TITUS
Rg-Veda: Rg-Veda-Samhita
Part No. 8
Previous part

Hymn: 8 
Verse: 1 
Halfverse: a    éndra sānasíṃ rayíṃ sajítvānaṃ sadāsáham /
   éndra sānasíṃ rayíṃ
   ā́ indra sānasím rayím
   ā́ indra sānasíṃ rayíṃ

Halfverse: b    sajítvānaṃ sadāsáham /
   sajítvānam sadāsáham /
   sajítvānaṃ sadāsáham /

Halfverse: c    várṣiṣṭʰam ūtáye bʰara //
   várṣiṣṭʰam ūtáye bʰara //
   várṣiṣṭʰam ūtáye bʰara //
   várṣiṣṭʰam ūtáye bʰara //


Verse: 2 
Halfverse: a    ní yéna muṣṭihatyáyā ní vr̥trā́ ruṇádʰāmahai /
   ní yéna muṣṭihatyáyā
   ní yéna muṣṭihatyáyā
   ní yéna muṣṭihatyáyā

Halfverse: b    ní vr̥trā́ ruṇádʰāmahai /
   ní vr̥trā́ ruṇádʰāmahai /
   ní vr̥trā́ ruṇádʰāmahai /

Halfverse: c    tvótāso ny árvatā //
   tvótāso ny árvatā //
   tvótāsaḥ ní árvatā //
   tuvótāso ní árvatā //


Verse: 3 
Halfverse: a    índra tvótāsa ā́ vayáṃ vájraṃ gʰanā́ dadīmahi /
   índra tvótāsa ā́ vayáṃ
   índra tvótāsaḥ ā́ vayám
   índra tvótāsa ā́ vayáṃ

Halfverse: b    vájraṃ gʰanā́ dadīmahi /
   vájram gʰanā́ḥ ! dadīmahi /
   vájraṃ gʰanā́ dadīmahi /

Halfverse: c    jáyema sáṃ yudʰí spŕ̥dʰaḥ //
   jáyema sáṃ yudʰí spŕ̥dʰaḥ //
   jáyema sám yudʰí spŕ̥dʰaḥ //
   jáyema sáṃ yudʰí spŕ̥dʰaḥ //


Verse: 4 
Halfverse: a    vayáṃ śū́rebʰir ástr̥bʰir índra tváyā yujā́ vayám /
   vayáṃ śū́rebʰir ástr̥bʰir
   vayám śū́rebʰiḥ ástr̥bʰiḥ
   vayáṃ śū́rebʰir ástr̥bʰir

Halfverse: b    índra tváyā yujā́ vayám /
   índra tváyā yujā́ vayám /
   índra tváyā yujā́ vayám /

Halfverse: c    sāsahyā́ma pr̥tanyatáḥ //
   sāsahyā́ma pr̥tanyatáḥ //
   sāsahyā́ma pr̥tanyatáḥ //
   sāsahyā́ma pr̥tanyatáḥ //


Verse: 5 
Halfverse: a    mahā́m̐ índraḥ paráś ca nú mahitvám astu vajríṇe /
   mahā́m̐ índraḥ paráś ca nú
   mahā́n índraḥ paráḥ ca nú
   mahā́m̐ índraḥ paráś ca nú

Halfverse: b    mahitvám astu vajríṇe /
   mahitvám astu vajríṇe /
   mahitvám astu vajríṇe /

Halfverse: c    dyaúr ná pratʰinā́ śávaḥ //
   dyaúr ná pratʰinā́ śávaḥ //
   dyaúḥ ná pratʰinā́ śávaḥ //
   diyaúr ná pratʰinā́ śávaḥ //


Verse: 6 
Halfverse: a    samohé vā yá ā́śata náras tokásya sánitau /
   samohé vā yá ā́śata
   samohé vā yé ā́śata
   samohé vā yá ā́śata

Halfverse: b    náras tokásya sánitau /
   náraḥ tokásya sánitau /
   náras tokásya sánitau /

Halfverse: c    víprāso vā dʰiyāyávaḥ //
   víprāso vā dʰiyāyávaḥ //
   víprāsaḥ vā dʰiyāyávaḥ //
   víprāso vā dʰiyāyávaḥ //


Verse: 7 
Halfverse: a    yáḥ kukṣíḥ somapā́tamaḥ samudrá iva pínvate /
   yáḥ kukṣíḥ somapā́tamaḥ
   yáḥ kukṣíḥ somapā́tamaḥ
   yáḥ kukṣíḥ somapā́tamaḥ

Halfverse: b    samudrá iva pínvate /
   samudráḥ iva pínvate /
   samudrá iva pínvate /

Halfverse: c    urvī́r ā́po ná kākúdaḥ //
   urvī́r ā́po ná kākúdaḥ //
   urvī́ḥ ā́paḥ ná kākúdaḥ //
   urvī́r ā́po ná kākúdaḥ //


Verse: 8 
Halfverse: a    evā́ hy àsya sūnŕ̥tā virapśī́ gómatī mahī́ /
   evā́ hy àsya sūnŕ̥tā
   evá+ hí asya sūnŕ̥tā
   evā́ hí asya sūnŕ̥tā

Halfverse: b    virapśī́ gómatī mahī́ /
   virapśī́ gómatī mahī́ /
   virapśī́ gómatī mahī́ /

Halfverse: c    pakvā́ śā́kʰā ná dāśúṣe //
   pakvā́ śā́kʰā ná dāśúṣe //
   pakvā́ śā́kʰā ná dāśúṣe //
   pakvā́ śā́kʰā ná dāśúṣe //


Verse: 9 
Halfverse: a    evā́ hí te víbʰūtaya ūtáya indra mā́vate /
   evā́ hí te víbʰūtaya
   evá+ hí te víbʰūtayaḥ
   evā́ hí te víbʰūtaya

Halfverse: b    ūtáya indra mā́vate /
   ūtáyaḥ indra mā́vate /
   ūtáya indra mā́vate /

Halfverse: c    sadyáś cit sánti dāśúṣe //
   sadyáś cit sánti dāśúṣe //
   sadyáḥ cit sánti dāśúṣe //
   sadyáś cit sánti dāśúṣe //


Verse: 10 
Halfverse: a    evā́ hy àsya kā́myā stóma uktʰáṃ ca śáṃsyā /
   evā́ hy àsya kā́myā
   evá+ hí asya kā́myā
   evā́ hí asya kā́miyā

Halfverse: b    stóma uktʰáṃ ca śáṃsyā /
   stómaḥ uktʰám ca śáṃsyā /
   stóma uktʰáṃ ca śáṃsiyā /

Halfverse: c    índrāya sómapītaye //
   índrāya sómapītaye //
   índrāya sómapītaye //
   índrāya sómapītaye //


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.