TITUS
Sama-Veda: Gobhila-Grhyasutra
Part No. 37
Previous part

Paragraph: 8 
Verse: 1    śravaṇāgrahāyaṇīkarmaṇor akṣatāñ cʰiṣṭvā,
Verse: 2    prāṅ vo 'daṅ vā grāmān niṣkramya, catuṣpatʰe 'gnim upasamādʰāya haye rāka ity ekaikayā 'ñjalinā juhuyāt;
Verse: 3    prāṅ utkramya vasuvana edʰī 'ty ūrdʰvam udīkṣamāṇo devajanebʰyaḥ,
Verse: 4    tiryaṅṅ itarajanebʰyo 'rvāṅ avekṣamāṇaḥ.
Verse: 5    anapekṣamāṇaḥ pratyetyā 'kṣatān prāśnīyād upetair amātyaiḥ saha.
Verse: 6    svastyayanam.
Verse: 7    vaśaṃgamau, śaṅkʰaś ce 'ti pr̥tʰagāhutī vrīhiyavahomau prayuñjīta,
Verse: 8    yasyā ''tmani prasādam iccʰet, tasmai;
Verse: 9    nityaprayogaḥ.
Verse: 10    ekākṣaryāyām ardʰamāsavrate dve karmaṇī.
Verse: 11    paurṇamāsyāṃ rātrau kʰadiraśaṅkuśataṃ juhuyād āyuḥkāmaḥ,
Verse: 12    āyasān vadʰakāmaḥ.
Verse: 13    atʰā 'param:
Verse: 14    prāṅ vo 'daṅ vā grāmān niṣkramya, catuṣpatʰe parvate vā ''raṇyair gomayaiḥ stʰaṇḍilaṃ pratāpyā, 'pohyā 'ṅgārān, mantraṃ manasā 'nudrutya sarpir āsyena juhuyāt;
Verse: 15    jvalantyāṃ dvādaśa grāmāḥ,
Verse: 16    dʰūme tryavarārdʰyāḥ.
Verse: 17    amogʰaṃ karme 'ty ācakṣate;
Verse: 18    - vr̥ttyaviccʰittikāmo haritagomayān sāyaṃprātar juhuyāt.
Verse: 19    trirātropoṣitaḥ paṇyahomaṃ juhuyād idam aham imaṃ viśvakarmāṇam iti:
Verse: 20    vāsasas tantūn,
Verse: 21    gor vālān;
Verse: 22    evam itarebʰyaḥ paṇyebʰyaḥ.
Verse: 23    pūrṇahomo yajanīyaprayogaḥ,
Verse: 24    indrāmavadād (?) iti ca:
Verse: 25    yaśaskāmaḥ pūrvāṃ, sahāyakāma uttarām.

Next part


This text is part of the TITUS edition of Sama-Veda: Gobhila-Grhyasutra.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.