TITUS
Black Yajur-Veda: Baudhayana-Srautasutra
Part No. 419
Previous part

Paragraph: 18 
Verse: 264 
Sentence: 8    <taraṇir viśvadarśatas> \ ity anudrutya \ <upayāmagr̥hīto 'si sūryāya tvā bʰrājasvate juṣṭaṃ gr̥hṇāmi> \ iti
Sentence: 9    parimr̥jya sādayati \ <eṣa te yoniḥ sūryāya tvā bʰrājasvate> \ iti \
Sentence: 10    atʰāvr̥ttān gr̥hṇāti \ <upayāmagr̥hīto 'si prajābʰyas tvā prajāpataye juṣṭaṃ gr̥hṇāmi> \ <upayāmagr̥hito 'sy oṣadʰībʰyas tvā prajābʰyo juṣṭaṃ gr̥hṇāmi> \ <upayāmagr̥hīto 'sy adbʰyas tvauṣadʰībʰyo juṣṭaṃ gr̥hṇāmi> \ iti
Sentence: 13    <saptaitad ahar atigrāhyā gr̥hyante> \ iti brāhmaṇam
Sentence: 14    atʰordʰvaṃ vaiṣuvatāt tryaham anvaham āvr̥ttān eva gr̥hṇāti vaiśvakarmaṇādityābʰyāṃ viparyāsam
Sentence: 15    <upayāmagr̥hīto 'si prajābʰyas tvā prajāpataye juṣṭaṃ gr̥hṇāmi> \ iti \
Sentence: 16    atʰa vaiśvakarmaṇam \
   <viśvakarman haviṣā vāvr̥dʰānas> \ ity anudrutya \ <upayāmagr̥hīto 'sy oṣadʰībʰyas tvā prajābʰyo juṣṭaṃ gr̥hṇāmi> \ iti \
Sentence: 18    atʰādityam
   <aditir na uruṣyatu> \ ity anudrutya \ <upayāmagr̥hito 'sy adbʰyas tvauṣadʰībʰyo juṣṭaṃ gr̥hṇāmi> \ iti \
Sentence: 19    atʰa vaiśvakarmaṇam
Sentence: 20    atʰādityam
   atʰordʰvaṃ tryahād vaiśvakarmaṇādityābʰyām eva viparyāsam ety ā mahāvratāt

Verse: 265 
Sentence: 1    tāv ubʰau saha mahāvrate gr̥hyete
   atʰaitaṃ mahāvratīye 'hni prājāpatyam atigrāhyaṃ gr̥hṇāti
Sentence: 2    <tve kratum apivr̥ñjanti viśve> \ ity anudrutya \ <upayāmagr̥hīto 'si prajāpataye tvā juṣṭaṃ gr̥hṇāmi> \ iti
Sentence: 4    parimr̥jya sādayati \ <eṣa te yoniḥ prajāpataye tvā> \ iti //

Next part


This text is part of the TITUS edition of Black Yajur-Veda: Baudhayana-Srautasutra.

Copyright TITUS Project, Frankfurt a/M, 22.4.2012. No parts of this document may be republished in any form without prior permission by the copyright holder.