TITUS
Rg-Veda: Rg-Veda-Samhita
Part No. 3
Previous part

Hymn: 3 
Verse: 1 
Halfverse: a    áśvinā yájvarīr íṣo drávatpāṇī śúbʰas patī /
   áśvinā yájvarīr íṣo
   áśvinā yájvarīḥ íṣaḥ
   áśvinā yájvarīr íṣo

Halfverse: b    drávatpāṇī śúbʰas patī /
   drávatpāṇī śúbʰaḥ patī /
   drávatpāṇī śúbʰas patī /

Halfverse: c    púrubʰujā canasyátam //
   púrubʰujā canasyátam //
   púrubʰujā canasyátam //
   púrubʰujā canasyátam //


Verse: 2 
Halfverse: a    áśvinā púrudaṃsasā nárā śávīrayā dʰiyā́ /
   áśvinā púrudaṃsasā
   áśvinā púrudaṃsasā
   áśvinā púrudaṃsasā

Halfverse: b    nárā śávīrayā dʰiyā́ /
   nárā śávīrayā dʰiyā́ /
   nárā śávīrayā dʰiyā́ /

Halfverse: c    dʰíṣṇyā vánataṃ gíraḥ //
   dʰíṣṇyā vánataṃ gíraḥ //
   dʰíṣṇyā vánatam gíraḥ //
   dʰíṣṇiyā vánataṃ gíraḥ //


Verse: 3 
Halfverse: a    dásrā yuvā́kavaḥ sutā́ nā́satyā vr̥ktábarhiṣaḥ /
   dásrā yuvā́kavaḥ sutā́
   dásrā yuvā́kavaḥ sutā́ḥ
   dásrā yuvā́kavaḥ sutā́

Halfverse: b    nā́satyā vr̥ktábarhiṣaḥ /
   nā́satyā vr̥ktábarhiṣaḥ /
   nā́satyā vr̥ktábarhiṣaḥ /

Halfverse: c    ā́ yātaṃ rudravartanī //
   ā́ yātaṃ rudravartanī //
   ā́ yātam rudravartanī //
   ā́ yātaṃ rudravartanī //


Verse: 4 
Halfverse: a    índrā́ yāhi citrabʰāno sutā́ imé tvāyávaḥ /
   índrā́ yāhi citrabʰāno
   índra ā́ yāhi citrabʰāno
   índrā́ yāhi citrabʰāno

Halfverse: b    sutā́ imé tvāyávaḥ /
   sutā́ḥ imé tvāyávaḥ /
   sutā́ imé tuvāyávaḥ /

Halfverse: c    áṇvībʰis tánā pūtā́saḥ //
   áṇvībʰis tánā pūtā́saḥ //
   áṇvībʰiḥ tánā pūtā́saḥ //
   áṇvībʰis tánā pūtā́saḥ //


Verse: 5 
Halfverse: a    índrā́ yāhi dʰiyéṣitó víprajūtaḥ sutā́vataḥ /
   índrā́ yāhi dʰiyéṣitó
   índra ā́ yāhi dʰiyā́ iṣitáḥ
   índrā́ yāhi dʰiyéṣitó

Halfverse: b    víprajūtaḥ sutā́vataḥ /
   víprajūtaḥ sutā́vataḥ /
   víprajūtaḥ sutā́vataḥ /

Halfverse: c    úpa bráhmāṇi vāgʰátaḥ //
   úpa bráhmāṇi vāgʰátaḥ //
   úpa bráhmāṇi vāgʰátaḥ //
   úpa bráhmāṇi vāgʰátaḥ //


Verse: 6 
Halfverse: a    índrā́ yāhi tū́tujāna úpa bráhmāṇi harivaḥ /
   índrā́ yāhi tū́tujāna
   índra ā́ yāhi tū́tujānaḥ
   índrā́ yāhi tū́tujāna

Halfverse: b    úpa bráhmāṇi harivaḥ /
   úpa bráhmāṇi harivaḥ /
   úpa bráhmāṇi harivaḥ /

Halfverse: c    suté dadʰiṣva naś cánaḥ //
   suté dadʰiṣva naś cánaḥ //
   suté dadʰiṣva naḥ cánaḥ //
   suté dadʰiṣva naś cánaḥ //


Verse: 7 
Halfverse: a    ómāsaś carṣaṇīdʰr̥to víśve devāsa ā́ gata /
   ómāsaś carṣaṇīdʰr̥to
   ā́ ! ūmāsaḥ ! carṣaṇīdʰr̥taḥ
   ómāsaś carṣaṇīdʰr̥to

Halfverse: b    víśve devāsa ā́ gata /
   víśve devāsaḥ ā́ gata /
   víśve devāsa ā́ gata /

Halfverse: c    dāśvā́ṃso dāśúṣaḥ sutám //
   dāśvā́ṃso dāśúṣaḥ sutám //
   dāśvā́ṃsaḥ dāśúṣaḥ sutám //
   dāśvā́ṃso dāśúṣaḥ sutám //


Verse: 8 
Halfverse: a    víśve devā́so aptúraḥ sutám ā́ ganta tū́rṇayaḥ /
   víśve devā́so aptúraḥ
   víśve devā́saḥ aptúraḥ
   víśve devā́so aptúraḥ

Halfverse: b    sutám ā́ ganta tū́rṇayaḥ /
   sutám ā́ ganta tū́rṇayaḥ /
   sutám ā́ ganta tū́rṇayaḥ /

Halfverse: c    usrā́ iva svásarāṇi //
   usrā́ iva svásarāṇi //
   usrā́ḥ iva svásarāṇi //
   usrā́ iva svásarāṇi //


Verse: 9 
Halfverse: a    víśve devā́so asrídʰa éhimāyāso adrúhaḥ /
   víśve devā́so asrídʰa
   víśve devā́saḥ asrídʰaḥ
   víśve devā́so asrídʰa

Halfverse: b    éhimāyāso adrúhaḥ /
   éhimāyāsaḥ adrúhaḥ /
   éhimāyāso adrúhaḥ /

Halfverse: c    médʰaṃ juṣanta váhnayaḥ //
   médʰaṃ juṣanta váhnayaḥ //
   médʰam juṣanta váhnayaḥ //
   médʰaṃ juṣanta váhnayaḥ //


Verse: 10 
Halfverse: a    pāvakā́ naḥ sárasvatī vā́jebʰir vājínīvatī /
   pāvakā́ naḥ sárasvatī
   pāvakā́ naḥ sárasvatī
   pavākā́ naḥ sárasvatī

Halfverse: b    vā́jebʰir vājínīvatī /
   vā́jebʰiḥ vājínīvatī /
   vā́jebʰir vājínīvatī /

Halfverse: c    yajñáṃ vaṣṭu dʰiyā́vasuḥ //
   yajñáṃ vaṣṭu dʰiyā́vasuḥ //
   yajñám vaṣṭu dʰiyā́vasuḥ //
   yajñáṃ vaṣṭu dʰiyā́vasuḥ //


Verse: 11 
Halfverse: a    codayitrī́ sūnŕ̥tānāṃ cétantī sumatīnā́m /
   codayitrī́ sūnŕ̥tānāṃ
   codayitrī́ sūnŕ̥tānām
   codayitrī́ sūnŕ̥tānāṃ

Halfverse: b    cétantī sumatīnā́m /
   cétantī sumatīnā́m /
   cétantī sumatīnâám /

Halfverse: c    yajñáṃ dadʰe sárasvatī //
   yajñáṃ dadʰe sárasvatī //
   yajñám dadʰe sárasvatī //
   yajñáṃ dadʰe sárasvatī //


Verse: 12 
Halfverse: a    mahó árṇaḥ sárasvatī prá cetayati ketúnā /
   mahó árṇaḥ sárasvatī
   maháḥ árṇaḥ sárasvatī
   mahó árṇaḥ sárasvatī

Halfverse: b    prá cetayati ketúnā /
   prá cetayati ketúnā /
   prá cetayati ketúnā /

Halfverse: c    dʰíyo víśvā ví rājati //
   dʰíyo víśvā ví rājati //
   dʰíyaḥ víśvāḥ ví rājati //
   dʰíyo víśvā ví rājati //


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.