TITUS
Rg-Veda: Rg-Veda-Samhita
Part No. 4
Previous part

Hymn: 4 
Verse: 1 
Halfverse: a    surūpakr̥tnúm ūtáye sudúgʰām iva godúhe /
   surūpakr̥tnúm ūtáye
   surūpakr̥tnúm ūtáye
   surūpakr̥tnúm ūtáye

Halfverse: b    sudúgʰām iva godúhe /
   sudúgʰām iva godúhe /
   sudúgʰām iva godúhe /

Halfverse: c    juhūmási dyávi-dyavi //
   juhūmási dyávi-dyavi //
   juhūmási dyávi-dyavi //
   juhūmási dyávi-dyavi //


Verse: 2 
Halfverse: a    úpa naḥ sávanā́ gahi sómasya somapāḥ piba /
   úpa naḥ sávanā́ gahi
   úpa naḥ sávanā ā́ gahi
   úpa naḥ sávanā́ gahi

Halfverse: b    sómasya somapāḥ piba /
   sómasya somapāḥ piba /
   sómasya somapāḥ piba /

Halfverse: c    godā́ íd reváto mádaḥ //
   godā́ íd reváto mádaḥ //
   godā́ḥ ít revátaḥ mádaḥ //
   godā́ íd reváto mádaḥ //


Verse: 3 
Halfverse: a    átʰā te ántamānāṃ vidyā́ma sumatīnā́m /
   átʰā te ántamānāṃ
   átʰa+ te ántamānām
   átʰā te ántamānãaṃ

Halfverse: b    vidyā́ma sumatīnā́m /
   vidyā́ma sumatīnā́m /
   vidyā́ma sumatīnâám /

Halfverse: c    mā́ no áti kʰya ā́ gahi //
   mā́ no áti kʰya ā́ gahi //
   mā́ naḥ áti kʰyaḥ ā́ gahi //
   mā́ no áti kʰya ā́ gahi //


Verse: 4 
Halfverse: a    párehi vígram ástr̥tam índram pr̥cʰā vipaścítam /
   párehi vígram ástr̥tam
   párā ihi vígram ástr̥tam
   párehi vígram ástr̥tam

Halfverse: b    índram pr̥cʰā vipaścítam /
   índram pr̥cʰa+ vipaścítam /
   índram pr̥cʰā vipaścítam /

Halfverse: c    yás te sákʰibʰya ā́ váram //
   yás te sákʰibʰya ā́ váram //
   yáḥ te sákʰibʰyaḥ ā́ váram //
   yás te sákʰibʰya ā́ váram //


Verse: 5 
Halfverse: a    utá bruvantu no nído nír anyátaś cid ārata /
   utá bruvantu no nído
   utá bruvantu naḥ nídaḥ
   utá bruvantu no nído

Halfverse: b    nír anyátaś cid ārata /
   níḥ anyátaḥ cit ārata /
   nír anyátaś cid ārata /

Halfverse: c    dádʰānā índra íd dúvaḥ //
   dádʰānā índra íd dúvaḥ //
   dádʰānāḥ índre ít dúvaḥ //
   dádʰānā índra íd dúvaḥ //


Verse: 6 
Halfverse: a    utá naḥ subʰágām̐ arír vocéyur dasma kr̥ṣṭáyaḥ /
   utá naḥ subʰágām̐ arír
   utá naḥ subʰágān aríḥ
   utá naḥ subʰágām̐ arír

Halfverse: b    vocéyur dasma kr̥ṣṭáyaḥ /
   vocéyuḥ dasma kr̥ṣṭáyaḥ /
   vocéyur dasma kr̥ṣṭáyaḥ /

Halfverse: c    syā́méd índrasya śármaṇi //
   syā́méd índrasya śármaṇi //
   syā́ma ít índrasya śármaṇi //
   syā́méd índrasya śármaṇi //


Verse: 7 
Halfverse: a    ém āśúm āśáve bʰara yajñaśríyaṃ nr̥mā́danam /
   ém āśúm āśáve bʰara
   ā́ īm āśúm āśáve bʰara
   ém āśúm āśáve bʰara

Halfverse: b    yajñaśríyaṃ nr̥mā́danam /
   yajñaśríyam nr̥mā́danam /
   yajñaśríyaṃ nr̥mā́danam /

Halfverse: c    patayán mandayátsakʰam //
   patayán mandayátsakʰam //
   patayát mandayátsakʰam //
   patayán mandayátsakʰam //


Verse: 8 
Halfverse: a    asyá pītvā́ śatakrato gʰanó vr̥trā́ṇām abʰavaḥ /
   asyá pītvā́ śatakrato
   asyá pītvā́ śatakrato
   asyá pītvā́ śatakrato

Halfverse: b    gʰanó vr̥trā́ṇām abʰavaḥ /
   gʰanáḥ vr̥trā́ṇām abʰavaḥ /
   gʰanó vr̥trā́ṇām abʰavaḥ /

Halfverse: c    prā́vo vā́jeṣu vājínam //
   prā́vo vā́jeṣu vājínam //
   prá āvaḥ vā́jeṣu vājínam //
   prā́vo vā́jeṣu vājínam //


Verse: 9 
Halfverse: a    táṃ tvā vā́jeṣu vājínaṃ vājáyāmaḥ śatakrato /
   táṃ tvā vā́jeṣu vājínaṃ
   tám tvā vā́jeṣu vājínam
   táṃ tvā vā́jeṣu vājínaṃ

Halfverse: b    vājáyāmaḥ śatakrato /
   vājáyāmaḥ śatakrato /
   vājáyāmaḥ śatakrato /

Halfverse: c    dʰánānām indra sātáye //
   dʰánānām indra sātáye //
   dʰánānām indra sātáye //
   dʰánānām indra sātáye //


Verse: 10 
Halfverse: a    yó rāyò 'vánir mahā́n supāráḥ sunvatáḥ sákʰā /
   yó rāyò 'vánir mahā́n
   yáḥ rāyáḥ avániḥ mahā́n
   yó rāyó avánir mahā́n

Halfverse: b    supāráḥ sunvatáḥ sákʰā /
   supāráḥ sunvatáḥ sákʰā /
   supāráḥ sunvatáḥ sákʰā /

Halfverse: c    tásmā índrāya gāyata //
   tásmā índrāya gāyata //
   tásmai índrāya gāyata //
   tásmā índrāya gāyata //


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.