TITUS
Rg-Veda: Rg-Veda-Samhita
Part No. 864
Previous part

Hymn: 27_(853) 
Verse: 1 
Halfverse: a    ásat sú me jaritaḥ sā́bʰivegó yát sunvaté yájamānāya śíkṣam /
   ásat sú me jaritaḥ sā́bʰivegó
   ásat sú me jaritar sá abʰivegáḥ
   ásat sú me jaritaḥ sā́bʰivegó

Halfverse: b    yát sunvaté yájamānāya śíkṣam /
   yát sunvaté yájamānāya śíkṣam /
   yát sunvaté yájamānāya śíkṣam /

Halfverse: c    ánāśīrdām ahám asmi prahantā́ satyadʰvŕ̥taṃ vr̥jināyántam ābʰúm //
   ánāśīrdām ahám asmi prahantā́
   ánāśīrdām ahám asmi prahantā́
   ánāśīrdām ahám asmi prahantā́

Halfverse: d    satyadʰvŕ̥taṃ vr̥jināyántam ābʰúm //
   satyadʰvŕ̥tam vr̥jināyántam ābʰúm //
   satyadʰvŕ̥taṃ vr̥jināyántam ābʰúm //


Verse: 2 
Halfverse: a    yádī́d aháṃ yudʰáye saṃnáyāny ádevayūn tanvā̀ śū́śujānān /
   yádī́d aháṃ yudʰáye saṃnáyāny
   yádi ít ahám yudʰáye saṃnáyāni
   yádī́d aháṃ yudʰáye saṃnáyāni

Halfverse: b    ádevayūn tanvā̀ śū́śujānān /
   ádevayūn tanvā̀ śū́śujānān /
   ádevayūn tanúvā śū́śujānān /

Halfverse: c    amā́ te túmraṃ vr̥ṣabʰám pacāni tīvráṃ sutám pañcadaśáṃ ní ṣiñcam //
   amā́ te túmraṃ vr̥ṣabʰám pacāni
   amā́ te túmram vr̥ṣabʰám pacāni
   amā́ te túmraṃ vr̥ṣabʰám pacāni

Halfverse: d    tīvráṃ sutám pañcadaśáṃ ní ṣiñcam //
   tīvrám sutám pañcadaśám ní siñcam //
   tīvráṃ sutám pañcadaśáṃ ní ṣiñcam //


Verse: 3 
Halfverse: a    nā́háṃ táṃ veda yá íti brávīty ádevayūn samáraṇe jagʰanvā́n /
   nā́háṃ táṃ veda yá íti brávīty
   ná ahám tám veda yáḥ íti brávīti
   nā́háṃ táṃ veda yá íti brávīti

Halfverse: b    ádevayūn samáraṇe jagʰanvā́n /
   ádevayūn samáraṇe jagʰanvā́n /
   ádevayūn samáraṇe jagʰanvā́n /

Halfverse: c    yadā́vā́kʰyat samáraṇam ŕ̥gʰāvad ā́d íd dʰa me vr̥ṣabʰā́ prá bruvanti //
   yadā́vā́kʰyat samáraṇam ŕ̥gʰāvad
   yadā́ avā́kʰyat samáraṇam ŕ̥gʰāvat
   yadā́vā́kʰyat samáraṇam ŕ̥gʰāvad

Halfverse: d    ā́d íd dʰa me vr̥ṣabʰā́ prá bruvanti //
   ā́t ít ha me vr̥ṣabʰā́ prá bruvanti //
   ā́d íd dʰa me vr̥ṣabʰā́ prá bruvanti //


Verse: 4 
Halfverse: a    yád ájñāteṣu vr̥jáneṣv ā́saṃ víśve sató magʰávāno ma āsan /
   yád ájñāteṣu vr̥jáneṣv ā́saṃ
   yát ájñāteṣu vr̥jáneṣu ā́sam
   yád ájñāteṣu vr̥jáneṣu ā́saṃ

Halfverse: b    víśve sató magʰávāno ma āsan /
   víśve satáḥ magʰávānaḥ me āsan /
   víśve sató magʰávāno ma āsan /

Halfverse: c    jinā́mi vét kṣéma ā́ sántam ābʰúm prá táṃ kṣiṇām párvate pādagŕ̥hya //
   jinā́mi vét kṣéma ā́ sántam ābʰúm
   jinā́mi vā ít kṣéme ā́ sántam ābʰúm
   jinā́mi vét kṣéma ā́ sántam ābʰúm

Halfverse: d    prá táṃ kṣiṇām párvate pādagŕ̥hya //
   prá tám kṣiṇām párvate pādagŕ̥hya //
   prá táṃ kṣiṇām párvate pādagŕ̥hya //


Verse: 5 
Halfverse: a    ná vā́ u mā́ṃ vr̥jáne vārayante ná párvatāso yád ahám manasyé /
   ná vā́ u mā́ṃ vr̥jáne vārayante
   ná vaí u mā́m vr̥jáne vārayante
   ná vā́ u mā́ṃ vr̥jáne vārayante

Halfverse: b    ná párvatāso yád ahám manasyé /
   ná párvatāsaḥ yát ahám manasyé /
   ná párvatāso yád ahám manasyé /

Halfverse: c    máma svanā́t kr̥dʰukárṇo bʰayāta evéd ánu dyū́n kiráṇaḥ sám ejāt //
   máma svanā́t kr̥dʰukárṇo bʰayāta
   máma svanā́t kr̥dʰukárṇaḥ bʰayāte
   máma svanā́t kr̥dʰukárṇo bʰayāta

Halfverse: d    evéd ánu dyū́n kiráṇaḥ sám ejāt //
   evá ít ánu dyū́n kiráṇaḥ sám ejāt //
   evéd ánu dyū́n kiráṇaḥ sám ejāt //


Verse: 6 
Halfverse: a    dárśan nv átra śr̥tapā́m̐ anindrā́n bāhukṣádaḥ śárave pátyamānān /
   dárśan nv átra śr̥tapā́m̐ anindrā́n
   dárśan nú átra śr̥tapā́n anindrā́n
   dárśan nú átra śr̥tapā́m̐ anindrā́n

Halfverse: b    bāhukṣádaḥ śárave pátyamānān /
   bāhukṣádaḥ śárave pátyamānān /
   bāhukṣádaḥ śárave pátyamānān /

Halfverse: c    gʰŕ̥ṣuṃ vā yé ninidúḥ sákʰāyam ádʰy ū nv èṣu paváyo vavr̥tyuḥ //
   gʰŕ̥ṣuṃ vā yé ninidúḥ sákʰāyam
   gʰŕ̥ṣum vā yé ninidúḥ sákʰāyam
   gʰŕ̥ṣuṃ vā ? yé ninidúḥ sákʰāyam

Halfverse: d    ádʰy ū nv èṣu paváyo vavr̥tyuḥ //
   ádʰi u+ nú eṣu paváyaḥ vavr̥tyuḥ //
   ádʰy ū nú eṣu paváyo vavr̥tyuḥ //


Verse: 7 
Halfverse: a    ábʰūr v aúkṣīr vy ù ā́yur ānaḍ dárṣan nú pū́rvo áparo nú darṣat /
   ábʰūr v aúkṣīr vy ù ā́yur ānaḍ
   ábʰūḥ u aúkṣīḥ ví u ā́yuḥ ānaṭ
   ábʰūr u aúkṣīr ví u ā́yur ānaḍ

Halfverse: b    dárṣan nú pū́rvo áparo nú darṣat /
   dárṣat nú pū́rvaḥ áparaḥ nú darṣat /
   dárṣan nú pū́rvo áparo nú darṣat /

Halfverse: c    dvé paváste pári táṃ ná bʰūto yó asyá pāré rájaso vivéṣa //
   dvé paváste pári táṃ ná bʰūto
   dvé paváste pári tám ná bʰūtaḥ
   duvé paváste pári táṃ ná bʰūto

Halfverse: d    yó asyá pāré rájaso vivéṣa //
   yáḥ asyá pāré rájasaḥ vivéṣa //
   yó asyá pāré rájaso vivéṣa //


Verse: 8 
Halfverse: a    gā́vo yávam práyutā aryó akṣan tā́ apaśyaṃ sahágopāś cárantīḥ /
   gā́vo yávam práyutā aryó akṣan
   gā́vaḥ yávam práyutāḥ aryáḥ akṣan
   gā́vo yávam práyutā aryó akṣan

Halfverse: b    tā́ apaśyaṃ sahágopāś cárantīḥ /
   tā́ḥ apaśyam sahágopāḥ cárantīḥ /
   tā́ apaśyaṃ sahágopāś cárantīḥ /

Halfverse: c    hávā íd aryó abʰítaḥ sám āyan kíyad āsu svápatiś cʰandayāte //
   hávā íd aryó abʰítaḥ sám āyan
   hávāḥ ít aryáḥ abʰítaḥ sám āyan
   hávā íd aryó abʰítaḥ sám āyan

Halfverse: d    kíyad āsu svápatiś cʰandayāte //
   kíyat āsu svápatiḥ cʰandayāte //
   kíyad āsu svápatiś cʰandayāte //


Verse: 9 
Halfverse: a    sáṃ yád váyaṃ yavasā́do jánānām aháṃ yavā́da urvájre antáḥ /
   sáṃ yád váyaṃ yavasā́do jánānām
   sám yát váyam yavasā́daḥ jánānām
   sáṃ yád váyaṃ yavasā́do jánānām

Halfverse: b    aháṃ yavā́da urvájre antáḥ /
   ahám yavā́daḥ urvájre antár /
   aháṃ yavā́da uruájre antáḥ /

Halfverse: c    átrā yuktò 'vasātā́ram icʰād átʰo áyuktaṃ yunajad vavanvā́n //
   átrā yuktò 'vasātā́ram icʰād
   átra+ yuktáḥ avasātā́ram icʰāt
   átrā yuktó avasātā́ram icʰād

Halfverse: d    átʰo áyuktaṃ yunajad vavanvā́n //
   átʰa u áyuktam yunajat vavanvā́n //
   átʰo áyuktaṃ yunajad vavanvā́n //


Verse: 10 
Halfverse: a    átréd u me maṃsase satyám uktáṃ dvipā́c ca yác cátuṣpāt saṃsr̥jā́ni /
   átréd u me maṃsase satyám uktáṃ
   átra ít u me maṃsase satyám uktám
   átréd u me maṃsase satyám uktáṃ

Halfverse: b    dvipā́c ca yác cátuṣpāt saṃsr̥jā́ni /
   dvipā́t ca yát cátuṣpāt saṃsr̥jā́ni /
   dvipā́c ca yác cátuṣpāt saṃsr̥jā́ni /

Halfverse: c    strībʰír yó átra vŕ̥ṣaṇam pr̥tanyā́d áyuddʰo asya ví bʰajāni védaḥ //
   strībʰír yó átra vŕ̥ṣaṇam pr̥tanyā́d
   strībʰíḥ yáḥ átra vŕ̥ṣaṇam pr̥tanyā́t
   strībʰír yó átra vŕ̥ṣaṇam pr̥tanyā́d

Halfverse: d    áyuddʰo asya ví bʰajāni védaḥ //
   áyuddʰaḥ asya ví bʰajāni védaḥ //
   áyuddʰo asya ví bʰajāni védaḥ //


Verse: 11 
Halfverse: a    yásyānakṣā́ duhitā́ jā́tv ā́sa kás tā́ṃ vidvā́m̐ abʰí manyāte andʰā́m /
   yásyānakṣā́ duhitā́ jā́tv ā́sa
   yásya anakṣā́ duhitā́ jā́tu ā́sa
   yásyānakṣā́ duhitā́ jā́tu ā́sa

Halfverse: b    kás tā́ṃ vidvā́m̐ abʰí manyāte andʰā́m /
   káḥ tā́m vidvā́n abʰí manyāte andʰā́m /
   kás tā́ṃ vidvā́m̐ abʰí manyāte andʰā́m /

Halfverse: c    kataró mením práti tám mucāte yá īṃ váhāte yá īṃ vā vareyā́t //
   kataró mením práti tám mucāte
   kataráḥ mením práti tám mucāte
   kataró mením práti tám mucāte

Halfverse: d    yá īṃ váhāte yá īṃ vā vareyā́t //
   yáḥ īm váhāte yáḥ īm vā vareyā́t //
   yá īṃ váhāte yá īṃ vā vareyā́t //


Verse: 12 
Halfverse: a    kíyatī yóṣā maryató vadʰūyóḥ páriprītā pányasā vā́ryeṇa /
   kíyatī yóṣā maryató vadʰūyóḥ
   kíyatī yóṣā maryatáḥ vadʰūyóḥ
   kíyatī yóṣā maryató vadʰūyóḥ

Halfverse: b    páriprītā pányasā vā́ryeṇa /
   páriprītā pányasā vā́ryeṇa /
   páriprītā pányasā vā́riyeṇa /

Halfverse: c    bʰadrā́ vadʰū́r bʰavati yát supéśāḥ svayáṃ sā́ mitráṃ vanute jáne cit //
   bʰadrā́ vadʰū́r bʰavati yát supéśāḥ
   bʰadrā́ vadʰū́ḥ bʰavati yát supéśāḥ
   bʰadrā́ vadʰū́r bʰavati yát supéśāḥ

Halfverse: d    svayáṃ sā́ mitráṃ vanute jáne cit //
   svayám sā́ mitrám vanute jáne cit //
   svayáṃ sā́ mitráṃ vanute jáne cit //


Verse: 13 
Halfverse: a    pattó jagāra pratyáñcam atti śīrṣṇā́ śíraḥ práti dadʰau várūtʰam /
   pattó jagāra pratyáñcam atti
   pattáḥ jagāra pratyáñcam atti
   pattó jagāra pratiáñcam atti

Halfverse: b    śīrṣṇā́ śíraḥ práti dadʰau várūtʰam /
   śīrṣṇā́ śíraḥ práti dadʰau várūtʰam /
   śīrṣṇā́ śíraḥ práti dadʰau várūtʰam /

Halfverse: c    ā́sīna ūrdʰvā́m upási kṣiṇāti nyàṅṅ uttānā́m ánv eti bʰū́mim //
   ā́sīna ūrdʰvā́m upási kṣiṇāti
   ā́sīnaḥ ūrdʰvā́m upási kṣiṇāti
   ā́sīna ūrdʰvā́m upási kṣiṇāti

Halfverse: d    nyàṅṅ uttānā́m ánv eti bʰū́mim //
   nyàṅ uttānā́m ánu eti bʰū́mim //
   níaṅṅ uttānā́m ánu eti bʰū́mim //


Verse: 14 
Halfverse: a    br̥hánn acʰāyó apalāśó árvā tastʰaú mātā́ víṣito atti gárbʰaḥ /
   br̥hánn acʰāyó apalāśó árvā
   br̥hán acʰāyáḥ apalāśáḥ árvā
   br̥hánn acʰāyó apalāśó árvā

Halfverse: b    tastʰaú mātā́ víṣito atti gárbʰaḥ /
   tastʰaú mātā́ víṣitaḥ atti gárbʰaḥ /
   tastʰaú mātā́ víṣito atti gárbʰaḥ /

Halfverse: c    anyásyā vatsáṃ rihatī́ mimāya káyā bʰuvā́ ní dadʰe dʰenúr ū́dʰaḥ //
   anyásyā vatsáṃ rihatī́ mimāya
   anyásyāḥ vatsám rihatī́ mimāya
   anyásyā vatsáṃ rihatī́ mimāya

Halfverse: d    káyā bʰuvā́ ní dadʰe dʰenúr ū́dʰaḥ //
   káyā bʰuvā́ ní dadʰe dʰenúḥ ū́dʰar //
   káyā bʰuvā́ ní dadʰe dʰenúr ū́dʰaḥ //


Verse: 15 
Halfverse: a    saptá vīrā́so adʰarā́d úd āyann aṣṭóttarā́ttāt sám ajagmiran té /
   saptá vīrā́so adʰarā́d úd āyann
   saptá vīrā́saḥ adʰarā́t út āyan
   saptá vīrā́so adʰarā́d úd āyann

Halfverse: b    aṣṭóttarā́ttāt sám ajagmiran té /
   aṣṭá uttarā́ttāt sám ajagmiran té /
   aṣṭóttarā́ttāt sám ajagmiran té /

Halfverse: c    náva paścā́tāt stʰivimánta āyan dáśa prā́k sā́nu ví tiranty áśnaḥ //
   náva paścā́tāt stʰivimánta āyan
   náva paścā́tāt stʰivimántaḥ āyan
   náva paścā́tāt stʰivimánta āyan

Halfverse: d    dáśa prā́k sā́nu ví tiranty áśnaḥ //
   dáśa prā́k sā́nu ví tiranti áśnaḥ //
   dáśa prā́k sā́nu ví tiranti áśnaḥ //


Verse: 16 
Halfverse: a    daśānā́m ékaṃ kapiláṃ samānáṃ táṃ hinvanti krátave pā́ryāya /
   daśānā́m ékaṃ kapiláṃ samānáṃ
   daśānā́m ékam kapilám samānám
   daśānā́m ékaṃ kapiláṃ samānáṃ

Halfverse: b    táṃ hinvanti krátave pā́ryāya /
   tám hinvanti krátave pā́ryāya /
   táṃ hinvanti krátave pā́riyāya /

Halfverse: c    gárbʰam mātā́ súdʰitaṃ vakṣáṇāsv ávenantaṃ tuṣáyantī bibʰarti //
   gárbʰam mātā́ súdʰitaṃ vakṣáṇāsv
   gárbʰam mātā́ súdʰitam vakṣáṇāsu
   gárbʰam mātā́ súdʰitaṃ vakṣáṇāsu

Halfverse: d    ávenantaṃ tuṣáyantī bibʰarti //
   ávenantam tuṣáyantī bibʰarti //
   ávenantaṃ tuṣáyantī bibʰarti //


Verse: 17 
Halfverse: a    pī́vānam meṣám apacanta vīrā́ nyùptā akṣā́ ánu dīvá āsan /
   pī́vānam meṣám apacanta vīrā́
   pī́vānam meṣám apacanta vīrā́ḥ
   pī́vānam meṣám apacanta vīrā́

Halfverse: b    nyùptā akṣā́ ánu dīvá āsan /
   nyùptāḥ akṣā́ḥ ánu dīvé āsan /
   níuptā akṣā́ ánu dīvá āsan /

Halfverse: c    dvā́ dʰánum br̥hatī́m apsv àntáḥ pavítravantā carataḥ punántā //
   dvā́ dʰánum br̥hatī́m apsv àntáḥ
   dvā́ dʰánum br̥hatī́m apsú antár
   duvā́ dʰánum br̥hatī́m apsú antáḥ

Halfverse: d    pavítravantā carataḥ punántā //
   pavítravantā carataḥ punántā //
   pavítravantā carataḥ punántā //


Verse: 18 
Halfverse: a    ví krośanā́so víṣvañca āyan pácāti némo nahí pákṣad ardʰáḥ /
   ví krośanā́so víṣvañca āyan
   ví krośanā́saḥ víṣvañcaḥ āyan
   ví krośanā́so víṣuañca āyan

Halfverse: b    pácāti némo nahí pákṣad ardʰáḥ /
   pácāti némaḥ nahí pákṣat ardʰáḥ /
   pácāti némo nahí pákṣad ardʰáḥ /

Halfverse: c    ayám me deváḥ savitā́ tád āha drvànna íd vanavat sarpírannaḥ //
   ayám me deváḥ savitā́ tád āha
   ayám me deváḥ savitā́ tát āha
   ayám me deváḥ savitā́ tád āha

Halfverse: d    drvànna íd vanavat sarpírannaḥ //
   drvànnaḥ ít vanavat sarpírannaḥ //
   drúanna íd vanavat sarpírannaḥ //


Verse: 19 
Halfverse: a    ápaśyaṃ grā́maṃ váhamānam ārā́d acakráyā svadʰáyā vártamānam /
   ápaśyaṃ grā́maṃ váhamānam ārā́d
   ápaśyam grā́mam váhamānam ārā́t
   ápaśyaṃ grā́maṃ váhamānam ārā́d

Halfverse: b    acakráyā svadʰáyā vártamānam /
   acakráyā svadʰáyā vártamānam /
   acakráyā svadʰáyā vártamānam /

Halfverse: c    síṣakty aryáḥ prá yugā́ jánānāṃ sadyáḥ śiśnā́ praminānó návīyān //
   síṣakty aryáḥ prá yugā́ jánānāṃ
   síṣakti aryáḥ prá yugā́ jánānām
   síṣakti aryáḥ prá yugā́ jánānāṃ

Halfverse: d    sadyáḥ śiśnā́ praminānó návīyān //
   sadyáḥ śiśnā́ praminānáḥ návīyān //
   sadyáḥ śiśnā́ praminānó návīyān //


Verse: 20 
Halfverse: a    etaú me gā́vau pramarásya yuktaú mó ṣú prá sedʰīr múhur ín mamandʰi /
   etaú me gā́vau pramarásya yuktaú
   etaú me gā́vau pramarásya yuktaú
   etaú me gā́vau pramarásya yuktaú

Halfverse: b    mó ṣú prá sedʰīr múhur ín mamandʰi /
   mā́ u sú prá sedʰīḥ múhur ít mamandʰi /
   mó ṣú prá sedʰīr múhur ín mamandʰi /

Halfverse: c    ā́paś cid asya ví naśanty ártʰaṃ sū́raś ca marká úparo babʰūvā́n //
   ā́paś cid asya ví naśanty ártʰaṃ
   ā́paḥ cit asya ví naśanti ártʰam
   ā́paś cid asya ví naśanti ártʰaṃ

Halfverse: d    sū́raś ca marká úparo babʰūvā́n //
   sū́raḥ ca markáḥ úparaḥ babʰūvā́n //
   sū́raś ca marká úparo babʰūvā́n //


Verse: 21 
Halfverse: a    ayáṃ yó vájraḥ purudʰā́ vívr̥tto 'váḥ sū́ryasya br̥hatáḥ púrīṣāt /
   ayáṃ yó vájraḥ purudʰā́ vívr̥tto
   ayám yáḥ vájraḥ purudʰā́ vívr̥ttaḥ
   ayáṃ yó vájraḥ purudʰā́ vívr̥tto

Halfverse: b    'váḥ sū́ryasya br̥hatáḥ púrīṣāt /
   aváḥ sū́ryasya br̥hatáḥ púrīṣāt /
   aváḥ sū́ryasya br̥hatáḥ púrīṣāt /

Halfverse: c    śráva íd enā́ paró anyád asti tád avyatʰī́ jarimā́ṇas taranti //
   śráva íd enā́ paró anyád asti
   śrávaḥ ít enā́ paráḥ anyát asti
   śráva íd enā́ paró anyád asti

Halfverse: d    tád avyatʰī́ jarimā́ṇas taranti //
   tát avyatʰī́ jarimā́ṇaḥ taranti //
   tád avyatʰī́ jarimā́ṇas taranti //


Verse: 22 
Halfverse: a    vr̥kṣé-vr̥kṣe níyatā mīmayad gaús táto váyaḥ prá patān pūruṣā́daḥ /
   vr̥kṣé-vr̥kṣe níyatā mīmayad gaús
   vr̥kṣé-vr̥kṣe níyatā mīmayat gaúḥ
   vr̥kṣé-vr̥kṣe níyatā mīmayad gaús

Halfverse: b    táto váyaḥ prá patān pūruṣā́daḥ /
   tátaḥ váyaḥ prá patān pūruṣā́daḥ /
   táto váyaḥ prá patān pūruṣā́daḥ /

Halfverse: c    átʰedáṃ víśvam bʰúvanam bʰayāta índrāya sunvád ŕ̥ṣaye ca śíkṣat //
   átʰedáṃ víśvam bʰúvanam bʰayāta
   átʰa idám víśvam bʰúvanam bʰayāte
   átʰedáṃ víśvam bʰúvanam bʰayāta

Halfverse: d    índrāya sunvád ŕ̥ṣaye ca śíkṣat //
   índrāya sunvát ŕ̥ṣaye ca śíkṣat //
   índrāya sunvád ŕ̥ṣaye ca śíkṣat //


Verse: 23 
Halfverse: a    devā́nām mā́ne pratʰamā́ atiṣṭʰan kr̥ntátrād eṣām úparā úd āyan /
   devā́nām mā́ne pratʰamā́ atiṣṭʰan
   devā́nām mā́ne pratʰamā́ḥ atiṣṭʰan
   devā́nām mā́ne pratʰamā́ atiṣṭʰan

Halfverse: b    kr̥ntátrād eṣām úparā úd āyan /
   kr̥ntátrāt eṣām úparāḥ út āyan /
   kr̥ntátrād eṣām úparā úd āyan /

Halfverse: c    tráyas tapanti pr̥tʰivī́m anūpā́ dvā́ bŕ̥būkaṃ vahataḥ púrīṣam //
   tráyas tapanti pr̥tʰivī́m anūpā́
   tráyaḥ tapanti pr̥tʰivī́m anūpā́ḥ
   tráyas tapanti pr̥tʰivī́m anūpā́

Halfverse: d    dvā́ bŕ̥būkaṃ vahataḥ púrīṣam //
   dvā́ bŕ̥būkam vahataḥ púrīṣam //
   duvā́ bŕ̥būkaṃ vahataḥ púrīṣam //


Verse: 24 
Halfverse: a    sā́ te jīvā́tur utá tásya viddʰi mā́ smaitādŕ̥g ápa gūhaḥ samaryé /
   sā́ te jīvā́tur utá tásya viddʰi
   sā́ te jīvā́tuḥ utá tásya viddʰi
   sā́ te jīvā́tur utá tásya viddʰi

Halfverse: b    mā́ smaitādŕ̥g ápa gūhaḥ samaryé /
   mā́ sma etādŕ̥k ápa gūhaḥ samaryé /
   mā́ smaitādŕ̥g ápa gūhaḥ samaryé /

Halfverse: c    āvíḥ svàḥ kr̥ṇuté gū́hate busáṃ sá pādúr asya nirṇíjo ná mucyate //
   āvíḥ svàḥ kr̥ṇuté gū́hate busáṃ
   āvíḥ svàr kr̥ṇuté gū́hate busám
   āvíḥ súvaḥ kr̥ṇuté gū́hate busáṃ

Halfverse: d    sá pādúr asya nirṇíjo ná mucyate //
   sá pādúḥ asya nirṇíjaḥ ná mucyate //
   sá pādúr asya nirṇíjo ná mucyate //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.