TITUS
Rg-Veda: Rg-Veda-Samhita
Part No. 862
Previous part

Hymn: 25_(851) 
Verse: 1 
Halfverse: a    bʰadráṃ no ápi vātaya máno dákṣam utá krátum /
   bʰadráṃ no ápi vātaya
   bʰadrám naḥ ápi vātaya
   bʰadráṃ no ápi vātaya

Halfverse: b    máno dákṣam utá krátum /
   mánaḥ dákṣam utá krátum /
   máno dákṣam utá krátum /

Halfverse: c    ádʰā te sakʰyé ándʰaso ví vo máde ráṇan gā́vo ná yávase vívakṣase //
   ádʰā te sakʰyé ándʰaso
   ádʰa+ te sakʰyé ándʰasaḥ
   ádʰā te sakʰyé ándʰaso

Halfverse: d    ví vo máde
   ví vaḥ máde
   ví vo máde

Halfverse: e    ráṇan gā́vo ná yávase
   ráṇan gā́vaḥ ná yávase
   ráṇan gā́vo ná yávase

Halfverse: f    vívakṣase //
   vívakṣase //
   vívakṣase //


Verse: 2 
Halfverse: a    hr̥dispŕ̥śas ta āsate víśveṣu soma dʰā́masu /
   hr̥dispŕ̥śas ta āsate
   hr̥dispŕ̥śaḥ te āsate
   hr̥dispŕ̥śas ta āsate

Halfverse: b    víśveṣu soma dʰā́masu /
   víśveṣu soma dʰā́masu /
   víśveṣu soma dʰā́masu /

Halfverse: c    ádʰā kā́mā imé máma ví vo máde ví tiṣṭʰante vasūyávo vívakṣase //
   ádʰā kā́mā imé máma
   ádʰa+ kā́māḥ imé máma
   ádʰā kā́mā imé máma

Halfverse: d    ví vo máde
   ví vaḥ máde
   ví vo máde

Halfverse: e    ví tiṣṭʰante vasūyávo
   ví tiṣṭʰante vasūyávaḥ
   ví tiṣṭʰante vasūyávo

Halfverse: f    vívakṣase //
   vívakṣase //
   vívakṣase //


Verse: 3 
Halfverse: a    utá vratā́ni soma te prā́hám mināmi pākyā̀ /
   utá vratā́ni soma te
   utá vratā́ni soma te
   utá vratā́ni soma te

Halfverse: b    prā́hám mināmi pākyā̀ /
   prá ahám mināmi pākyā̀ /
   prā́hám mināmi pākíyā /

Halfverse: c    ádʰā pitéva sūnáve ví vo máde mr̥ḷā́ no abʰí cid vadʰā́d vívakṣase //
   ádʰā pitéva sūnáve
   ádʰa+ pitā́ iva sūnáve
   ádʰā pitéva sūnáve

Halfverse: d    ví vo máde
   ví vaḥ máde
   ví vo máde

Halfverse: e    mr̥ḷā́ no abʰí cid vadʰā́d
   mr̥ḷá+ naḥ abʰí cit vadʰā́t
   mr̥ḷā́ no abʰí cid vadʰā́d

Halfverse: f    vívakṣase //
   vívakṣase //
   vívakṣase //


Verse: 4 
Halfverse: a    sám u prá yanti dʰītáyaḥ sárgāso 'vatā́m̐ iva /
   sám u prá yanti dʰītáyaḥ
   sám u prá yanti dʰītáyaḥ
   sám u prá yanti dʰītáyaḥ

Halfverse: b    sárgāso 'vatā́m̐ iva /
   sárgāsaḥ avatā́n iva /
   sárgāso avatā́m̐ iva /

Halfverse: c    krátuṃ naḥ soma jīváse ví vo máde dʰāráyā camasā́m̐ iva vívakṣase //
   krátuṃ naḥ soma jīváse
   krátum naḥ soma jīváse
   krátuṃ naḥ soma jīváse

Halfverse: d    ví vo máde
   ví vaḥ máde
   ví vo máde

Halfverse: e    dʰāráyā camasā́m̐ iva
   dʰāráya+ camasā́n iva
   dʰāráyā camasā́m̐ iva

Halfverse: f    vívakṣase //
   vívakṣase //
   vívakṣase //


Verse: 5 
Halfverse: a    táva tyé soma śáktibʰir níkāmāso vy r̥̀ṇvire /
   táva tyé soma śáktibʰir
   táva tyé soma śáktibʰiḥ
   táva tyé soma śáktibʰir

Halfverse: b    níkāmāso vy r̥̀ṇvire /
   níkāmāsaḥ ví r̥ṇvire /
   níkāmāso ví r̥ṇvire /

Halfverse: c    gŕ̥tsasya dʰī́rās taváso ví vo máde vrajáṃ gómantam aśvínaṃ vívakṣase //
   gŕ̥tsasya dʰī́rās taváso
   gŕ̥tsasya dʰī́rāḥ tavásaḥ
   gŕ̥tsasya dʰī́rās taváso

Halfverse: d    ví vo máde
   ví vaḥ máde
   ví vo máde

Halfverse: e    vrajáṃ gómantam aśvínaṃ
   vrajám gómantam aśvínam
   vrajáṃ gómantam aśvínaṃ

Halfverse: f    vívakṣase //
   vívakṣase //
   vívakṣase //


Verse: 6 
Halfverse: a    paśúṃ naḥ soma rakṣasi purutrā́ víṣṭʰitaṃ jágat /
   paśúṃ naḥ soma rakṣasi
   paśúm naḥ soma rakṣasi
   paśúṃ naḥ soma rakṣasi

Halfverse: b    purutrā́ víṣṭʰitaṃ jágat /
   purutrā́ víṣṭʰitam jágat /
   purutrā́ víṣṭʰitaṃ jágat /

Halfverse: c    samā́kr̥ṇoṣi jīváse ví vo máde víśvā sampáśyan bʰúvanā vívakṣase //
   samā́kr̥ṇoṣi jīváse
   samā́kr̥ṇoṣi jīváse
   samā́kr̥ṇoṣi jīváse

Halfverse: d    ví vo máde
   ví vaḥ máde
   ví vo máde

Halfverse: e    víśvā sampáśyan bʰúvanā
   víśvā sampáśyan bʰúvanā
   víśvā sampáśyan bʰúvanā

Halfverse: f    vívakṣase //
   vívakṣase //
   vívakṣase //


Verse: 7 
Halfverse: a    tváṃ naḥ soma viśváto gopā́ ádābʰyo bʰava /
   tváṃ naḥ soma viśváto
   tvám naḥ soma viśvátaḥ
   tuváṃ naḥ soma viśváto

Halfverse: b    gopā́ ádābʰyo bʰava /
   gopā́ḥ ádābʰyaḥ bʰava /
   gopā́ ádābʰiyo bʰava /

Halfverse: c    sédʰa rājann ápa srídʰo ví vo máde mā́ no duḥśáṃsa īśatā vívakṣase //
   sédʰa rājann ápa srídʰo
   sédʰa rājan ápa srídʰaḥ
   sédʰa rājann ápa srídʰo

Halfverse: d    ví vo máde
   ví vaḥ máde
   ví vo máde

Halfverse: e    mā́ no duḥśáṃsa īśatā
   mā́ naḥ duḥśáṃsaḥ īśata+
   mā́ no duḥśáṃsa īśatā

Halfverse: f    vívakṣase //
   vívakṣase //
   vívakṣase //


Verse: 8 
Halfverse: a    tváṃ naḥ soma sukrátur vayodʰéyāya jāgr̥hi /
   tváṃ naḥ soma sukrátur
   tvám naḥ soma sukrátuḥ
   tuváṃ naḥ soma sukrátur

Halfverse: b    vayodʰéyāya jāgr̥hi /
   vayodʰéyāya jāgr̥hi /
   vayodʰéyāya jāgr̥hi /

Halfverse: c    kṣetravíttaro mánuṣo ví vo máde druhó naḥ pāhy áṃhaso vívakṣase //
   kṣetravíttaro mánuṣo
   kṣetravíttaraḥ mánuṣaḥ
   kṣetravíttaro mánuṣo

Halfverse: d    ví vo máde
   ví vaḥ máde
   ví vo máde

Halfverse: e    druhó naḥ pāhy áṃhaso
   druháḥ naḥ pāhi áṃhasaḥ
   druhó naḥ pāhi áṃhaso

Halfverse: f    vívakṣase //
   vívakṣase //
   vívakṣase //


Verse: 9 
Halfverse: a    tváṃ no vr̥trahantaméndrasyendo śiváḥ sákʰā /
   tváṃ no vr̥trahantama_
   tvám naḥ vr̥trahantama
   tuváṃ no vr̥trahantama

Halfverse: b    _índrasyendo śiváḥ sákʰā /
   índrasya indo śiváḥ sákʰā /
   índrasyendo śiváḥ sákʰā /

Halfverse: c    yát sīṃ hávante samitʰé ví vo máde yúdʰyamānās tokásātau vívakṣase //
   yát sīṃ hávante samitʰé
   yát sīm hávante samitʰé
   yát sīṃ hávante samitʰé

Halfverse: d    ví vo máde
   ví vaḥ máde
   ví vo máde

Halfverse: e    yúdʰyamānās tokásātau
   yúdʰyamānāḥ tokásātau
   yúdʰyamānās tokásātau

Halfverse: f    vívakṣase //
   vívakṣase //
   vívakṣase //


Verse: 10 
Halfverse: a    ayáṃ gʰa sá turó máda índrasya vardʰata priyáḥ /
   ayáṃ gʰa sá turó máda
   ayám gʰa sá turáḥ mádaḥ
   ayáṃ gʰa sá turó máda

Halfverse: b    índrasya vardʰata priyáḥ /
   índrasya vardʰata priyáḥ /
   índrasya vardʰata priyáḥ /

Halfverse: c    ayáṃ kakṣī́vato mahó ví vo máde matíṃ víprasya vardʰayad vívakṣase //
   ayáṃ kakṣī́vato mahó
   ayám kakṣī́vataḥ maháḥ
   ayáṃ kakṣī́vato mahó

Halfverse: d    ví vo máde
   ví vaḥ máde
   ví vo máde

Halfverse: e    matíṃ víprasya vardʰayad
   matím víprasya vardʰayat
   matíṃ víprasya vardʰayad

Halfverse: f    vívakṣase //
   vívakṣase //
   vívakṣase //


Verse: 11 
Halfverse: a    ayáṃ víprāya dāśúṣe vā́jām̐ iyarti gómataḥ /
   ayáṃ víprāya dāśúṣe
   ayám víprāya dāśúṣe
   ayáṃ víprāya dāśúṣe

Halfverse: b    vā́jām̐ iyarti gómataḥ /
   vā́jān iyarti gómataḥ /
   vā́jām̐ iyarti gómataḥ /

Halfverse: c    ayáṃ saptábʰya ā́ váraṃ ví vo máde prā́ndʰáṃ śroṇáṃ ca tāriṣad vívakṣase //
   ayáṃ saptábʰya ā́ váraṃ
   ayám saptábʰyaḥ ā́ váram
   ayáṃ saptábʰya ā́ váraṃ

Halfverse: d    ví vo máde
   ví vaḥ máde
   ví vo máde

Halfverse: e    prā́ndʰáṃ śroṇáṃ ca tāriṣad
   prá andʰám śroṇám ca tāriṣat
   prā́ndʰáṃ śroṇáṃ ca tāriṣad

Halfverse: f    vívakṣase //
   vívakṣase //
   vívakṣase //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.