TITUS
Rg-Veda: Rg-Veda-Samhita
Part No. 9
Previous part

Hymn: 9 
Verse: 1 
Halfverse: a    índréhi mátsy ándʰaso víśvebʰiḥ somapárvabʰiḥ /
   
índréhi mátsy ándʰaso
   
índra ā́ ihi mátsi ándʰasaḥ
   
índréhi mátsi ándʰaso

Halfverse: b    
víśvebʰiḥ somapárvabʰiḥ /
   
víśvebʰiḥ somapárvabʰiḥ /
   
víśvebʰiḥ somapárvabʰiḥ /

Halfverse: c    
mahā́m̐ abʰiṣṭír ójasā //
   
mahā́m̐ abʰiṣṭír ójasā //
   
mahā́n abʰiṣṭíḥ ójasā //
   
mahā́m̐ abʰiṣṭír ójasā //


Verse: 2 
Halfverse: a    
ém enaṃ sr̥jatā suté mandím índrāya mandíne /
   
ém enaṃ sr̥jatā suté
   
ā́ īm enam sr̥jata+ suté
   
ém enaṃ sr̥jatā suté

Halfverse: b    
mandím índrāya mandíne /
   
mandím índrāya mandíne /
   
mandím índrāya mandíne /

Halfverse: c    
cákriṃ víśvāni cákraye //
   
cákriṃ víśvāni cákraye //
   
cákrim víśvāni cákraye //
   
cákriṃ víśvāni cákraye //


Verse: 3 
Halfverse: a    
mátsvā suśipra mandíbʰi stómebʰir viśvacarṣaṇe /
   
mátsvā suśipra mandíbʰi
   
mátsva+ suśipra mandíbʰiḥ
   
mátsvā suśipra mandíbʰi

Halfverse: b    
stómebʰir viśvacarṣaṇe /
   
stómebʰiḥ viśvacarṣaṇe /
   
stómebʰir viśvacarṣaṇe /

Halfverse: c    
sácaiṣú sávaneṣv ā́ //
   
sácaiṣú sávaneṣv ā́ //
   
sácā eṣú sávaneṣu ā́ //
   
sácaiṣú sávaneṣu ā́ //


Verse: 4 
Halfverse: a    
ásr̥gram indra te gíraḥ práti tvā́m úd ahāsata /
   
ásr̥gram indra te gíraḥ
   
ásr̥gram indra te gíraḥ
   
ásr̥gram indra te gíraḥ

Halfverse: b    
práti tvā́m úd ahāsata /
   
práti tvā́m út ahāsata /
   
práti tvā́m úd ahāsata /

Halfverse: c    
ájoṣā vr̥ṣabʰám pátim //
   
ájoṣā vr̥ṣabʰám pátim //
   
ájoṣāḥ vr̥ṣabʰám pátim //
   
ájoṣā vr̥ṣabʰám pátim //


Verse: 5 
Halfverse: a    
sáṃ codaya citrám arvā́g rā́dʰa indra váreṇyam /
   
sáṃ codaya citrám arvā́g
   
sám codaya citrám arvā́k
   
sáṃ codaya citrám arvā́g

Halfverse: b    
rā́dʰa indra váreṇyam /
   
rā́dʰaḥ indra váreṇyam /
   
rā́dʰa indra váreṇiyam /

Halfverse: c    
ásad ít te vibʰú prabʰú //
   
ásad ít te vibʰú prabʰú //
   
ásat ít te vibʰú prabʰú //
   
ásad ít te vibʰú prabʰú //


Verse: 6 
Halfverse: a    
asmā́n tátra codayéndra rāyé rábʰasvataḥ /
   
asmā́n tátra codaya_
   
asmā́n tátra codaya
   
asmā́n tátra codaya

Halfverse: b    
_índra rāyé rábʰasvataḥ /
   
índra rāyé rábʰasvataḥ /
   
índra rāyé rábʰasvataḥ /

Halfverse: c    
túvidyumna yáśasvataḥ //
   
túvidyumna yáśasvataḥ //
   
túvidyumna yáśasvataḥ //
   
túvidyumna yáśasvataḥ //


Verse: 7 
Halfverse: a    
sáṃ gómad indra vā́javad asmé pr̥tʰú śrávo br̥hát /
   
sáṃ gómad indra vā́javad
   
sám gómat indra vā́javat
   
sáṃ gómad indra vā́javad

Halfverse: b    
asmé pr̥tʰú śrávo br̥hát /
   
asmé pr̥tʰú śrávaḥ br̥hát /
   
asmé pr̥tʰú śrávo br̥hát /

Halfverse: c    
viśvā́yur dʰehy ákṣitam //
   
viśvā́yur dʰehy ákṣitam //
   
viśvā́yuḥ dʰehi ákṣitam //
   
viśvā́yur dʰehi ákṣitam //


Verse: 8 
Halfverse: a    
asmé dʰehi śrávo br̥hád dyumnáṃ sahasrasā́tamam /
   
asmé dʰehi śrávo br̥hád
   
asmé dʰehi śrávaḥ br̥hát
   
asmé dʰehi śrávo br̥hád

Halfverse: b    
dyumnáṃ sahasrasā́tamam /
   
dyumnám sahasrasā́tamam /
   
dyumnáṃ sahasrasā́tamam /

Halfverse: c    
índra tā́ ratʰínīr íṣaḥ //
   
índra tā́ ratʰínīr íṣaḥ //
   
índra tā́ḥ ratʰínīḥ íṣaḥ //
   
índra tā́ ratʰínīr íṣaḥ //


Verse: 9 
Halfverse: a    
vásor índraṃ vásupatiṃ gīrbʰír gr̥ṇánta r̥gmíyam /
   
vásor índraṃ vásupatiṃ
   
vásoḥ índram vásupatim
   
vásor índraṃ vásupatiṃ

Halfverse: b    
gīrbʰír gr̥ṇánta r̥gmíyam /
   
gīrbʰíḥ gr̥ṇántaḥ r̥gmíyam /
   
gīrbʰír gr̥ṇánta r̥gmíyam /

Halfverse: c    
hóma gántāram ūtáye //
   
hóma gántāram ūtáye //
   
hóma gántāram ūtáye //
   
hóma gántāram ūtáye //


Verse: 10 
Halfverse: a    
suté-sute nyòkase br̥hád br̥hatá éd aríḥ /
   
suté-sute nyòkase
   
suté-sute nyòkase
   
suté-sute níokase

Halfverse: b    
br̥hád br̥hatá éd aríḥ /
   
br̥hát br̥haté ā́ ít aríḥ /
   
br̥hád br̥hatá éd aríḥ /

Halfverse: c    
índrāya śūṣám arcati //
   
índrāya śūṣám arcati //
   
índrāya śūṣám arcati //
   
índrāya śūṣám arcati //


Next part



This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.