TITUS
Sama-Veda: Gobhila-Grhyasutra
Part No. 39
Previous part

Paragraph: 10 
Verse: 1    uttarato gāṃ baddʰvo 'patiṣṭherann arhaṇā putra uvāsa (?) se 'ti.
Verse: 2    idam aham imāṃ padyāṃ virājam annādyāyā 'dʰitiṣṭhāmī 'ti pratitiṣṭhamāno japet.
Verse: 3    yatrai 'nam arhayiṣyantaḥ syuḥ,
Verse: 4    yadā vā 'rhayeyuḥ,
Verse: 5    viṣṭara-pādyā-'rgʰyā-''camanīya-madʰuparkān ekaikaśas tristir vedayeran.
Verse: 6    yā oṣadʰīr ity udañcaṃ viṣṭaram āstīryā 'dʰyupaviśet;
Verse: 7    dvau cet, pr̥tʰag r̥gbʰyām,
Verse: 8    pādayor anyam.
Verse: 9    yato devīr ity apaḥ prekṣeta.
Verse: 10    savyaṃ pādam avanenija iti savyaṃ pādaṃ prakṣālayed, dakṣiṇaṃ pādam avanenija iti dakṣiṇaṃ pādaṃ prakṣālayet;
Verse: 11    pūrvam anyam aparam anyam ity ubʰau śeṣeṇa.
Verse: 12    annasya rāṣṭrir asī 'ty argʰyaṃ pratigr̥hṇīyāt.
Verse: 13    yaśo 'sī 'ty ācamanīyam ācāmet.
Verse: 14    yaśaso yaśo 'sī 'ti madʰuparkaṃ pratigr̥hṇīyāt:
Verse: 15    yaśaso bʰakṣo 'si, mahaso bʰakṣo 'si, śrībʰakṣo 'si, śriyaṃ mayi dʰehī 'ti triḥ pibet,
Verse: 16    tūṣṇīṃ caturtʰam;
Verse: 17    bʰūya evā 'bʰipāya śeṣaṃ brāhmaṇāya dadyāt.
Verse: 18    ācāntodakāya gaur iti nāpitas trir brūyāt;
Verse: 19    muñca gāṃ varuṇa pāśād dviṣantaṃ me 'bʰidʰehī 'ti, taṃ jahy amuṣya co 'bʰayor, utsr̥ja gām attu tr̥ṇāni pibatū 'dakam iti brūyāt.
Verse: 20    mātā rudrāṇām ity anumantrayeta,
Verse: 21    - anyatra yajñāt,
Verse: 22    kurute 'ty adʰiyajñam.
Verse: 23    - ṣaḍ argʰyārhā bʰavanti:
Verse: 24    ācārya r̥tvik snātako rājā vivāhyaḥ priyo 'titʰir iti.
Verse: 25    parisaṃvatsarān arhayeyuḥ,
Verse: 26    punar yajñavivāhayoś ca punar yajñavivāhayoś ca.


{iti caturtʰaḥ prapāṭhakaḥ.}
{iti sāmavedasya gobʰilīyagr̥hyasūtraṃ samāptam.}


This text is part of the TITUS edition of Sama-Veda: Gobhila-Grhyasutra.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.