TITUS
Sama-Veda: Gobhila-Grhyasutra
Part No. 38
Previous part

Paragraph: 9 
Verse: 1    puruṣādʰipatyakāmo 'ṣṭarātram abʰuktvā,
Verse: 2    audumbarān sruvacamasedʰmān upakalpayitvā,
Verse: 3    prāṅ vo 'daṅ vā grāmān niṣkramya, catuṣpatʰe 'gnim upasamādʰāya
Verse: 4    ājyam ādityam abʰimukʰo juhuyād annaṃ vā ekaccʰandasyaṃ, śrīr vā eṣe 'ti ca;
Verse: 5    annasya gʰr̥tam eve 'ti grāme tr̥tīyām,
Verse: 6    - goṣṭhe paśukāmaḥ,
Verse: 7    vidūyamāne cīvaram;
Verse: 8    - pratibʰaye 'dʰvani vastradaśānāṃ grantʰīn badʰnīta,
Verse: 9    upetya vasanavataḥ,
Verse: 10    svāhākārāntābʰiḥ:
Verse: 11    sahāyānāṃ ca svastyayanam;
Verse: 12    - ācitasahasrakāmo 'kṣatasaktvāhutisahasraṃ juhuyāt;
Verse: 13    - paśukāmo vatsamitʰunayoḥ purīṣāhutisahasraṃ juhuyāt,
Verse: 14    avimitʰunayoḥ kṣudrapaśukāmaḥ.
Verse: 15    vr̥ttyaviccʰittikāmaḥ kambūkān sāyaṃprātar juhuyāt kṣudʰe svāhā, kṣutpipāsābʰyāṃ svāhe 'ti.
Verse: 16    mā bʰaiṣīr na mariṣyasī 'ti viṣavatā daṣṭam adbʰir abʰyukṣan japet.
Verse: 17    tura gopāye 'ti snātakaḥ saṃveśanavelāyāṃ vaiṇavaṃ daṇḍam upanidadʰīta
Verse: 18    svastyayanārtʰam.
Verse: 19    hatas te atriṇā kr̥mir iti kr̥mimantaṃ deśam adbʰir abʰyukṣan japet;
Verse: 20    - paśūnāṃ cec cikīrṣed, aparāhṇe sītāloṣṭam āhr̥tya vaihāyasaṃ nidadʰyāt:
Verse: 21    tasya pūrvāhṇe pām̐subʰiḥ parikiran japet.

Next part


This text is part of the TITUS edition of Sama-Veda: Gobhila-Grhyasutra.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.