh \
   tā mahyam asminn āsane 'cʰidraṃ śarma yacʰata \\
Sentence: 6    yā oṣadʰīḥ somarājñīr viṣṭhitāḥ pr̥tʰivīm anu \
   tā mahyam asminn āsane 'cʰidraṃ śarma yacʰata \\
Sentence: 7    asmin rāṣṭre śriyam ā veśayāmy ato devīḥ prati paśyāmy āpaḥ \\
Sentence: 8    dakṣiṇam pādam ava nenije 'smin rāṣṭra indriyaṃ dadʰāmi \
   savyam pādam ava nenije 'smi rāṣṭra indriyaṃ vardʰayāmi \
   pūrvam anyam aparam anyam pādāv ava nenije \
   devā rāṣṭrasya guptyā abʰayasyāvaruddʰyai \\
Sentence: 9    āpaḥ pādāvanejanīr dviṣantaṃ nir dahantu me



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.