TITUS
Rg-Veda: Rg-Veda-Khilani
Part No. 39
Previous part

Hymn: 3 


Verse: 1 
Halfverse: a    yátʰā mánau sā́ṃvvaraṇam̐ sómam indrā́pibas sutám /
Halfverse: b    
nī́pātitʰau magʰavan médʰyātitʰau púṣṭigau śrúṣṭigau sácā /

Verse: 2 
Halfverse: a    
pārṣadvānáḫ práskaṇvam̐ sám a[sādayac] cʰáyānaṃ jívrim úddʰitam /
Halfverse: b    
sahásrāṇy ā́siṣāsad gávām ŕ̥ṣis tvóto dásyave vŕ̥kaḥ /

Verse: 3 
Halfverse: a    
uktʰébʰir vindʰáte cikíd r̥ṣicódanaḥ /
Halfverse: b    
índran tám áccʰā vada návyasyā maty áviṣyantan bʰójase /

Verse: 4 
Halfverse: a    
yásmā arkám̐ saptáśīrṣāṇam ānr̥cús tridʰā́tum uttamé padé /
Halfverse: b    
tv imā́ víśvā bʰúvanāni cikradad ā́d ij janiṣṭa paúm̐syam /

Verse: 5 
Halfverse: a    
no dātā́ vásūnām índraṃ tám̐ hūmahe vayám /
Halfverse: b    
vidmā́ hy asya sumatín návīyasīṃ gaméma gómati vrajé // 5 //

Verse: 6 
Halfverse: a    
yásmai tváṃ vaso dānā́ya śíkṣasi rāyás póṣam aśnute /
Halfverse: b    
tán tvā vayáṃ magʰavann indra girvaṇas sutā́vanto havāmahe /

Verse: 7 
Halfverse: a    
kadā́ caná starī́r asi néndra saścasi dāśúṣe /
Halfverse: b    
úpopén magʰavan bʰū́ya ín te dā́nan devásya pr̥cyate /

Verse: 8 
Halfverse: a    
prá nanakṣé abʰy ójasā kríviṃ vadʰaíś śúṣṇan nigʰoṣáyan /
Halfverse: b    
yadéd ástambʰīt pratʰáyann amū́n divám ā́d íj janiṣṭa pā́rtʰivaḥ /

Verse: 9 
Halfverse: a    
yásyāyáṃ vvíśva ā́ryo dā́saś śevadʰipā́ aríḥ /
Halfverse: b    
tirás cid aryé rúśame pávīravi túbʰyét ajyate rayíḥ /

Verse: 10 
Halfverse: a    
turaṇyávo mádʰumanto gʰr̥taścúto víprāso arkám ānr̥cuḥ /
Halfverse: b    
asmé rayíḫ papratʰe vŕ̥ṣṇyam̐ śávosmé suvānā́sa índavaḥ // 6 //



Next part



This text is part of the TITUS edition of Rg-Veda: Rg-Veda-Khilani.

Copyright TITUS Project, Frankfurt a/M, 22.4.2012. No parts of this document may be republished in any form without prior permission by the copyright holder.