TITUS
Rg-Veda: Rg-Veda-Samhita
Part No. 859
Previous part

Hymn: 22_(848) 
Verse: 1 
Halfverse: a    kúha śrutá índraḥ kásminn adyá jáne mitró ná śrūyate /
   kúha śrutá índraḥ kásminn adyá
   kúha śrutáḥ índraḥ kásmin adyá
   kúha śrutá índaraḥ kásmin adyá

Halfverse: b    jáne mitró ná śrūyate /
   jáne mitráḥ ná śrūyate /
   jáne mitró ná śrūyate /

Halfverse: c    ŕ̥ṣīṇāṃ vā yáḥ kṣáye gúhā vā cárkr̥ṣe girā́ //
   ŕ̥ṣīṇāṃ vā yáḥ kṣáye
   ŕ̥ṣīṇām vā yáḥ kṣáye
   ŕ̥ṣīṇãaṃ vā yáḥ kṣáye

Halfverse: d    gúhā vā cárkr̥ṣe girā́ //
   gúhā vā cárkr̥ṣe girā́ //
   gúhā vā cárkr̥ṣe girā́ //


Verse: 2 
Halfverse: a    ihá śrutá índro asmé adyá stáve vajry ŕ̥cīṣamaḥ /
   ihá śrutá índro asmé adyá
   ihá śrutáḥ índraḥ asmé adyá
   ihá śrutá índaro asmé adyá

Halfverse: b    stáve vajry ŕ̥cīṣamaḥ /
   stáve vajrī́ ŕ̥cīṣamaḥ /
   stáve vajrī́ ŕ̥cīṣamaḥ /

Halfverse: c    mitró ná yó jáneṣv ā́ yáśaś cakré ásāmy ā́ //
   mitró ná yó jáneṣv ā́
   mitráḥ ná yáḥ jáneṣu ā́
   mitró ná yó jáneṣu ā́

Halfverse: d    yáśaś cakré ásāmy ā́ //
   yáśaḥ cakré ásāmi ā́ //
   yáśaś cakré ásāmi ā́ //


Verse: 3 
Halfverse: a    mahó yás pátiḥ śávaso ásāmy ā́ mahó nr̥mṇásya tūtujíḥ /
   mahó yás pátiḥ śávaso ásāmy ā́
   maháḥ yáḥ pátiḥ śávasaḥ ásāmi ā́
   mahó yás pátiḥ śávaso ásāmy ā́

Halfverse: b    mahó nr̥mṇásya tūtujíḥ /
   maháḥ nr̥mṇásya tūtujíḥ /
   mahó nr̥mṇásya tūtujíḥ /

Halfverse: c    bʰartā́ vájrasya dʰr̥ṣṇóḥ pitā́ putrám iva priyám //
   bʰartā́ vájrasya dʰr̥ṣṇóḥ
   bʰartā́ vájrasya dʰr̥ṣṇóḥ
   bʰartā́ vájrasya dʰr̥ṣṇóḥ

Halfverse: d    pitā́ putrám iva priyám //
   pitā́ putrám iva priyám //
   pitā́ putrám iva priyám //


Verse: 4 
Halfverse: a    yujānó áśvā vā́tasya dʰúnī devó devásya vajrivaḥ /
   yujānó áśvā vā́tasya dʰúnī
   yujānáḥ áśvā vā́tasya dʰúnī
   yujānó áśvā vâátasya dʰúnī

Halfverse: b    devó devásya vajrivaḥ /
   deváḥ devásya vajrivaḥ /
   devó devásya vajrivaḥ /

Halfverse: c    syántā patʰā́ virúkmatā sr̥jāná stoṣy ádʰvanaḥ //
   syántā patʰā́ virúkmatā
   syántā patʰā́ virúkmatā
   syántā patʰā́ virúkmatā

Halfverse: d    sr̥jāná stoṣy ádʰvanaḥ //
   sr̥jānáḥ stoṣi ádʰvanaḥ //
   sr̥jāná stoṣi ádʰvanaḥ //


Verse: 5 
Halfverse: a    tváṃ tyā́ cid vā́tasyā́śvā́gā r̥jrā́ tmánā váhadʰyai /
   tváṃ tyā́ cid vā́tasyā́śvā́gā
   tvám tyā́ cit vā́tasya áśvā ā́ agāḥ
   tuváṃ tyā́ cid vâátasyā́śuvā́gā

Halfverse: b    r̥jrā́ tmánā váhadʰyai /
   r̥jrā́ tmánā váhadʰyai /
   r̥jrā́ tmánā váhadʰyai /

Halfverse: c    yáyor devó ná mártyo yantā́ nákir vidā́yyaḥ //
   yáyor devó ná mártyo
   yáyoḥ deváḥ ná mártyaḥ
   yáyor devó ná mártiyo

Halfverse: d    yantā́ nákir vidā́yyaḥ //
   yantā́ nákiḥ vidā́yyaḥ //
   yantā́ nákir vidā́yiyaḥ //


Verse: 6 
Halfverse: a    ádʰa gmántośánā pr̥cʰate vāṃ kádartʰā na ā́ gr̥hám /
   ádʰa gmántośánā pr̥cʰate vāṃ
   ádʰa gmántā uśánā pr̥cʰate vām
   ádʰa gmántā uśánā pr̥cʰate vāṃ

Halfverse: b    kádartʰā na ā́ gr̥hám /
   kádartʰā naḥ ā́ gr̥hám /
   kádartʰā na ā́ gr̥hám /

Halfverse: c    ā́ jagmatʰuḥ parākā́d diváś ca gmáś ca mártyam //
   ā́ jagmatʰuḥ parākā́d
   ā́ jagmatʰuḥ parākā́t
   ā́ jagmatʰuḥ parākâád

Halfverse: d    diváś ca gmáś ca mártyam //
   diváḥ ca gmáḥ ca mártyam //
   diváś ca gmáś ca mártiyam //


Verse: 7 
Halfverse: a    ā́ na indra pr̥kṣase 'smā́kam bráhmódyatam /
   ā́ na indra pr̥kṣase
   ā́ naḥ indra pr̥kṣase
   ā́ na indara pr̥kṣase

Halfverse: b    'smā́kam bráhmódyatam /
   asmā́kam bráhma údyatam /
   asmā́kam bráhma údyatam /

Halfverse: c    tát tvā yācāmahé 'vaḥ śúṣṇaṃ yád dʰánn ámānuṣam //
   tát tvā yācāmahé 'vaḥ
   tát tvā yācāmahe ávaḥ
   tát tvā yācāmahe ávaḥ

Halfverse: d    śúṣṇaṃ yád dʰánn ámānuṣam //
   śúṣṇam yát hán ámānuṣam //
   śúṣṇaṃ yád dʰánn ámānuṣam //


Verse: 8 
Halfverse: a    akarmā́ dásyur abʰí no amantúr anyávrato ámānuṣaḥ /
   akarmā́ dásyur abʰí no amantúr
   akarmā́ dásyuḥ abʰí naḥ amantúḥ
   akarmā́ dásyur abʰí no amantúr

Halfverse: b    anyávrato ámānuṣaḥ /
   anyávrataḥ ámānuṣaḥ /
   anyávrato ámānuṣaḥ /

Halfverse: c    tváṃ tásyāmitrahan vádʰar dāsásya dambʰaya //
   tváṃ tásyāmitrahan
   tvám tásya amitrahan
   tuváṃ tásya amitrahan

Halfverse: d    vádʰar dāsásya dambʰaya //
   vádʰar dāsásya dambʰaya //
   vádʰar dāsásya dambʰaya //


Verse: 9 
Halfverse: a    tváṃ na indra śūra śū́rair utá tvótāso barháṇā /
   tváṃ na indra śūra śū́rair
   tvám naḥ indra śūra śū́raiḥ
   tuváṃ na ? indara śūra śū́rair

Halfverse: b    utá tvótāso barháṇā /
   utá tvótāsaḥ barháṇā /
   utá tvótāso barháṇā /

Halfverse: c    purutrā́ te ví pūrtáyo návanta kṣoṇáyo yatʰā //
   purutrā́ te ví pūrtáyo
   purutrā́ te ví pūrtáyaḥ
   purutrā́ te ví pūrtáyo

Halfverse: d    návanta kṣoṇáyo yatʰā //
   návanta kṣoṇáyaḥ yatʰā //
   návanta kṣoṇáyo yatʰā //


Verse: 10 
Halfverse: a    tváṃ tā́n vr̥trahátye codayo nŕ̥̄n kārpāṇé śūra vajrivaḥ /
   tváṃ tā́n vr̥trahátye codayo nŕ̥̄n
   tvám tā́n vr̥trahátye codayaḥ nŕ̥̄n
   tuváṃ tā́n vr̥trahátye codayo nŕ̥̄n

Halfverse: b    kārpāṇé śūra vajrivaḥ /
   kārpāṇé śūra vajrivaḥ /
   kārpāṇé śūra vajrivaḥ /

Halfverse: c    gúhā yádī kavīnā́ṃ viśā́ṃ nákṣatraśavasām //
   gúhā yádī kavīnā́ṃ
   gúhā yádi+ kavīnā́m
   gúhā yádī kavīnâáṃ

Halfverse: d    viśā́ṃ nákṣatraśavasām //
   viśā́m nákṣatraśavasām //
   viśā́ṃ nákṣatraśavasām //


Verse: 11 
Halfverse: a    makṣū́ tā́ ta indra dānā́pnasa ākṣāṇé śūra vajrivaḥ /
   makṣū́ tā́ ta indra dānā́pnasa
   makṣú+ tā́ te indra dānā́pnasaḥ
   makṣū́ tā́ ta indara dānā́pnasa

Halfverse: b    ākṣāṇé śūra vajrivaḥ /
   ākṣāṇé śūra vajrivaḥ /
   ākṣāṇé śūra vajrivaḥ /

Halfverse: c    yád dʰa śúṣṇasya dambʰáyo jātáṃ víśvaṃ sayā́vabʰiḥ //
   yád dʰa śúṣṇasya dambʰáyo
   yát ha śúṣṇasya dambʰáyaḥ
   yád dʰa śúṣṇasya dambʰáyo

Halfverse: d    jātáṃ víśvaṃ sayā́vabʰiḥ //
   jātám víśvam sayā́vabʰiḥ //
   jātáṃ víśvaṃ sayā́vabʰiḥ //


Verse: 12 
Halfverse: a    mā́kudʰryàg indra śūra vásvīr asmé bʰūvann abʰíṣṭayaḥ /
   mā́kudʰryàg indra śūra vásvīr
   mā́ akudʰryàk indra śūra vásvīḥ
   mā́kudʰríag indara śūra vásvīr

Halfverse: b    asmé bʰūvann abʰíṣṭayaḥ /
   asmé bʰūvan abʰíṣṭayaḥ /
   asmé bʰūvann abʰíṣṭayaḥ /

Halfverse: c    vayáṃ-vayaṃ ta āsāṃ sumné syāma vajrivaḥ //
   vayáṃ-vayaṃ ta āsāṃ
   vayáṃ-vayam te āsām
   vayáṃ-vayaṃ ta āsãaṃ

Halfverse: d    sumné syāma vajrivaḥ //
   sumné syāma vajrivaḥ //
   sumné siyāma vajrivaḥ //


Verse: 13 
Halfverse: a    asmé tā́ ta indra santu satyā́hiṃsantīr upaspŕ̥śaḥ /
   asmé tā́ ta indra santu satyā́_
   asmé tā́ te indra santu satyā́
   asmé tā́ ta indara santu satyā́

Halfverse: b    _áhiṃsantīr upaspŕ̥śaḥ /
   áhiṃsantīḥ upaspŕ̥śaḥ /
   áhiṃsantīr upaspŕ̥śaḥ /

Halfverse: c    vidyā́ma yā́sām bʰújo dʰenūnā́ṃ ná vajrivaḥ //
   vidyā́ma yā́sām bʰújo
   vidyā́ma yā́sām bʰújaḥ
   vidyā́ma yā́sãam bʰújo

Halfverse: d    dʰenūnā́ṃ ná vajrivaḥ //
   dʰenūnā́m ná vajrivaḥ //
   dʰenūnâáṃ ná vajrivaḥ //


Verse: 14 
Halfverse: a    ahastā́ yád apádī várdʰata kṣā́ḥ śácībʰir vedyā́nām /
   ahastā́ yád apádī várdʰata kṣā́ḥ
   ahastā́ yát apádī várdʰata kṣā́ḥ
   ahastā́ yád apádī várdʰata kṣā́ḥ

Halfverse: b    śácībʰir vedyā́nām /
   śácībʰiḥ vedyā́nām /
   śácībʰir vediyā́nãam /

Halfverse: c    śúṣṇam pári pradakṣiṇíd viśvā́yave ní śiśnatʰaḥ //
   śúṣṇam pári pradakṣiṇíd
   śúṣṇam pári pradakṣiṇít
   śúṣṇam pári pradakṣiṇíd

Halfverse: d    viśvā́yave ní śiśnatʰaḥ //
   viśvā́yave ní śiśnatʰaḥ //
   viśvā́yave ní śiśnatʰaḥ //


Verse: 15 
Halfverse: a    píbā-pibéd indra śūra sómam mā́ riṣaṇyo vasavāna vásuḥ sán /
   píbā-pibéd indra śūra sómam
   píbā-piba ít indra śūra sómam
   píbā-pibéd indara śūra sómam

Halfverse: b    mā́ riṣaṇyo vasavāna vásuḥ sán /
   mā́ riṣaṇyaḥ vasavāna vásuḥ sán /
   mā́ riṣaṇyo vasavāna vásuḥ sán /

Halfverse: c    utá trāyasva gr̥ṇató magʰóno maháś ca rāyó revátas kr̥dʰī naḥ //
   utá trāyasva gr̥ṇató magʰóno
   utá trāyasva gr̥ṇatáḥ magʰónaḥ
   utá trāyasva gr̥ṇató magʰóno

Halfverse: d    maháś ca rāyó revátas kr̥dʰī naḥ //
   maháḥ ca rāyáḥ revátaḥ kr̥dʰi+ naḥ //
   maháś ca rāyó revátas kr̥dʰī naḥ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.