TITUS
Rg-Veda: Rg-Veda-Samhita
Part No. 855
Previous part

Hymn: 18_(844) 
Verse: 1 
Halfverse: a    páram mr̥tyo ánu párehi pántʰāṃ yás te svá ítaro devayā́nāt /
   páram mr̥tyo ánu párehi pántʰāṃ
   páram mr̥tyo ánu párā ihi pántʰām
   páram mr̥tyo ánu párehi pántʰāṃ

Halfverse: b    yás te svá ítaro devayā́nāt /
   yáḥ te sváḥ ítaraḥ devayā́nāt /
   yás te suvá ítaro devayā́nāt /

Halfverse: c    cákṣuṣmate śr̥ṇvaté te bravīmi mā́ naḥ prajā́ṃ rīriṣo mótá vīrā́n //
   cákṣuṣmate śr̥ṇvaté te bravīmi
   cákṣuṣmate śr̥ṇvaté te bravīmi
   cákṣuṣmate śr̥ṇvaté te bravīmi

Halfverse: d    mā́ naḥ prajā́ṃ rīriṣo mótá vīrā́n //
   mā́ naḥ prajā́m rīriṣaḥ mā́ utá vīrā́n //
   mā́ naḥ prajā́ṃ rīriṣo mótá vīrā́n //


Verse: 2 
Halfverse: a    mr̥tyóḥ padáṃ yopáyanto yád aíta drā́gʰīya ā́yuḥ prataráṃ dádʰānāḥ /
   mr̥tyóḥ padáṃ yopáyanto yád aíta
   mr̥tyóḥ padám yopáyantaḥ yát aíta
   mr̥tyóḥ padáṃ yopáyanto yád aíta

Halfverse: b    drā́gʰīya ā́yuḥ prataráṃ dádʰānāḥ /
   drā́gʰīyaḥ ā́yuḥ pratarám dádʰānāḥ /
   drā́gʰīya ā́yuḥ prataráṃ dádʰānāḥ /

Halfverse: c    āpyā́yamānāḥ prajáyā dʰánena śuddʰā́ḥ pūtā́ bʰavata yajñiyāsaḥ //
   āpyā́yamānāḥ prajáyā dʰánena
   āpyā́yamānāḥ prajáyā dʰánena
   āpyā́yamānāḥ prajáyā dʰánena

Halfverse: d    śuddʰā́ḥ pūtā́ bʰavata yajñiyāsaḥ //
   śuddʰā́ḥ pūtā́ḥ bʰavata yajñiyāsaḥ //
   śuddʰā́ḥ pūtā́ bʰavata yajñiyāsaḥ //


Verse: 3 
Halfverse: a    imé jīvā́ ví mr̥taír ā́vavr̥trann ábʰūd bʰadrā́ deváhūtir no adyá /
   imé jīvā́ ví mr̥taír ā́vavr̥trann
   imé jīvā́ḥ ví mr̥taíḥ ā́ avavr̥tran
   imé jīvā́ ví mr̥taír ā́vavr̥trann

Halfverse: b    ábʰūd bʰadrā́ deváhūtir no adyá /
   ábʰūt bʰadrā́ deváhūtiḥ naḥ adyá /
   ábʰūd bʰadrā́ deváhūtir no adyá /

Halfverse: c    prā́ñco agāma nr̥táye hásāya drā́gʰīya ā́yuḥ prataráṃ dádʰānāḥ //
   prā́ñco agāma nr̥táye hásāya
   prā́ñcaḥ agāma nr̥táye hásāya
   prā́ñco agāma nr̥táye hásāya

Halfverse: d    drā́gʰīya ā́yuḥ prataráṃ dádʰānāḥ //
   drā́gʰīyaḥ ā́yuḥ pratarám dádʰānāḥ //
   drā́gʰīya ā́yuḥ prataráṃ dádʰānāḥ //


Verse: 4 
Halfverse: a    imáṃ jīvébʰyaḥ paridʰíṃ dadʰāmi maíṣāṃ nú gād áparo ártʰam etám /
   imáṃ jīvébʰyaḥ paridʰíṃ dadʰāmi
   imám jīvébʰyaḥ paridʰím dadʰāmi
   imáṃ jīvébʰyaḥ paridʰíṃ dadʰāmi

Halfverse: b    maíṣāṃ nú gād áparo ártʰam etám /
   mā́ eṣām nú gāt áparaḥ ártʰam etám /
   maíṣāṃ nú gād áparo ártʰam etám /

Halfverse: c    śatáṃ jīvantu śarádaḥ purūcī́r antár mr̥tyúṃ dadʰatām párvatena //
   śatáṃ jīvantu śarádaḥ purūcī́r
   śatám jīvantu śarádaḥ purūcī́ḥ
   śatáṃ jīvantu śarádaḥ purūcī́r

Halfverse: d    antár mr̥tyúṃ dadʰatām párvatena //
   antár mr̥tyúm dadʰatām párvatena //
   antár mr̥tyúṃ dadʰatām párvatena //


Verse: 5 
Halfverse: a    yátʰā́hāny anupūrvám bʰávanti yátʰa r̥táva r̥túbʰir yánti sādʰú /
   yátʰā́hāny anupūrvám bʰávanti
   yátʰā áhāni anupūrvám bʰávanti
   yátʰā́hāni anupūrvám bʰávanti

Halfverse: b    yátʰa r̥táva r̥túbʰir yánti sādʰú /
   yátʰā r̥távaḥ r̥túbʰiḥ yánti sādʰú /
   yátʰa rtáva r̥túbʰir yánti sādʰú /

Halfverse: c    yátʰā ná pū́rvam áparo jáhāty evā́ dʰātar ā́yūṃṣi kalpayaiṣām //
   yátʰā ná pū́rvam áparo jáhāty
   yátʰā ná pū́rvam áparaḥ jáhāti
   yátʰā ná pū́rvam áparo jáhāti

Halfverse: d    evā́ dʰātar ā́yūṃṣi kalpayaiṣām //
   evá+ dʰātar ā́yūṃṣi kalpaya eṣām //
   evā́ dʰātar ā́yūṃṣi kalpayaiṣām //


Verse: 6 
Halfverse: a    ā́ rohatā́yur jarásaṃ vr̥ṇānā́ anupūrváṃ yátamānā yáti ṣṭʰá /
   ā́ rohatā́yur jarásaṃ vr̥ṇānā́
   ā́ rohata ā́yuḥ jarásam vr̥ṇānā́ḥ
   ā́ rohatā́yur jarásaṃ vr̥ṇānā́

Halfverse: b    anupūrváṃ yátamānā yáti ṣṭʰá /
   anupūrvám yátamānāḥ yáti stʰá /
   anupūrváṃ yátamānā yáti ṣṭʰá /

Halfverse: c    ihá tváṣṭā sujánimā sajóṣā dīrgʰám ā́yuḥ karati jīváse vaḥ //
   ihá tváṣṭā sujánimā sajóṣā
   ihá tváṣṭā sujánimā sajóṣāḥ
   ihá tváṣṭā sujánimā sajóṣā

Halfverse: d    dīrgʰám ā́yuḥ karati jīváse vaḥ //
   dīrgʰám ā́yuḥ karati jīváse vaḥ //
   dīrgʰám ā́yuḥ karati jīváse vaḥ //


Verse: 7 
Halfverse: a    imā́ nā́rīr avidʰavā́ḥ supátnīr ā́ñjanena sarpíṣā sáṃ viśantu /
   imā́ nā́rīr avidʰavā́ḥ supátnīr
   imā́ḥ nā́rīḥ avidʰavā́ḥ supátnīḥ
   imā́ nā́rīr avidʰavā́ḥ supátnīr

Halfverse: b    ā́ñjanena sarpíṣā sáṃ viśantu /
   ā́ñjanena sarpíṣā sám viśantu /
   ā́ñjanena sarpíṣā sáṃ viśantu /

Halfverse: c    anaśrávo 'namīvā́ḥ surátnā ā́ rohantu jánayo yónim ágre //
   anaśrávo 'namīvā́ḥ surátnā
   anaśrávaḥ anamīvā́ḥ surátnāḥ
   anaśrávo anamīvā́ḥ surátnā

Halfverse: d    ā́ rohantu jánayo yónim ágre //
   ā́ rohantu jánayaḥ yónim ágre //
   ā́ rohantu jánayo yónim ágre //


Verse: 8 
Halfverse: a    úd īrṣva nāry abʰí jīvalokáṃ gatā́sum etám úpa śeṣa éhi /
   úd īrṣva nāry abʰí jīvalokáṃ
   út īrṣva nāri abʰí jīvalokám
   úd īrṣva nāri abʰí jīvalokáṃ

Halfverse: b    gatā́sum etám úpa śeṣa éhi /
   gatā́sum etám úpa śeṣe ā́ ihi /
   gatā́sum etám úpa śeṣa éhi /

Halfverse: c    hastagrābʰásya didʰiṣós távedám pátyur janitvám abʰí sám babʰūtʰa //
   hastagrābʰásya didʰiṣós távedám
   hastagrābʰásya didʰiṣóḥ táva idám
   hastagrābʰásya didʰiṣós távedám

Halfverse: d    pátyur janitvám abʰí sám babʰūtʰa //
   pátyuḥ janitvám abʰí sám babʰūtʰa //
   pátyur janitvám abʰí sám babʰūtʰa //


Verse: 9 
Halfverse: a    dʰánur hástād ādádāno mr̥tásyāsmé kṣatrā́ya várcase bálāya /
   dʰánur hástād ādádāno mr̥tásya_
   dʰánuḥ hástāt ādádānaḥ mr̥tásya
   dʰánur hástād ādádāno mr̥tásya

Halfverse: b    _asmé kṣatrā́ya várcase bálāya /
   asmé kṣatrā́ya várcase bálāya /
   asmé kṣatrā́ya várcase bálāya /

Halfverse: c    átraivá tvám ihá vayáṃ suvī́rā víśvā spŕ̥dʰo abʰímātīr jayema //
   átraivá tvám ihá vayáṃ suvī́rā
   átra evá tvám ihá vayám suvī́rāḥ
   átraivá tvám ihá vayáṃ suvī́rā

Halfverse: d    víśvā spŕ̥dʰo abʰímātīr jayema //
   víśvāḥ spŕ̥dʰaḥ abʰímātīḥ jayema //
   víśvā spŕ̥dʰo abʰímātīr jayema //


Verse: 10 
Halfverse: a    úpa sarpa mātáram bʰū́mim etā́m uruvyácasam pr̥tʰivī́ṃ suśévām /
   úpa sarpa mātáram bʰū́mim etā́m
   úpa sarpa mātáram bʰū́mim etā́m
   úpa sarpa mātáram bʰū́mim etā́m

Halfverse: b    uruvyácasam pr̥tʰivī́ṃ suśévām /
   uruvyácasam pr̥tʰivī́m suśévām /
   uruvyácasam pr̥tʰivī́ṃ suśévām /

Halfverse: c    ū́rṇamradā yuvatír dákṣiṇāvata eṣā́ tvā pātu nírr̥ter upástʰāt //
   ū́rṇamradā yuvatír dákṣiṇāvata
   ū́rṇamradāḥ yuvatíḥ dákṣiṇāvate
   ū́rṇamradā yuvatír dákṣiṇāvata

Halfverse: d    eṣā́ tvā pātu nírr̥ter upástʰāt //
   eṣā́ tvā pātu nírr̥teḥ upástʰāt //
   eṣā́ tvā pātu nírr̥ter upástʰāt //


Verse: 11 
Halfverse: a    úc cʰvañcasva pr̥tʰivi mā́ ní bādʰatʰāḥ sūpāyanā́smai bʰava sūpavañcanā́ /
   úc cʰvañcasva pr̥tʰivi mā́ ní bādʰatʰāḥ
   út śvañcasva pr̥tʰivi mā́ ní bādʰatʰāḥ
   úc cʰvañcasva pr̥tʰivi mā́ ní bādʰatʰāḥ

Halfverse: b    sūpāyanā́smai bʰava sūpavañcanā́ /
   sūpāyanā́ asmai bʰava sūpavañcanā́ /
   sūpāyanā́smai bʰava sūpavañcanā́ /

Halfverse: c    mātā́ putráṃ yátʰā sicā́bʰy ènam bʰūma ūrṇuhi //
   mātā́ putráṃ yátʰā sicā́_
   mātā́ putrám yátʰā sicā́
   mātā́ putráṃ yátʰā sicā́

Halfverse: d    _abʰy ènam bʰūma ūrṇuhi //
   abʰí enam bʰūme ūrṇuhi //
   abʰy ènam bʰūma ūrṇuhi //


Verse: 12 
Halfverse: a    uccʰváñcamānā pr̥tʰivī́ sú tiṣṭʰatu sahásram míta úpa hí śráyantām /
   uccʰváñcamānā pr̥tʰivī́ sú tiṣṭʰatu
   uccʰváñcamānā pr̥tʰivī́ sú tiṣṭʰatu
   uccʰváñcamānā pr̥tʰivī́ sú tiṣṭʰatu

Halfverse: b    sahásram míta úpa hí śráyantām /
   sahásram mítaḥ úpa hí śráyantām /
   sahásram míta úpa hí śráyantām /

Halfverse: c    té gr̥hā́so gʰr̥taścúto bʰavantu viśvā́hāsmai śaraṇā́ḥ santv átra //
   té gr̥hā́so gʰr̥taścúto bʰavantu
   té gr̥hā́saḥ gʰr̥taścútaḥ bʰavantu
   té gr̥hā́so gʰr̥taścúto bʰavantu

Halfverse: d    viśvā́hāsmai śaraṇā́ḥ santv átra //
   viśvā́hā asmai śaraṇā́ḥ santu átra //
   viśvā́hāsmai śaraṇā́ḥ santu átra //


Verse: 13 
Halfverse: a    út te stabʰnāmi pr̥tʰivī́ṃ tvát párīmáṃ logáṃ nidádʰan mó aháṃ riṣam /
   út te stabʰnāmi pr̥tʰivī́ṃ tvát pári_
   út te stabʰnāmi pr̥tʰivī́m tvát pári
   út te stabʰnāmi pr̥tʰivī́ṃ tuvát pári

Halfverse: b    _imáṃ logáṃ nidádʰan mó aháṃ riṣam /
   imám logám nidádʰat mā́ u ahám riṣam /
   imáṃ logáṃ nidádʰan mó aháṃ riṣam /

Halfverse: c    etā́ṃ stʰū́ṇām pitáro dʰārayantu té 'trā yamáḥ sā́danā te minotu //
   etā́ṃ stʰū́ṇām pitáro dʰārayantu té
   etā́m stʰū́ṇām pitáraḥ dʰārayantu te
   etā́ṃ stʰū́ṇām pitáro dʰārayantu te

Halfverse: d    'trā yamáḥ sā́danā te minotu //
   átra+ yamáḥ sā́danā te minotu //
   átrā yamáḥ sā́danā te minotu //


Verse: 14 
Halfverse: a    pratīcī́ne mā́m áhanī́ṣvāḥ parṇám ivā́ dadʰuḥ /
   pratīcī́ne mā́m áhani_
   pratīcī́ne mā́m áhani
   pratīcī́ne mā́m áhani

Halfverse: b    _íṣvāḥ parṇám ivā́ dadʰuḥ /
   íṣvāḥ parṇám iva ā́ dadʰuḥ /
   íṣvāḥ parṇám ivā́ dadʰuḥ /

Halfverse: c    pratī́cīṃ jagrabʰā vā́cam áśvaṃ raśanáyā yatʰā //
   pratī́cīṃ jagrabʰā vā́cam
   pratī́cīm jagrabʰa+ vā́cam
   pratī́cīṃ jagrabʰā vā́cam

Halfverse: d    áśvaṃ raśanáyā yatʰā //
   áśvam raśanáyā yatʰā //
   áśvaṃ raśanáyā yatʰā //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.