TITUS
Rg-Veda: Rg-Veda-Khilani
Part No. 38
Previous part

Hymn: 2 


Verse: 1 
Halfverse: a    prá śrutám̐ surā́dʰasam árcā śakrám [abʰíṣṭa]ye /
Halfverse: b    
yás sunvaté stuvaté kā́myaṃ vvásu sahásreṇeva mám̐hate /

Verse: 2 
Halfverse: a    
śatā́nīkā hetáyo asya duṣṭárā índrasya samíṣo mahī́ḥ /
Halfverse: b    
śinír bʰujmā́ magʰávatsu pinvate yád īṃ sutā́ ámandiṣuḥ /

Verse: 3 
Halfverse: a    
yád īm̐ sutā́sa índavobʰí priyám ámandiṣuḥ /
Halfverse: b    
ā́po dʰāyi sávanam ma ā́ vaso dúgʰā ivópa dāśúṣe /

Verse: 4 
Halfverse: a    
anehásaṃ vvo hávamānam ūtáye mádʰvaẖ kṣaranti dʰītáyaḥ /
Halfverse: b    
ā́ tvā vaso havamānāsa índava úpa stotréṣu dadʰire /

Verse: 5 
Halfverse: a    
ā́ nas sóme svadʰavará iyānó átyo tośate /
Halfverse: b    
yán te svadʰāvan svadʰáyanti gūrtáyaḫ pauré ccʰandáyase há[vam] // 3 //

Verse: 6 
Halfverse: a    
prá vīrám ugráṃ vvivicin dʰanaspŕ̥taṃ vvíbʰūtim̐ rā́dʰaso maháḥ /
Halfverse: b    
udrī́va vajrinn avató vasutvanā́ sádā pīpetʰa dāśúṣe /

Verse: 7 
Halfverse: a    
yád dʰa nūnáṃ parāváti yád pr̥tʰivyā́n diví /
Halfverse: b    
yujāná indra háribʰir mahemata ugrá r̥ṣvébʰir ā́ gahi /

Verse: 8 
Halfverse: a    
ratʰirāso hárayo te asrídʰa ójo vā́tasya píprati /
Halfverse: b    
yébʰir dásyuṃ mánuṣo nigʰóṣayo yébʰis svàḫ parī́yase /

Verse: 9 
Halfverse: a    
etā́vatas te vaso vidyā́ma śūra návyasaḥ /
Halfverse: b    
yátʰā prā́vo magʰavan médʰyātitʰiṃ yyátʰā nī́pātitʰin dʰáne /

Verse: 10 
Halfverse: a    
yátʰā káṇve magʰavan médʰe adʰvaré dīrgʰánītʰe dámūnasi /
Halfverse: b    
yátʰā góśarye ásiṣāso adrivo máyi gotrám̐ hariśríyam // 4 //



Next part



This text is part of the TITUS edition of Rg-Veda: Rg-Veda-Khilani.

Copyright TITUS Project, Frankfurt a/M, 22.4.2012. No parts of this document may be republished in any form without prior permission by the copyright holder.