TITUS
Rg-Veda: Rg-Veda-Samhita
Part No. 863
Previous part

Hymn: 26_(852) 
Verse: 1 
Halfverse: a    prá hy ácʰā manīṣā́ spārhā́ yánti niyútaḥ /
   prá hy ácʰā manīṣā́
   prá hí ácʰa+ manīṣā́ḥ
   prá hí ácʰā manīṣā́

Halfverse: b    spārhā́ yánti niyútaḥ /
   spārhā́ḥ yánti niyútaḥ /
   spārhā́ yánti niyútaḥ /

Halfverse: c    prá dasrā́ niyúdratʰaḥ pūṣā́ aviṣṭu mā́hinaḥ //
   prá dasrā́ niyúdratʰaḥ
   prá dasrā́ niyúdratʰaḥ
   prá dasrā́ niyúdratʰaḥ

Halfverse: d    pūṣā́ aviṣṭu mā́hinaḥ //
   pūṣā́ aviṣṭu mā́hinaḥ //
   pūṣā́ aviṣṭu mā́hinaḥ //


Verse: 2 
Halfverse: a    yásya tyán mahitváṃ vātā́pyam ayáṃ jánaḥ /
   yásya tyán mahitváṃ
   yásya tyát mahitvám
   yásya tyán mahitváṃ

Halfverse: b    vātā́pyam ayáṃ jánaḥ /
   vātā́pyam ayám jánaḥ /
   vātā́piyam ayáṃ jánaḥ /

Halfverse: c    vípra ā́ vaṃsad dʰītíbʰiś cíketa suṣṭutīnā́m //
   vípra ā́ vaṃsad dʰītíbʰiś
   vípraḥ ā́ vaṃsat dʰītíbʰiḥ
   vípra ā́ vaṃsad dʰītíbʰiś

Halfverse: d    cíketa suṣṭutīnā́m //
   cíketa suṣṭutīnā́m //
   cíketa suṣṭutīnâám //


Verse: 3 
Halfverse: a    sá veda suṣṭutīnā́m índur ná pūṣā́ vŕ̥ṣā /
   sá veda suṣṭutīnā́m
   sá veda suṣṭutīnā́m
   sá veda suṣṭutīnâám

Halfverse: b    índur ná pūṣā́ vŕ̥ṣā /
   índuḥ ná pūṣā́ vŕ̥ṣā /
   índur ná pūṣā́ vŕ̥ṣā /

Halfverse: c    abʰí psúraḥ pruṣāyati vrajáṃ na ā́ pruṣāyati //
   abʰí psúraḥ pruṣāyati
   abʰí psúraḥ pruṣāyati
   abʰí psúraḥ pruṣāyati

Halfverse: d    vrajáṃ na ā́ pruṣāyati //
   vrajám naḥ ā́ pruṣāyati //
   vrajáṃ na ā́ pruṣāyati //


Verse: 4 
Halfverse: a    maṃsīmáhi tvā vayám asmā́kaṃ deva pūṣan /
   maṃsīmáhi tvā vayám
   maṃsīmáhi tvā vayám
   maṃsīmáhi tvā vayám

Halfverse: b    asmā́kaṃ deva pūṣan /
   asmā́kam deva pūṣan /
   asmā́kaṃ deva pūṣan /

Halfverse: c    matīnā́ṃ ca sā́dʰanaṃ víprāṇāṃ cādʰavám //
   matīnā́ṃ ca sā́dʰanaṃ
   matīnā́m ca sā́dʰanam
   matīnâáṃ ca sā́dʰanaṃ

Halfverse: d    víprāṇāṃ cādʰavám //
   víprāṇām ca ādʰavám //
   víprāṇãaṃ ca ādʰavám //


Verse: 5 
Halfverse: a    prátyardʰir yajñā́nām aśvahayó rátʰānām /
   prátyardʰir yajñā́nām
   prátyardʰiḥ yajñā́nām
   prátiardʰir yajñā́nãam

Halfverse: b    aśvahayó rátʰānām /
   aśvahayáḥ rátʰānām /
   aśvahayó rátʰānãam /

Halfverse: c    ŕ̥ṣiḥ sá yó mánurhito víprasya yāvayatsakʰáḥ //
   ŕ̥ṣiḥ sá yó mánurhito
   ŕ̥ṣiḥ sá yáḥ mánurhitaḥ
   ŕ̥ṣiḥ sá yó mánurhito

Halfverse: d    víprasya yāvayatsakʰáḥ //
   víprasya yāvayatsakʰáḥ //
   víprasya yāvayatsakʰáḥ //


Verse: 6 
Halfverse: a    ādʰī́ṣamāṇāyāḥ pátiḥ śucā́yāś ca śucásya ca /
   ādʰī́ṣamāṇāyāḥ pátiḥ
   ādʰī́ṣamāṇāyāḥ pátiḥ
   ādʰī́ṣamāṇāyāḥ pátiḥ

Halfverse: b    śucā́yāś ca śucásya ca /
   śucā́yāḥ ca śucásya ca /
   śucā́yāś ca śucásya ca /

Halfverse: c    vāsovāyó 'vīnām ā́ vā́sāṃsi mármr̥jat //
   vāsovāyó 'vīnām
   vāsovāyáḥ ávīnām
   vāsovāyó ávīnãam

Halfverse: d    ā́ vā́sāṃsi mármr̥jat //
   ā́ vā́sāṃsi mármr̥jat //
   ā́ vā́sāṃsi mármr̥jat //


Verse: 7 
Halfverse: a    inó vā́jānām pátir ináḥ puṣṭīnā́ṃ sákʰā /
   inó vā́jānām pátir
   ináḥ vā́jānām pátiḥ
   inó vā́jānãam pátir

Halfverse: b    ináḥ puṣṭīnā́ṃ sákʰā /
   ináḥ puṣṭīnā́m sákʰā /
   ináḥ puṣṭīnâáṃ sákʰā /

Halfverse: c    prá śmáśru haryató dūdʰod ví vŕ̥tʰā yó ádābʰyaḥ //
   prá śmáśru haryató dūdʰod
   prá śmáśru haryatáḥ dūdʰot
   prá śmáśru haryató dūdʰod

Halfverse: d    ví vŕ̥tʰā yó ádābʰyaḥ //
   ví vŕ̥tʰā yáḥ ádābʰyaḥ //
   ví vŕ̥tʰā yó ádābʰiyaḥ //


Verse: 8 
Halfverse: a    ā́ te rátʰasya pūṣann ajā́ dʰúraṃ vavr̥tyuḥ /
   ā́ te rátʰasya pūṣann
   ā́ te rátʰasya pūṣan
   ā́ te rátʰasya pūṣann

Halfverse: b    ajā́ dʰúraṃ vavr̥tyuḥ /
   ajā́ḥ dʰúram vavr̥tyuḥ /
   ajā́ dʰúraṃ vavr̥tyuḥ /

Halfverse: c    víśvasyārtʰínaḥ sákʰā sanojā́ ánapacyutaḥ //
   víśvasyārtʰínaḥ sákʰā
   víśvasya artʰínaḥ sákʰā
   víśvasya artʰínaḥ sákʰā

Halfverse: d    sanojā́ ánapacyutaḥ //
   sanojā́ḥ ánapacyutaḥ //
   sanojā́ ánapacyutaḥ //


Verse: 9 
Halfverse: a    asmā́kam ūrjā́ rátʰam pūṣā́ aviṣṭu mā́hinaḥ /
   asmā́kam ūrjā́ rátʰam
   asmā́kam ūrjā́ rátʰam
   asmā́kam ūrjā́ rátʰam

Halfverse: b    pūṣā́ aviṣṭu mā́hinaḥ /
   pūṣā́ aviṣṭu mā́hinaḥ /
   pūṣā́ aviṣṭu mā́hinaḥ /

Halfverse: c    bʰúvad vā́jānāṃ vr̥dʰá imáṃ naḥ śr̥ṇavad dʰávam //
   bʰúvad vā́jānāṃ vr̥dʰá
   bʰúvat vā́jānām vr̥dʰáḥ
   bʰúvad vā́jānãaṃ vr̥dʰá

Halfverse: d    imáṃ naḥ śr̥ṇavad dʰávam //
   imám naḥ śr̥ṇavat hávam //
   imáṃ naḥ śr̥ṇavad dʰávam //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.