TITUS
Rg-Veda: Aitareya-Brahmana
Part No. 285
Previous part

Paragraph: 28 


Sentence: 1    atʰāto brahmanaḥ parimaro.
   yo ha vai brahmaṇaḥ parimaraṃ veda,
   pary enaṃ dviṣanto bʰrātr̥vyāḥ pari sapatnā mriyante
Sentence: 2    'yaṃ vai brahma yo 'yam pavate.
   tam etāḥ pañca devatāḥ parimriyante:
   vidyud vr̥ṣṭiś candramā ādityo 'gnir
Sentence: 3    vidyud vai vidyutya vr̥ṣṭim anupraviśati,
   sāntardʰīyate, tāṃ na nirjānanti
Sentence: 4    yadā vai mriyate, 'tʰāntardʰīyate,
   'tʰaināṃ na nirjānanti
Sentence: 5    sa brūyād vidyuto maraṇe:
   dviṣan me mriyatāṃ, so 'ntardʰīyatāṃ, tam mā nirjñasiṣur iti
Sentence: 6    kṣipraṃ haivainaṃ na nirjānanti
Sentence: 7    vr̥ṣṭir vai vr̥ṣṭvā candramasam anupraviśati,
   sāntardʰīyate, tāṃ na nirjānanti.
   yadā vai mriyate, 'tʰāntardʰīyate, 'tʰainaṃ na nirjānanti.
   sa brūyād vr̥ṣṭer maraṇe:
   dviṣan me mriyatāṃ, so 'ntardʰīyatāṃ, tam mā nirjñāsiṣur iti.
   kṣipraṃ haivainaṃ na nirjānanti
Sentence: 8    candramā vā amāvāsyāyām ādityam anupraviśati,
   so 'ntardʰīyatāṃ, taṃ na nirjānanti.
   yadā vai mriyate, 'tʰāntardʰīyate, 'tʰainaṃ na nirjānanti.
   sa brūyāc candramaso maraṇe:
   dviṣan me mriyatāṃ, so 'ntardʰīyatāṃ, tam mā nirjñāsiṣur iti.
   kṣipraṃ haivainaṃ na nirjānanty
Sentence: 9    ādityo vā astaṃ yann agnim anupraviśati, so 'ntardʰīyate,
   taṃ na nirjānanti.
   yadā vai mriyatc, 'tʰāntardʰīyate, 'tʰainām na nirjānanti.
   sa brūyād ādityasya maraṇe:
   dviṣan me mriyatāṃ, so 'ntardʰīyatāṃ, tam mā nirjñāsiṣur iti.
   kṣipraṃ haivainaṃ nā nirjānanty
Sentence: 10    āgnir vā udvān vāyum anupraviśati, so 'ntardʰiyate, taṃ na nirjānanti.
   yadā vai mriyate, 'tʰāntardʰīyate, 'tʰainaṃ na nirjānanti.
   sa brūyād agner marāṇe:
   dviṣan me mriyatāṃ, so 'ntardʰīyatāṃ, tam mā nirjñāsiṣur iti.
   kṣipraṃ haivainaṃ na nirjānanti
Sentence: 11    tā vā etā devatā ata eva punar jāyante
Sentence: 12    vāyor agnir jāyate, prāṇād dʰi balān matʰyamāno 'dʰijāyate.
   taṃ dr̥ṣṭvā brūyād:
   agnir jāyatām, mā me dviṣañ jany, ata eva parāṅ prajigʰyatv iti.
   ato haiva parāṅ prajigʰyaty
Sentence: 13    agner vā ādityo jāyate.
   taṃ dr̥ṣṭvā brūyād:
   ādityo jāyatām, mā me dviṣañ jany, ata eva parāṅ prajigʰyatv ity.
   ato haiva parāṅ prajigʰyaty
Sentence: 14    ādityād vai candramā jāyate.
   taṃ dr̥ṣṭvā brūyāc:
   candramā jāyatām, mā me dviṣañ jany, ata eva parāṅ prajigʰyatv iti.
   ato haiva parāṅ prajigʰyati
Sentence: 15    candramaso vai vr̥ṣṭir jāyate.
   tāṃ dr̥ṣṭvā brūyād:
   vr̥ṣṭir jāyatām, mā me ՚8 dviṣañ jany, ata eva parāṅ prajigʰyatv ity.
   ato haiva parāṅ prajigʰyati
Sentence: 16    vr̥ṣṭer vai vidyuj jāyate.
   tāṃ dr̥ṣṭvā brūyād:
   vidyuj jāyatām, mā me dviṣañ jany, ata eva parāṅ prajigʰyatv ity.
   ato baiva parān prajigʰyati
Sentence: 17    sa eṣa brahmaṇaḥ parimaras
Sentence: 18    tam etam brahmaṇaḥ parimaram
   Maitreyaḥ Kauṣāravaḥ Sutvane Kairiśaye Bʰārgāyaṇāya rājñe provāca,
   taṃ ha pañca rājānaḥ parimamrus, tataḥ Sutvā mahaj jagāma
Sentence: 19    tasya vrataṃ:
   na dviṣataḥ pūrva upaviśed; yadi tiṣṭhantam manyeta, tiṣṭhetaiva.
   na dviṣataḥ pūrvaḥ saṃviśed; yady āsīnam manyetāsītaiva.
   na dviṣataḥ pūrvaḥ prasvapyād:
   yadi jāgratam manyeta, ՚1 jāgr̥yād evā/pi
Sentence: 20    ha yady asyāśmamūrdʰā dviṣan bʰavati,
   kṣipraṃ haivainaṃ str̥ṇute str̥ṇute

This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.