TITUS
Rg-Veda: Rg-Veda-Samhita
Part No. 7
Previous part

Hymn: 7 
Verse: 1 
Halfverse: a    índram íd gātʰíno br̥hád índram arkébʰir arkíṇaḥ /
   índram íd gātʰíno br̥hád
   índram ít gātʰínaḥ br̥hát
   índram íd gātʰíno br̥hád

Halfverse: b    índram arkébʰir arkíṇaḥ /
   índram arkébʰiḥ arkíṇaḥ /
   índram arkébʰir arkíṇaḥ /

Halfverse: c    índraṃ vā́ṇīr anūṣata //
   índraṃ vā́ṇīr anūṣata //
   índram vā́ṇīḥ anūṣata //
   índraṃ vā́ṇīr anūṣata //


Verse: 2 
Halfverse: a    índra íd dʰáryoḥ sácā sámmiśla ā́ vacoyújā /
   índra íd dʰáryoḥ sácā
   índraḥ ít háryoḥ sácā
   índra íd dʰáriyoḥ sácā

Halfverse: b    sámmiśla ā́ vacoyújā /
   sámmiślaḥ ā́ vacoyújā /
   sámmiśla ā́ vacoyújā /

Halfverse: c    índro vajrī́ hiraṇyáyaḥ //
   índro vajrī́ hiraṇyáyaḥ //
   índraḥ vajrī́ hiraṇyáyaḥ //
   índro vajrī́ hiraṇyáyaḥ //


Verse: 3 
Halfverse: a    índro dīrgʰā́ya cákṣasa ā́ sū́ryaṃ rohayad diví /
   índro dīrgʰā́ya cákṣasa
   índraḥ dīrgʰā́ya cákṣase
   índro dīrgʰā́ya cákṣasa

Halfverse: b    ā́ sū́ryaṃ rohayad diví /
   ā́ sū́ryam rohayat diví /
   ā́ sū́ryaṃ rohayad diví /

Halfverse: c    ví góbʰir ádrim airayat //
   ví góbʰir ádrim airayat //
   ví góbʰiḥ ádrim airayat //
   ví góbʰir ádrim airayat //


Verse: 4 
Halfverse: a    índra vā́jeṣu no 'va sahásrapradʰaneṣu ca /
   índra vā́jeṣu no 'va
   índra vā́jeṣu naḥ ava
   índra vā́jeṣu no ava

Halfverse: b    sahásrapradʰaneṣu ca /
   sahásrapradʰaneṣu ca /
   sahásrapradʰaneṣu ca /

Halfverse: c    ugrá ugrā́bʰir ūtíbʰiḥ //
   ugrá ugrā́bʰir ūtíbʰiḥ //
   ugráḥ ugrā́bʰiḥ ūtíbʰiḥ //
   ugrá ugrā́bʰir ūtíbʰiḥ //


Verse: 5 
Halfverse: a    índraṃ vayám mahādʰaná índram árbʰe havāmahe /
   índraṃ vayám mahādʰaná
   índram vayám mahādʰané
   índraṃ vayám mahādʰaná

Halfverse: b    índram árbʰe havāmahe /
   índram árbʰe havāmahe /
   índram árbʰe havāmahe /

Halfverse: c    yújaṃ vr̥tréṣu vajríṇam //
   yújaṃ vr̥tréṣu vajríṇam //
   yújam vr̥tréṣu vajríṇam //
   yújaṃ vr̥tréṣu vajríṇam //


Verse: 6 
Halfverse: a    sá no vr̥ṣann amúṃ carúṃ sátrādāvann ápā vr̥dʰi /
   sá no vr̥ṣann amúṃ carúṃ
   sá naḥ vr̥ṣan amúm carúm
   sá no vr̥ṣann amúṃ carúṃ

Halfverse: b    sátrādāvann ápā vr̥dʰi /
   sátrādāvan ápa+ vr̥dʰi /
   sátrādāvann ápā vr̥dʰi /

Halfverse: c    asmábʰyam ápratiṣkutaḥ //
   asmábʰyam ápratiṣkutaḥ //
   asmábʰyam ápratiṣkutaḥ //
   asmábʰyam ápratiṣkutaḥ //


Verse: 7 
Halfverse: a    tuñjé-tuñje yá úttare stómā índrasya vajríṇaḥ /
   tuñjé-tuñje yá úttare
   tuñjé-tuñje yé úttare
   tuñjé-tuñje yá úttare

Halfverse: b    stómā índrasya vajríṇaḥ /
   stómāḥ índrasya vajríṇaḥ /
   stómā índrasya vajríṇaḥ /

Halfverse: c    ná vindʰe asya suṣṭutím //
   ná vindʰe asya suṣṭutím //
   ná vindʰe asya suṣṭutím //
   ná vindʰe asya suṣṭutím //


Verse: 8 
Halfverse: a    vŕ̥ṣā yūtʰéva váṃsagaḥ kr̥ṣṭī́r iyarty ójasā /
   vŕ̥ṣā yūtʰéva váṃsagaḥ
   vŕ̥ṣā yūtʰā́ iva váṃsagaḥ
   vŕ̥ṣā yūtʰéva váṃsagaḥ

Halfverse: b    kr̥ṣṭī́r iyarty ójasā /
   kr̥ṣṭī́ḥ iyarti ójasā /
   kr̥ṣṭī́r iyarti ójasā /

Halfverse: c    ī́śāno ápratiṣkutaḥ //
   ī́śāno ápratiṣkutaḥ //
   ī́śānaḥ ápratiṣkutaḥ //
   ī́śāno ápratiṣkutaḥ //


Verse: 9 
Halfverse: a    yá ékaś carṣaṇīnā́ṃ vásūnām irajyáti /
   yá ékaś carṣaṇīnā́ṃ
   yáḥ ékaḥ carṣaṇīnā́m
   yá ékaś carṣaṇīnâáṃ

Halfverse: b    vásūnām irajyáti /
   vásūnām irajyáti /
   vásūnãam irajyáti /

Halfverse: c    índraḥ páñca kṣitīnā́m //
   índraḥ páñca kṣitīnā́m //
   índraḥ páñca kṣitīnā́m //
   índraḥ páñca kṣitīnâám //


Verse: 10 
Halfverse: a    índraṃ vo viśvátas pári hávāmahe jánebʰyaḥ /
   índraṃ vo viśvátas pári
   índram vaḥ viśvátaḥ pári
   índraṃ vo viśvátas pári

Halfverse: b    hávāmahe jánebʰyaḥ /
   hávāmahe jánebʰyaḥ /
   hávāmahe jánebʰiyaḥ /

Halfverse: c    asmā́kam astu kévalaḥ //
   asmā́kam astu kévalaḥ //
   asmā́kam astu kévalaḥ //
   asmā́kam astu kévalaḥ //


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.