TITUS
Rg-Veda: Rg-Veda-Samhita
Part No. 2
Previous part

Hymn: 2 
Verse: 1 
Halfverse: a    vā́yav ā́ yāhi darśatemé sómā áraṃkr̥tāḥ /
   vā́yav ā́ yāhi darśata_
   vā́yo ā́ yāhi darśata
   vā́yav ā́ yāhi darśata

Halfverse: b    _imé sómā áraṃkr̥tāḥ /
   imé sómāḥ áraṃkr̥tāḥ /
   imé sómā áraṃkr̥tāḥ /

Halfverse: c    téṣām pāhi śrudʰī́ hávam //
   téṣām pāhi śrudʰī́ hávam //
   téṣām pāhi śrudʰí+ hávam //
   téṣām pāhi śrudʰī́ hávam //


Verse: 2 
Halfverse: a    vā́ya uktʰébʰir jarante tvā́m ácʰā jaritā́raḥ /
   vā́ya uktʰébʰir jarante
   vā́yo uktʰébʰiḥ jarante
   vā́ya uktʰébʰir jarante

Halfverse: b    tvā́m ácʰā jaritā́raḥ /
   tvā́m ácʰa+ jaritā́raḥ /
   tuvā́m ácʰā jaritā́raḥ /

Halfverse: c    sutásomā aharvídaḥ //
   sutásomā aharvídaḥ //
   sutásomāḥ aharvídaḥ //
   sutásomā aharvídaḥ //


Verse: 3 
Halfverse: a    vā́yo táva prapr̥ñcatī́ dʰénā jigāti dāśúṣe /
   vā́yo táva prapr̥ñcatī́
   vā́yo táva prapr̥ñcatī́
   vā́yo táva prapr̥ñcatī́

Halfverse: b    dʰénā jigāti dāśúṣe /
   dʰénā jigāti dāśúṣe /
   dʰénā jigāti dāśúṣe /

Halfverse: c    urūcī́ sómapītaye //
   urūcī́ sómapītaye //
   urūcī́ sómapītaye //
   urūcī́ sómapītaye //


Verse: 4 
Halfverse: a    índravāyū imé sutā́ úpa práyobʰir ā́ gatam /
   índravāyū imé sutā́
   índravāyū imé sutā́ḥ
   índravāyū imé sutā́

Halfverse: b    úpa práyobʰir ā́ gatam /
   úpa práyobʰiḥ ā́ gatam /
   úpa práyobʰir ā́ gatam /

Halfverse: c    índavo vām uśánti hí //
   índavo vām uśánti hí //
   índavaḥ vām uśánti hí //
   índavo vām uśánti hí //


Verse: 5 
Halfverse: a    vā́yav índraś ca cetatʰaḥ sutā́nāṃ vājinīvasū /
   vā́yav índraś ca cetatʰaḥ
   vā́yo índraḥ ca cetatʰaḥ
   vā́yav índraś ca cetatʰaḥ

Halfverse: b    sutā́nāṃ vājinīvasū /
   sutā́nām vājinīvasū /
   sutā́nāṃ vājinīvasū /

Halfverse: c    tā́v ā́ yātam úpa dravát //
   tā́v ā́ yātam úpa dravát //
   taú ā́ yātam úpa dravát //
   tā́v ā́ yātam úpa dravát //


Verse: 6 
Halfverse: a    vā́yav índraś ca sunvatá ā́ yātam úpa niṣkr̥tám /
   vā́yav índraś ca sunvatá
   vā́yo índraḥ ca sunvatáḥ
   vā́yav índraś ca sunvatá

Halfverse: b    ā́ yātam úpa niṣkr̥tám /
   ā́ yātam úpa niṣkr̥tám /
   ā́ yātam úpa niṣkr̥tám /

Halfverse: c    makṣv ìttʰā́ dʰiyā́ narā //
   makṣv ìttʰā́ dʰiyā́ narā \!\ //
   makṣú+ ittʰā́ dʰiyā́ narā //
   makṣú ittʰā́ dʰiyā́ narā //


Verse: 7 
Halfverse: a    mitráṃ huve pūtádakṣaṃ váruṇaṃ ca riśā́dasam /
   mitráṃ huve pūtádakṣaṃ
   mitrám huve pūtádakṣam
   mitráṃ huve pūtádakṣaṃ

Halfverse: b    váruṇaṃ ca riśā́dasam /
   váruṇam ca riśā́dasam /
   váruṇaṃ ca riśā́dasam /

Halfverse: c    dʰíyaṃ gʰr̥tā́cīṃ sā́dʰantā //
   dʰíyaṃ gʰr̥tā́cīṃ sā́dʰantā //
   dʰíyam gʰr̥tā́cīm sā́dʰantā //
   dʰíyaṃ gʰr̥tā́cīṃ sā́dʰantā //


Verse: 8 
Halfverse: a    r̥téna mitrāvaruṇāv r̥tāvr̥dʰāv r̥taspr̥śā /
   r̥téna mitrāvaruṇāv
   r̥téna mitrāvaruṇau
   r̥téna mitrāvaruṇāv

Halfverse: b    r̥tāvr̥dʰāv r̥taspr̥śā /
   r̥tāvr̥dʰau r̥taspr̥śā /
   r̥tāvr̥dʰāv r̥taspr̥śā /

Halfverse: c    krátum br̥hántam āśātʰe //
   krátum br̥hántam āśātʰe //
   krátum br̥hántam āśātʰe //
   krátum br̥hántam āśatʰe* //


Verse: 9 
Halfverse: a    kavī́ no mitrā́váruṇā tuvijātā́ urukṣáyā /
   kavī́ no mitrā́váruṇā
   kavī́ naḥ mitrā́váruṇā
   kavī́ no mitrā́váruṇā

Halfverse: b    tuvijātā́ urukṣáyā /
   tuvijātaú urukṣáyā /
   tuvijātā́ urukṣáyā /

Halfverse: c    dákṣaṃ dadʰāte apásam //
   dákṣaṃ dadʰāte apásam //
   dákṣam dadʰāte apásam //
   dákṣaṃ dadʰāte apásam //


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.