TITUS
Sama-Veda: Devatadhyaya-Brahmana
Part No. 3
Previous part

Paragraph: 3 
Verse: 1    atʰāto nirvacanam \\

Verse: 2    gayatrī gāyateḥ stutikarmaṇaḥ \\

Verse: 3    gāyato mukʰādudapataditi hi brāhmaṇam \\

Verse: 4    uṣṇigutsnānāt snihyatervā kāntikarmaṇo'pi voṣṇīṣiṇītyaupamikam \\

Verse: 5    kakup kakudarūpiṇītyaupamikam \\

Verse: 6    kakup ca kubjaśca kujatervobjatervā \\

Verse: 7    anuṣṭubanustobʰanāt \\

Verse: 8    anvastauditi hi brāhmaṇam \\

Verse: 9    pipīlikā pelatergatikarmaṇaḥ \\

Verse: 10    pipīlikamadʰyetyaupamikam \\

Verse: 11    br̥hatī br̥hatervr̥ddʰikarmaṇaḥ \\

Verse: 12    virāḍviramaṇādvirājanādvirādʰanādvā \\

Verse: 13    paṅktiḥ pañcinī pañcapadā \\

Verse: 14    triṣṭubʰ stobʰatyuttarapadā \\

Verse: 15    kā tu tritā syāttirṇatamaṃ cʰando bʰavatīti \\

Verse: 16    trivr̥dvajrastasya stobʰinīvetyaupamikam \\

Verse: 17    jagatī gatatamaṃ cʰando jajjagatirbʰavati kṣipragatiḥ \\

Verse: 18    jajjalākurvannasr̥jateti hi brāhmaṇam \\

Verse: 19    aticcʰandāścʰaderartʰe \\

Verse: 20    cʰandāṃsi cʰandayatīti vā \\

Verse: 21    nicr̥t nipūrvāccr̥teḥ bʰaraṇāt bʰurigucyate \\

Verse: 22a    atʰāto gāyatramāgneyaṃ bʰaktyā bʰavati
Verse: 22b    devānāṃ varṣiṇāṃ vā parameṣṭino vā prājāpatyasya sāma \\

Verse: 23    sāvitrīgeyaṃ yatrāgītam \\

Verse: 24    tatsaviturvareṇiyom . bʰargo devasya dʰīmahi ' 2 . dʰiyo yonaḥ praco 1212 . hum ā 2 . dāyo . ā 2345 \\

Verse: 24a1    r̥ṣīṇāṃ viṣyajño yaḥ sa śarīradvimucyate
Verse: 24a2    atītya tamasaḥ pāraṃ svarge loke mahīyate \\

Verse: 24b1    sahasrayugaparyantamaharbrāhmaṃ yaducyate
Verse: 24b2    nākasya pr̥ṣṭʰe taṃ kālaṃ divi sūrya iva rocate \\

Verse: 24c1    tataḥ kr̥tayugasyādau brahmabʰūto mahāyaśāḥ
Verse: 24c2    sarvajño gʰr̥timānr̥ṣiḥ punarājāyate smaran \\

Verse: 24d1    smaranniti \\


Next part


This text is part of the TITUS edition of Sama-Veda: Devatadhyaya-Brahmana.

Copyright TITUS Project, Frankfurt a/M, 30.8.2009. No parts of this document may be republished in any form without prior permission by the copyright holder.